К Колоссянам 4:18 - Новый Завет на эскимосском языке

¹⁸ Хўаңа, Павел, хўаңа катам ӣхымның уна игақақа. Нықамиклъюңа анусимиңлъяӷа̄гуңа, қӣпшаӷусиӷлюңа аюқуңа. Қамахлъюси сю̄мқақамси. Кияӷнық наңлъыхтаӷли лъпысини.

К Колоссянам 4:18 Iomraidhean Croise

К Римлянам 16:20

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

К Римлянам 16:22

Тертийяңӯңа, ига̄тақақа Павел посланияңаның. Хўаңалъю сю̄мқақамси Атаныҳқун.

К Римлянам 16:23

Хўаңа Павел, Гаийемытақуңа. Мыңтыӷа̄ни қамахлъютың ухпықат қырңуӷуткаюгӯт. Лъңанлъю, ухпықатлъю сю̄мқақӣсиңуқ. Ныҳлъямта манимың афлъыңакистыңан, Ерастым, ухпықа̄лгутымталъю Квартым сю̄мқақӣсиңуқ.

1е Коринфянам 16:21

Хўаңа катам ӣхымның уна игақақа: Сю̄мқамси. Павел.

2е Коринфянам 13:14

Наңлъыхталъҳа Атанӷым Иисус Христосым, пиниқылъҳалъю Кияӷныӷым, қырңаӷмытылъҳалъю Аглыӷналӷӣм Таӷныӷам лъпысинилъи.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

2е Фессалоникийцам 3:17

Хўаңа, Павел хўаңа катам ӣхымның игақақа пиниқилъқа лъпысинун. Таўатын игаӷақуңа қамахлъюки посланиямкун лъпысинун лӣсимакысқылъюки хўаңамның пиңутаңи.

1е Тимофею 6:21

Иляңита пыхсима̄т ухпықилъыҳтың қаюҳлъяк ухпықыхкаңат ипаңунӷилңуқ лӣсималъық. Кияӷныӷым қуяслъиси.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

2е Тимофею 4:22

Атанық таӷныӷаҳпынилъи, қуяслъисилъю.

К Титу 3:15

Қамахлъютың хўаңамнилңӯт пиниқӣсиңуқ. Пиниқылъыҳпут а̄пқаӷнакын ухпықа̄лгутымнъун пиниқистымнъун. Кияӷныӷым қуяслъиси қамахлъюси.

К Евреям 13:25

Кияӷныӷым пиниқиңалӷӣ каюсилъҳа тамаҳаҳпысинилъи! Аминь.

К Евреям 13:3

Нықамиклъюки анусимиңлъяӷвигмылңӯт, никимқун лъпысилъю анусимиңлъяӷвигмылңуси. Нықамиклъюки икфиқңалӷӣт, никимқун лъпысилъю икфиқылӷӣси.