К Колоссянам 4:12 - Новый Завет на эскимосском языке

¹² Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку.

К Колоссянам 4:12 Iomraidhean Croise

От Матфея 5:48

Лъпыси авақутақңутаңаның Атахпыси қилягмылңӯм пиниҳтык таўатыҳпигақ Атахпыси пинилъҳатун».

От Луки 1:1

Аңылъымни Феофил Углялӷӣм югым игақуқақӣт таўатын пилъҳыт акулымнъи. Игақуқӣт та̄куңӯт ата̄сит нагақуқапут ысҳапаканың таўатын пилъҳистун има пӣнлилъҳитның. Лъңиталъю қыпҳа̄ткақа̄т Кияӷнық уңипақылъыӷмыхтыхун уңипақ Христосымың аюқылӷӣ.

От Луки 22:44

Икфиқыҳлъягым аңталяңаның та̄куңинаҳа̄гның юӷақақ, қысиҳтылъҳалъю а̄ўыстун уқлъюҳқақақ нунамун.

От Иоанна 12:26

Китум алңунак қыпҳа̄сюкумиңа малихсяҳқақа̄ңа. Ынка̄м қыпҳаҳтыка хўаңамнисяҳқа̄гуқ на̄нсяӷңа̄ӷма. Атама қӯлваӷьяҳқақа̄ кина алңунак қыпҳа̄тилӷӣ хўаңамның.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

К Римлянам 15:30

Ухпықа̄лгутымни, Атанымтыхун Иисус Христосыкун, пиниқылъҳакунлъю Таӷныӷам, малигулъюси хўаңамнун юӷа̄ткыҳлъякаҳтыңъа Кияӷныӷмун каюсӣтысқылъюңа.

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

1е Коринфянам 2:6

Аңтанӣтканун ухпықанун апыҳтӯсяқақа Кияӷныӷым пыҳқинылъҳа. Иўырңа та̄на пыҳқинылъық нунамың пиңунӷитуқ, талўа иглыӷутистыңаның. Қантаӷақун авӣӷусяҳқа̄гут.

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Галатам 4:19

Таӷнуҳаҳамни, катам аӷнам ақниҳқылъҳатун иӷниюлъыӷмини хўаңалъю таўатын ақниҳқуткынъықихтыңъўа̄мси кынляңа Христосытун лъӣлъыҳқаҳпысинун.

К Колоссянам 1:22

Иўырңа Кияӷныӷым илялӣӷунъықихтыстӣси лъңанун Иӷныӷми югусӣн туқулъҳакун. Таўатын пика̄гуқ тагинъалюси наю̄тңалъыӷминун аглыӷнаӷлюси, пылюңилъюси, авутңилъюсилъю.

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

К Колоссянам 1:29

Та̄на пиналюку та̄куңинаҳа̄гның уӷлыӷӣҳтуңа атуқлъюку Христосым аҳтуӷьяҳқа̄нӷилъҳа қыпҳалӷӣ икнақыпихлъюни илюмнъи.

К Колоссянам 1:7

Лӣткақаҳси Кияӷныӷым наңлъыхталъҳа Епафрасымың, пиниқыхкамнъың қыпҳалгутымнъың. Ата̄сӣӷмылъюни қыпҳа̄гуқ Христосымун, қыпҳақақа̄ хўаңкута қыпҳаӷьюхўақаҳпут.

К Колоссянам 1:9

Аӷныӷмың та̄хкын нагақӯтымнъың тама̄куның, юӷа̄ткынъанӣгатамси. Туңсӣтңўа̄мси Кияӷныӷмун лӣсимакысқылъюку қамахлъюку лъңан пиюкылъҳа. Юӷа̄ткақамсилъю пыҳқинӷусқылъюси, лӣгикысқылъюкилъю сяңўа̄т Аглыӷналӷӣм Таӷныӷам апыҳтӯткӣ.

К Колоссянам 4:9

Каяхтақалъю Онисим лъпысинун. Пиниқыхка̄гуқ ата̄сӣӷмылңуқ ухпықа̄лгун, лъпысиның пиңӯқ. Тихикылъю уңипа̄лъықӣси сямың тамаҳа̄ның сялъыӷның ма̄ни.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

К Филимону 1:23

Епафрасымңуқ пиниқӣси; анусимиңлъяӷалгуткақа апалъюқлъюку Христос Иисус.

К Евреям 5:14

Иўырңа нықыпик аңтанӣтканун пиңӯқ. Пыҳқихсяқа̄гут лӣгиксяҳқа̄люкык пинилӷӣлъю, сыӷлылӷилъю.

К Евреям 5:7

Кияӷнық аҳтуӷьяҳқа̄нӷилъылгӯқ югулияҳқа̄люку Иисус туқулъыӷмың. Ынка̄м Иисус нунамытңулюни, игляхтулюни қунитӯмаӷми юӷақа̄лӷӣлъю, туңсиқа̄лӷӣлъю Кияӷныӷмун югулисқылъюни туқулъыӷмың. Кияӷныӷым нагаткақӣ юӷалъҳи, қаюҳлъяк қусывыхлъюни қа̄ткыхка̄ Кияӷныӷым пиюкылъҳа.

От Иакова 1:1

Укут посланият Иаковымың пиңӯт қыпҳаҳтыңаның Кияӷныӷымлъю, Атанӷымлъю Иисус Христосым. Письмоӷақуңа Иудеит ухпықӣтнун миңитңалӷӣнун тамаңани. Қуякамси.

От Иакова 1:4

Та̄хкын нуқынъыҳтулъыҳси нагныӷнакыси. Ынка̄м таўатын пикуфси аңтанӣлъықуси, ӣӷўиҳлъықуси нӯӷьяҳқа̄хпынаси.

От Иакова 5:16

Тама̄кын апалъюқлъюку а̄пҳақлъюки сыӷлыҳқылъыси иляхпысинун, юӷа̄ткутутақлъюси на̄лъҳутылъыңысқылъюси. Ылъқуӷутңалӷӣм югым юӷалъҳи икнақыҳлъяхтут, алъхыӷуткаюгӯт.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.