К Колоссянам 3:5 - Новый Завет на эскимосском языке

⁵ Та̄қитыки атуқныӷмың югусиҳпыси сыӷлыӷыт пиюкылъҳит, катам алъянӣқ, укмаңинъыӷилңуқ кияҳта̄лъық, атуқсюлъҳа сыӷлыӷым, пакигнӣқлъю. Пакигнӣқ манигӯлъҳӣстун кияӷныңлъяқанун аюқуқ.

К Колоссянам 3:5 Iomraidhean Croise

От Матфея 15:19

Қаюҳлъяк югым илюңаның сыӷлық сюмыҳтаӷалъық пика̄югӯт, юхтақ, гылгаӷнӣқ, алъянӣқ, тыглыгнӣқ, иқлъыңиқутки ынка̄м сыӷлықӯқ югның.

К Римлянам 1:26

Тама̄кын апалъюқлъюку Кияӷныӷым пыхтӣ атуқысқылъюки сыӷлыҳқылъҳыт пиюкыҳлъякӣт. Аӷнат альңунаҳқильӷит югыт, йыӷлыги альңунаҳқысягутут аӷна̄лгутмыхның.

К Римлянам 1:29

Алъя̄ҳӣнаӷмың сыӷлыӷмың пимаңинаӷақут, сыӷлыҳқақут, пакигныӷӯт, угумикытаҳтутлъю. Ақинакытаҳтут, юхтаӷьюныҳтӯт, пилъюўаӷьюныҳтӯт, пӯҳтиюныҳтӯт, сюмыҳтаӷа̄ткақӣтлъю илятың сыӷлыпигулюки. Йӣлъхӣқут,

К Римлянам 6:13

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

К Римлянам 6:6

Лӣсимакаҳпут хўаңкутылъюгуялӷӣт қақӯра̄тка̄гут Христосыкун иглықатақнанӣсқылъюта сыӷлыҳқылъҳым аҳтуӷьяҳқа̄нӷилъҳанун, қыпҳаҳтыля̄ӷунаниӷналюталъю сыӷлыҳқылъыӷмун.

К Римлянам 7:23

Иўырңа лӣтақа та̄ўа иляңа лӣлиҳтӯсяқ югусимнитуқ. Пилъюўақаңи Кияӷныӷым Лӣлиҳтӯсӣ умьюгама итагнақыхкӣ. Лӣлиҳтӯсям югусимнилңӯм сыӷлыҳқыстақа̄ңа, ынка̄м анусимиңлъяӷастун аюқуңа та̄мун лӣлиҳтӯсямун.

К Римлянам 7:5

Сивунӷани қа̄ткақапут сыӷлыҳқыңъалӷӣт пиюкылъҳи югусимта. Лӣлиҳтӯсят атуқистысюгақӣлъю тама̄куның. Ынка̄м атуқыхкумтыки туқуслъықӣлъю.

К Римлянам 8:13

Кияҳтыңъукуфси малиҳқутақлъюси югусиҳпыси пиюкылъҳанун, туқулъықуси. Иўырңа Таӷныӷагныкун туқускуфсики югусиҳпыси сыӷлыҳқыңʼңалӷӣт пӣқыхкаңит, та̄ўа кияҳлъықуси.

1е Коринфянам 5:1

Нагақуӷақақа налиҳпысиңуқ атами нулиҳа нулиҳқылӷӣстун аюқа̄. Сыӷлыпихлъыҳӣмың сыӷлыҳқыңъӯқ талўа ухпықа̄нӷилңӯт атуқыснаянӷита̄т та̄на сыӷлыҳқылъық.

1е Коринфянам 6:11

Иляси таўатысялӷӣт сялин ухпықилъҳилъютың Христосымың. Иўырңа ма̄тын Кияӷныӷым Таӷныӷахкынка уӷвуҳқыхкақӣси сыӷлыҳқылъыҳпысиның, а̄фтыкақӣси Кияӷныӷмун, сыӷлыҳқумаңилңуӷыстунлъю лъӣҳтыка̄гуси қаюҳлъяк ухпықилӷӣси Атаныҳқун Иисус Христосыкун.

1е Коринфянам 6:13

Киналъю пинаялӷӣ: «Нықа улима̄ӷӯқ ақсяқумун, ақсяқуқ нықмун». А̄, иўырңа иляңани аӷныӷым Кияӷныӷым на̄фқысяҳқақа̄к қамахлъюкык ақсяқуқлъю, нықалъю. Югусиқ блудыӷқанҳисаӷтуқ қаюҳлъяк югусиқ Атаныӷмун пиңӯқ, Атанық югусимнъун пиңӯқ.

1е Коринфянам 6:18

Лӣсимакынӷистыхӯ югусиси Кияӷныӷым Храмкыхкаңи, Аглыӷналӷӣм Таӷныӷахкынка кияҳфиги? Кияӷныӷым тӯныхкақисӣ Аглыӷналӷӣгның Таӷныӷаӷминың, ынка̄м ма̄тын Кияӷныӷым пилӣткақӣси. Лъпысиның пикынӷитуси. Тама̄кын апалъюқлъюку блудыгпынаси. Блудыӷкуфси, нукыхнаҳқылӷӣстун Кияӷныӷым Храмыңа пилъықаҳси. Иляңи сыӷлыҳқылъҳыт таўатынъыӷитут. Кияӷныӷым тукфиқақӣси акитупихлъюку. Тама̄кын апалъюқлъюку қӯлваҳтыху Кияӷнық югусиҳпысигун.

2е Коринфянам 12:21

Сюмыӷьялӣқуңа алъя такукумси Кияӷныӷма кайңуся̄кнаюкаңаңа сивухпысини апалъюқлъюки сыӷлыҳқылъыси. Ынка̄м қивӷуҳлъяхлъықуңа қаюҳлъяк углялӷӣни лъпыси сыӷлыҳқумаңина̄гуси авутыҳқыхпынаси. Паниның сюмыҳтаӷаӷақуси нечистотамың пылюңинъыӷилңуӷмың, блуда атуқақаҳси, алңунасыӷат анагңалӷӣт нуқытусигатаси.

К Галатам 5:24

Христос Иисусым пиңита қақӯра̄ткақӣт сыӷлыҳқыңъалӷӣт пиюкылъҳит югусимың.

К Ефесянам 4:19

Талўа кайңуюгьяҳқа̄нанӣма̄т; атуқақӣтлъю сяңўа̄т алңунак сыӷлыӷыт югусимың пиюкыхкӣт. Нагныӷусюгақӣт қамахлъюки сыӷлыӷыт нуқытутыхпынаки.

К Колоссянам 2:11

Илятңалъыҳпысигун Христосымун обрезанияка̄гуси. Обрезаниялъыҳси югыт пистылъҳита̄т, иўырңа Христосым пистыкақа̄. Ынка̄м итымуткақӣси аҳтуӷьяҳқа̄нӷилъҳаның югусиҳпыси сыӷлыҳқыңъалӷӣт пиюкылъҳитның.

1е Фессалоникийцам 4:3

Хўатытуқ Кияӷныӷым пиюкылъҳа лъпысинун: пылюңитысюгӣси сыӷлыҳқыстысюнӷитӣси атуқутылъыҳқун.

1е Фессалоникийцам 4:5

Иляпхатыхпынаси югусиҳпыси атуқиюлъҳанун ухпықа̄нӷилңӯт пилъҳистун налъюкилӷӣт Кияӷныӷмың.

1е Тимофею 6:10

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

К Евреям 12:16

Ысҳа̄макулъюси килъю алңунак блудникысаҳтут, налиӷмың килъю алңунак қӯлваӷинӷися̄ҳтут Кияӷныӷмың Исавытун. Акикыхкақыхкаңа пагитаҳқани ата̄сиҳаӷмун ныӷьяҳқамун.

К Евреям 13:4

Тамаҳаҳпыси сӣвакитыху ныңуӷутылъық ынка̄м угитлъю, нулиҳытлъю ата̄сӣӷмытулъит. Кияӷныӷым нанқихсяҳқақӣ гылгаӷнӣлӷӣт, тама̄кутлъю иляңаның блудникылъӷит.

К Евреям 13:5

Кияҳтык пакигныӷухпынаси манимун, итагнаӷақитыклъю сятуталыхпысистун. Кияӷнық пика̄гуқ: «Унинъа̄нӷитңўа̄ӷамси; пыхна̄нӷитңўа̄ӷамси».

От Иакова 4:1

Ся̄м а̄ҳтӣра̄ӷутыстақисилъю, пилъюгутыстақӣсилъю? Апалъюқақаҳси, сыӷлыӷым пиюкылъыҳпыси пилъюўаӷақӣ пинилӷӣт пиюкылъыси.

1е Петра 2:11

Илякумта̄мни, нуната̄гусилъю, алъяныҳта̄гусилъю нунами хўани. Ынка̄м кайымамси иляпхатыхпынаси югусиҳпыси пиюкылъҳанун, қаюҳлъяк югусим пиюкылъҳан пилъюўа̄ңўа̄ уңувасиҳси.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 22:15

Иўырңа ныҳлъягым ыслъята̄нилңӯт қикмӣгут, алигналӷӣңӯт, ныңуҳтыхпынатың атуқистыңӯт, юхтаҳтыңӯт, кияӷныңлъяқанун манигӯтыстыңӯт, иқлъыңиқсюныҳтӯт, иқлъыңиқумаңинаӷақутлъю.