К Колоссянам 3:3 - Новый Завет на эскимосском языке

³ Таўатын сюмыҳтаӷаӷақитык қаюҳлъяк туқука̄гуси. Уңувалъыҳси ӣӷңа̄қ Христосыми Кияӷныҳқун.

К Колоссянам 3:3 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Иоанна 14:19

Ма̄тықўа̄қун нунам юган ысҳаӷнаниӷнақа̄тңа, иўырңа лъпыси ысҳаҳлъықаҳпысиңа, қаюҳлъяк уңувалӷӣңа, лъпысилъю уңувалъықуси.

От Иоанна 3:16

Кияӷныӷым пиниқыпихтутминың нунам юга тӯныхка̄ кызымаҳақ Иӷныни. Иӷныӷа китум алңунак ухпықыхкумигу туқуна̄нӷитуқ, иўырңа алъхыҳлъықа̄ кынлыңилңуқ уңувалъық.

От Иоанна 4:14

Мық хўаңа тӯньяҳқақа китум алңунак мыӷыхкумигу алъямыңлъю мықсюгна̄нӷитуқ. Мық тӯньяҳқақа лъңанун таўатын лъӣӷьяҳқа̄гуқ сыңъулӷӣстун, тывуӷалӷӣ лъңан илюңаның. Та̄на мық кынлыңилңуӷмың уңувалъыңусиҳқақа̄».

От Иоанна 5:21

Атам уңуваҳтыслъюки туқукат уңувалъылитақӣ, ынка̄м таўатыҳпигақ Иӷнық уңувалъылитикаюгӯқ пиюкыхкаминун.

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

От Иоанна 5:40

Нақам хўаңамнун тагиюгигатуси уңувалъылитысқылъюси.

К Римлянам 5:10

Хўаңкута Кияӷныӷым аңуяксяӷӣнкутлъю, иўырңа илялӣқақӣнкутлъю туқулъҳакун Иӷныӷми. Ма̄тын Кияӷныӷым илякумта̄қӣлъю, ынка̄м налъюнықнӣӷатаӷаӷаҳпут югулилъыңылъықукут Христосым уңувалъҳакун!

К Римлянам 5:21

Сыӷлыҳқылъҳым иглыӷуткақӣ югыт туқулъыҳқун. Иўырңа Кияӷныӷым пиниқылъҳан иглыӷутңўӣ югыт налъҳусялъыӷмикун лъми ылъқуӷутңалъыӷминун. Ынка̄м алъхыҳта̄т кынлыңилңуқ уңувалъық Иисус Христосыкун Атанымтыхун.

К Римлянам 6:11

Таўатыҳпигақ сюмыҳтаӷаҳтык туқука̄люси сыӷлыҳқылъҳым аҳтуӷьяҳқа̄нӷилъҳанун, сюмыҳтаӷаҳтыклъю уңуваңулюси Кияӷныӷмун Христос Иисусыкун.

К Римлянам 6:2

Нака̄! Қаюҳлъяк туқукастун аюқукут, ынка̄м туқука̄кумта натын сыӷлыҳқумаңинаӷнақыста?

К Римлянам 8:2

Қаюҳлъяк Лӣлиҳтӯся̄н Таӷныӷам уңувалъылитилӷӣм Христос Иисусыкун итымуткақа̄ңа лӣлиҳтӯся̄ның сыӷлыҳқылъҳымлъю туқулъҳымлъю.

1е Коринфянам 15:45

Ынка̄м Акузитни Игақыхкани игақыхка̄гуқ: «Юксюхўа̄қ Адам уңувалӷӣңуҳтыка̄гуқ». Иўырңа киңулиқ Адам уңувалъылитикаюгӯқ таӷныӷақ, Христосыңӯқ.

1е Коринфянам 2:14

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

2е Коринфянам 5:14

Христосым иглыӷутңўӣлъю пиниқылъыӷмикун. Лӣсимакңўа̄ӷаҳпут югым ата̄сим туқуматкыхкақа̄ қамахтыңъўа̄ӷлюку ю̄к. Тама̄кын апалъюқлъюку қамахтыңъўа̄ӷлютың югыт туқука̄гут.

2е Коринфянам 5:7

Кияҳтыңъӯкут ухпықилъыҳқун, нака̄н ысҳақаюмтыхун.

К Галатам 2:20

Қақӯра̄тка̄гуңа Христосымун малигулъюңа, ынка̄м хўаңаңунанӣма̄қ кияҳлъыҳӣ; Христосыңуҳсима̄қ кияҳлъыҳӣ илюмни. Кияҳтыңуӷңа̄ӷма югусимни, Кияҳтыңӯт ухпықилъымкун Иӷныӷаның Кияӷныӷым. Пиниқыхкаңаңа, тӯныхка̄лӷӣлъю хўаңамнун.

К Ефесянам 3:9

Кияӷныӷым накмикыхкақа̄ңалъю лӣгикыстысқылъюки қамахлъюки югыт қайвиҳсимаңилңуӷмың успықылъыӷминың. Кияӷныӷым, улимаӷикам сямың тамаҳа̄ның, қайвиҳтылъҳита̄ успықылъыни пӣнлиӷьюха̄лъыӷмың ма̄тымун.

К Филиппийцам 4:7

Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.

К Колоссянам 1:5

Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.

К Колоссянам 2:20

Христос туқа̄қңан туқулгусиқалъҳӯқақаҳси. Ынка̄м итымутка̄гуси туӷныӷаӷның иглыӷутилӷӣның хўани нунами. Сяңанңам кияҳтақыстык нунамун пикыпихлъыҳӣстун? Сяңан қа̄ткақыстыки лӣлиҳтуӷалъҳит хўатылңӯт:

К Колоссянам 2:3

Қамахлъюки Кияӷныӷым пыҳқинылъҳилъю, лӣгикиңалъҳилъю Христосымытут. Та̄кук аклъюңистун аюқук ӣӷңалӷӣк Христосыми.

К Колоссянам 3:4

Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.

К Евреям 7:25

Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

1е Петра 3:4

Итупилъ пиниӷнаҳтык илюхпысигун қусывыхлъылиӷлюси, ныкыхмылъылиӷлюсилъю. Таўатылңуқ пиниӷналъық қӯнпыкаҳқа̄гуқ, мыгнунаҳлъяхтуқ Кияӷныӷмун.

1е Петра 4:2

Ынка̄м хўакын кынлыклъюку уңувалъыҳпыси тахталңатун малиҳқутақыхпынаси югусиҳпыси пиюкылъҳанун, иўырңа атуқитыху Кияӷныӷым пиюкылъҳа.

1е Иоанна 3:2

Пиниқыхкамни, та̄ўа авақутақыхкаңилъю Кияӷныӷым, иўырңа сялин хўатыҳлъюўа̄қ лӣгикигатаҳпут натын лъӣлъыҳқаҳпут. Иўырңа лӣсимакаҳпут, Христос алӣқан лъңатун аюқылъықукут қаюҳлъяк ысҳаҳлъықаҳпут лыган таўатылъюку.

Откровение 2:17

Сигутылгукуфси, нагатыкык Таӷныӷак сямың пӣқуткык ухпықанун қырңуӷуткаюгның юӷаӷвигни! Маннамың ӣӷңалӷӣмың, манналилъықақа та̄на кая̄лъқӣлӷӣ Туӷныӷаӷмың. Лъңанунлъю тӯнылъықақа қатылӷӣ уйӷак, атыӷраӷаӷмың игақфикыхкақ. Китум алңунак налъюкыхка̄ атық иўырңақун алъхыҳтикаҳӣна̄м уйӷагмың лӣсимака̄».