К Титу 1:16 - Новый Завет на эскимосском языке

¹⁶ Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

К Титу 1:16 Iomraidhean Croise

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

К Ефесянам 5:6

Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун.

1е Тимофею 1:9

Лӣсимакапут Лӣлиҳтӯсят улима̄ӷунӷитут пинилӷӣнун югнун. Улима̄ӷӯт лӣлиҳтӯсяның на̄фқӣкаюгнун, қа̄ткусигалңуӷнунлъю. Улима̄ӷӯт Кияӷныӷьюгигалңуӷнун, сыӷлыҳқыстынунлъю. Улима̄ӷӯт ўа̄кигалңуӷнун Кияӷныӷмың, лыгасӣӷўа̄ткилӷӣнунлъю аглыӷналӷӣнун. Улима̄ӷӯт туқутикаюгнун атамыхның налиӷмың на̄мыхның, юхтаҳтынунлъю.

1е Тимофею 5:8

Китум алңунак афлъыңакынӷилъкумики илякўа̄ни, ўата лъми катам ныңлъюгутни, таўатын пилъыӷмикун пыхтыкақа̄ ухпықилъыни. Ынка̄м сыӷлыӷатаӷа̄лъықуқ ухпықа̄нӷилңуӷмың.

2е Тимофею 3:17

Ынка̄м атуқлъюки Акузитыт Игақыхкат, Кияӷныӷым қыпҳаҳтыңа пыҳқихсяӷўа̄ӷңалъықуқ, ята̄ҳқыңъалъықуқлъю тамаҳа̄нун аныӷныҳқилъыӷмун.

К Титу 3:1

Нықаңуҳтики ухпықат малиҳқутақысқылъюки кавымым иглыӷутистыңитнун, умӣлўа̄ӷнунлъю. Қа̄ткутңаяҳқа̄гут, апыӷӣӷңаяҳқа̄гут тамаҳа̄нун аныӷныҳқилъыӷнун.

К Титу 3:3

Хўаңкуталъю сивунӷани налъюяҳтукут, қа̄ткусигасяҳтукут, пӯҳтыңъаяҳтукутлъю. Югусимта пиюкылъҳа айӷӣлъюку, итагнаҳқусиқлъюку аюқсяӷаҳпут. Уңувалъыпут кияӷусиқсяӷапут сыӷлыпыста̄ӷмун, ақиналъыӷмунлъю. Югыт угумиксяӷӣлъю, угумикусяҳтукутлъю.

1е Иоанна 2:4

Кина хўатын пилӷӣ: «Лӣсимакақа Кияӷнық», нақам қа̄ткыхпынаки қылӷусӣ, иқлъыңиқыстыңӯқ, налъюка̄лъю ипапиҳқылъық.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 21:27

Иўырңа ныҳлъягмун итыӷьяҳқа̄нӷитуқ сяңўа̄ сыӷлық, талўа кина алңунак сыӷлыӷнатун писта, налиӷмың иқлъыңиқыста. Иўырңа ныҳлъягмун итыӷьяҳқа̄гут тама̄куңинаҳа̄т а̄тҳит игақңалӷӣт Ига̄кун Уңувалъҳым. Та̄кут Игат Пынъӣӷаҳа̄м пикӣ.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».