К Колоссянам 3:4 - Новый Завет на эскимосском языке

⁴ Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.

К Колоссянам 3:4 Iomraidhean Croise

От Матфея 13:43

Та̄хкын Кияӷныӷым юги кӯкхулъықут сиқиныҳтун Атаныҳпагулъҳани Атамың. Сигутылгӯси, нагатык!»

От Луки 17:30

Таўани аӷныӷми Иӷныӷа Югым алӣҳтыкан, югыт кияҳта̄лъҳат алмысиқсяҳқақа̄ югыт кияҳта̄лҳистун сивунӷани.

От Иоанна 11:25

Иисусым пика̄: «Хўаңа туқулъыӷмың уңуваҳтылъҳӯңалъю, уңувалъҳӯңалъю. Китум алңунак ухпықыхкумиңа туқуяӷңа̄ӷми, уңувалъылгуяҳқа̄гуқ.

От Иоанна 14:3

Ята̄ҳқунъыӷмың апыӷӣқумси тагинқихлъюңа тугуклъиҳлъықамси, хўаңамнитысқылъюси кияҳфимни.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 17:24

Ата̄й, укут югыт тагивақаҳтын хўаңамнитысюўақанка, лъңитнун ысҳӣсқылъюку ниӷуҳқылъқа. Пиниқутыхпының та̄на ниӷуҳқылъық тагивақақан сивуңани нунаңлъялъҳым.

От Иоанна 20:31

Иўырңа укут игақңалӷӣт игақыхка̄гут лъпысинун ухпықысқылъюку Иисус, Христосыңутаңа, Иӷныӷа Кияӷныӷым. Ухпықылъыҳпысигун уңувалъыңылъықуси А̄тҳакун.

Деяния 3:15

Таўатын пилъыҳпысигун туқутыстыкақаҳси Уңувалъҳым Алъхыӷвихпига̄, иўырңа Кияӷныӷым уңуваҳтыстыкақа̄ туқулъыӷмың. Лӣсимакңўа̄ӷаҳпут, қаюҳлъяк ысҳақақаҳпут уңувалъҳан киңуңаның ынка̄м апыӷьяҳқақаҳпут.

К Римлянам 8:18

Сюмымни икфиқылъыпут уңувалъымнъи иңлютыпагниңитут ниӷуҳқылъыӷмун Кияӷныӷым алӣҳсяҳқа̄нун хўаңкунъун.

К Римлянам 8:19

Улима̄қ қамахлъюни утақӣңӯқ қылянылъылиӷлюни Кияӷныӷмун алӣҳтысқылъюки кинкуңутаңи авақутӣ.

1е Коринфянам 1:7

Аглыӷналӷӣгның Таӷныӷагның тунусялгӯси сямың тамаҳа̄ның, утақӣңулюси Атанымта Иисус Христосым тагинқихтылъыҳқа̄ның.

1е Коринфянам 15:43

Лъӣфқумың нунамылңӯт югусипут сыӷлыӷуҳсяҳқат кая̄лияҳқат, иўырңа югусиқ уңуваҳтыстыкуми пиниӷнаӷьяҳқақлъю, икнақсяҳқақлъю.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

К Галатам 2:20

Қақӯра̄тка̄гуңа Христосымун малигулъюңа, ынка̄м хўаңаңунанӣма̄қ кияҳлъыҳӣ; Христосыңуҳсима̄қ кияҳлъыҳӣ илюмни. Кияҳтыңуӷңа̄ӷма югусимни, Кияҳтыңӯт ухпықилъымкун Иӷныӷаның Кияӷныӷым. Пиниқыхкаңаңа, тӯныхка̄лӷӣлъю хўаңамнун.

К Филиппийцам 3:21

Тагикуми алъяңуҳсяҳқақӣ кая̄лңӯт, туқумун аюқылӷӣт югусипут. Уңуваҳтыкатун югусимитун лъӣҳсяҳқақӣ аҳтуӷьяҳқа̄нӷилъыӷмикун. Та̄хун ата̄сикун аҳтуӷьяҳқа̄нӷилъыҳқун иглыӷусяҳқа̄ҳлъықа̄ сяңўа̄ қамахтыңъўа̄ӷлюку.

1е Фессалоникийцам 4:17

Та̄хкын хўаңкута уңувалӷӣни уныхтыкани, Кияӷныӷым қырңуӷутыслъюта, лъңитнун, ҳатаӷаҳта̄тыслъықӣнкутлъю қилягўа̄ӷнун па̄йӷысқылъюку Атанық ыслъями. Ынка̄м Атаныӷмылъықукут қӯнпырухлъяк.

1е Тимофею 6:14

Қылӷамкын пира̄мсилютын қа̄ткысқылъюки қамахлъюки қылгутканка лъпынун. Нагныӷутики кынляңа Атанымта Иисус Христосым утыӷнинқихлъыӷанун. Таўатын пикувык китум алңунак анахунилютын пина̄нӷита̄тын.

2е Тимофею 1:1

Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

1е Петра 1:13

Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

1е Иоанна 2:28

Таӷнуҳамни, Христосымытыкыстаҳтык ынка̄м ука алӣқан илютуяҳқа̄люта, ӣӷнақыфқа̄мта кайңуюгым лъңаның пилӷа̄кут таўани Аӷныӷми тагилъҳани.

1е Иоанна 3:2

Пиниқыхкамни, та̄ўа авақутақыхкаңилъю Кияӷныӷым, иўырңа сялин хўатыҳлъюўа̄қ лӣгикигатаҳпут натын лъӣлъыҳқаҳпут. Иўырңа лӣсимакаҳпут, Христос алӣқан лъңатун аюқылъықукут қаюҳлъяк ысҳаҳлъықаҳпут лыган таўатылъюку.

1е Иоанна 5:12

Китум алңунак тугуклъиқумигу Иӷныӷа, уңувалъылгӯқ; китум алңунак тугуклъӣмаңилъкумигу Иӷныӷа Кияӷныӷым уңувалъыңылъҳитуқ.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.

Откровение 2:7

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Откровение 22:1

Та̄хкын яқулгым кылгувика̄ңа кӣўыгның ма̄қылӷӣгның Кияӷныӷымлъю, Пынъӣӷаҳа̄млъю умӣлгусихкынка ақумутахкының. Уңувалъылитикаюгмың мылгык, мыӷра̄кыхтуткалӷӣк кристаллытун.

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.