К Титу 1:10 - Новый Завет на эскимосском языке

¹⁰ Угля̄пихтут қа̄ткусюгигалңӯт, тымңи акузилӷӣт пӯҳтилӷӣт илямыхның, кияң тама̄куңӯт апыҳтуӷилӷӣт язычнигыт ухпықӣт обрезанияҳқа̄нилюки.

К Титу 1:10 Iomraidhean Croise

От Матфея 23:14

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Ысҳаӷля̄тақулюки угиңиӷат мыңтыӷӣӷақаси. Та̄хкын пиниӷнилюси писқылъюси та̄клъюку юӷаӷақуси. Тама̄кын апалъюқлъюку аӷью̄лъыңыҳлъягьяҳқа̄гуси!

Деяния 11:2

Петр ка̄сян Иерусалимымун, Иудеит ухпықат обрезанияӷиюкат язычнигыт ухпықӣтның сыӷлықӯқа̄т Петр, пика̄т:

Деяния 15:1

Та̄хкын Иудеямың иляңи югыт тагилютың Антиохиямун ухпықанун апыҳтуӷикат: «Югулилъыңна̄нӷитуси ўыткуқун обрезаниякуфси Моисейем Лӣлиҳтӯся̄н қылылъҳатун».

Деяния 15:24

Нагақӯма̄кут юмтаңуқ иляңита такулюси сямың пилюси сыӷлыӷьюхтыкақӣсилъю, кукшагьюхтыкақӣсилъю. Нақамлъю хўаңкута таўатын писқумаңитапут.

Деяния 20:29

Лӣсимакақа унискумси апыҳтуӷистысиӷўа̄ӷыт такулъықӣси. Катам таўатытут угиҳсялӷӣстун ама̄стун на̄фқӣнақылӷӣт пынъӣӷмың, на̄фқынъақуткылъықӣт ухпықат апыҳтуӷилъыӷмыхтыхун.

К Галатам 2:4

Иўырңа иляңи ухпықасиӷўа̄ӷыт аксяқлъюку илятут хўаңкунъун рӣрңиналюку итымңалъыҳпут Христос Иисусыкун. Қыпҳаҳтыля̄ӷуҳнықихтысқылъюта пӣлъю Лӣлиҳтӯся̄мнъун.

К Галатам 3:1

Налъюҳаӷмың лъпыси Галатияӷмӣни! Китум пӯҳтиси? Пуйгустыхӯ а̄пҳўа̄қақсяқыхка Иисус Христосым туқулъҳа қақӯракун?

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

1е Тимофею 1:4

сяңилъҳа̄ткыхпынакиңуқ акузимҳуткылъюки уңипаӷа̄тыңлъяқат, сивунылӷутыҳлъягытлъю а̄тҳит. Тама̄кут а̄ҳтӣра̄ӷусиҳӣна̄гут, каютңунӷитут қыпҳақа̄нун Кияӷныӷым. Лъңан қыпҳақа̄ апыӷӣӷақуқ ухпықилъҳӣнаҳаҳқун.

1е Тимофею 1:6

Иляңита югыт пыхтыкақӣт тама̄кут ынка̄м а̄ҳтӣра̄ӷақут тымңимың.

1е Тимофею 1:9

Лӣсимакапут Лӣлиҳтӯсят улима̄ӷунӷитут пинилӷӣнун югнун. Улима̄ӷӯт лӣлиҳтӯсяның на̄фқӣкаюгнун, қа̄ткусигалңуӷнунлъю. Улима̄ӷӯт Кияӷныӷьюгигалңуӷнун, сыӷлыҳқыстынунлъю. Улима̄ӷӯт ўа̄кигалңуӷнун Кияӷныӷмың, лыгасӣӷўа̄ткилӷӣнунлъю аглыӷналӷӣнун. Улима̄ӷӯт туқутикаюгнун атамыхның налиӷмың на̄мыхның, юхтаҳтынунлъю.

2е Тимофею 3:13

Сыӷлыӷыт югыт, пӯҳтистытлъю, сыӷлыӷуҳтаӷаҳлъықут. Пӯҳқуҳлъықут, лъңитлъю пӯҳтылъыңылъықут.

2е Тимофею 4:4

Нагасюгнаниҳлъықут ипапилъыӷмун, нагасюгьягулъықут тымңинун уңипаӷанун.

К Титу 1:6

Пресвитерыкаҳқақ авутңисяҳқа̄гуқ; ата̄симың нулӣлгуяҳқа̄гуқ, авақутӣлъю ухпықа̄яҳқа̄гут; нылъиқныӷуяҳқа̄нӷитут, қа̄ткусигасяҳқа̄нӷитутлъю.

От Иакова 1:26

Ю̄к сюмыҳтаӷақаюк ухпықаҳлъягунилюни, нақам акузиткысяҳқақынӷилъкымъиның акузикаюк тымңи пӯҳтыңъӯқ лъминың катам. Ухпылъҳа сятңунӷитуқ.

1е Иоанна 2:18

Таӷнуҳамни, кынля қантаӷалъӣӷаҳтуқ! Уңипа̄тка̄гуси Аңуякилӷӣ Христосымың тагилъықнилюку, хўа̄ ма̄тын угляпихлъыҳӣт аңуякилӷӣт Христосымың алъхыҳтӯтңўа̄ӷлютың аюқут, ынка̄м лӣсимакаҳпут кынля қантаӷалъӣӷаҳтуқ.

1е Иоанна 2:4

Кина хўатын пилӷӣ: «Лӣсимакақа Кияӷнық», нақам қа̄ткыхпынаки қылӷусӣ, иқлъыңиқыстыңӯқ, налъюка̄лъю ипапиҳқылъық.

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.

Откровение 2:14

Иўырңа пиюкынӷитусинка лъпысинун укуңӯт: та̄ўа лъпысинитут иляңи қа̄ткулъҳӣт Валаамым апыҳтӯся̄нун. Апыҳтуқақа̄ Валак натын сыӷлыҳқыстысқылъюки Израилыӷмӣт. Ынка̄м Валакым апыҳтуқақӣ ныӷьяӷңӣта писқылъюки нықыт аҳқуткыхкат кияӷныңлъяқанун. Апыҳтуқақӣлъю итагнаӷнилюку алңунак развратылъыӷқақ.

Откровение 2:6

Иўырңа уна пинитун пилъқаҳси: угумикаси пӣқыхкаңит Николайем малихся̄ҳтыңита, катам хўаңа угумикылъымтун.