К Колоссянам 3:25 - Новый Завет на эскимосском языке

²⁵ Иўырңа кина алңунак сыӷлытун писта налъяңиӷьяҳқа̄гуқ сыӷлытун пилъҳанун қаюҳлъяк Кияӷныӷым нанқихсяҳқақа̄ тамаҳа̄н ю̄к таўатыҳлъюўа̄қ.

К Колоссянам 3:25 Iomraidhean Croise

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Луки 20:21

Та̄кут рӣрңистыт пика̄т: «Апыҳтуӷиста, хўаңкута лӣсимакамкын акузилъыҳтынлъю, апыҳтуӷилъыҳтынлъю ипаңӯт. Атуныңўа̄қ пикаюгӯтын югнун, апыҳтуӷақатынлъю ипалъыӷмың Кияӷныӷым пиюкылъҳаның аюқылӷӣмың.

Деяния 10:34

Та̄хкын Петырым пикӣ: «Та̄ўа ипа лӣгикақа Кияӷнық танӣлъҳитыфтуқ, таўатыңўа̄қ пикаюгуфта̄ тамаҳаҳлъяган ю̄к ата̄систун.

К Римлянам 2:11

Танӣлъңунаки Кияӷныӷым нанқихлъықӣ қамахтыңъўа̄ӷлюки югыт.

2е Коринфянам 5:10

Қамахлъюта ныкывыпыста̄ӷьяҳқа̄гукут Христосым сивуңакун нанқихтысқылъюта. Ата̄сикаҳта̄мта алъхыӷулъықукут пинилӷӣмың налиӷмың сыӷлыӷмың апыӷӣӷутылъымтыстун югусимтыхун.

К Ефесянам 6:8

Нықамиклъюку Атанӷым акилыҳтуӷьяҳқақӣ югыт қамахлъюки, пинитун пилъҳитнун. Атанық таўатын пилъықуқ қыпҳаҳтыля̄ӷнунлъю, қыпҳаҳтыля̄ӷунӷилңуӷнунлъю.

К Ефесянам 6:9

Пилӣтистыни, пинитун пӣқитыки қыпҳаҳтыля̄си катам уңипа̄тылъымтун лъңит пинитун писқылъюси. Алиңсықухпынаки. Нықамиклъюку лъпысилъю, қыпҳаҳтыля̄силъю ата̄симың Атанылгӯси қилягмылңуӷмың. Лъңан нанқихсяҳқақӣ югыт қамахлъюки танӣлъңунаки.

К Колоссянам 4:1

Қыпҳаҳтыля̄ӷыт пилӣтистыңитни, пинитуңўа̄қлъю, атуныңўа̄қлъю пӣқитыки қыпҳаҳтыля̄си, лӣсимаклъюку лъпысилъю Пилӣтистылгӯси қилягми.

1е Фессалоникийцам 4:6

Китум алңунак сякусӣқыфқа̄н пилигу ухпықа̄лгутми иңлюңа атуқилъыӷмун. Атанӷым аӷью̄ҳлъяхлъықӣ таўатын пикаюгыт. Сивунӷани кылыңася̄ҳлъякақамси тама̄кын.

2е Фессалоникийцам 1:6

Кияӷныӷым пияҳқақа̄ сяңўа̄ ылъқуӷутңалӷӣ: икфиқысяҳқақӣ тама̄кут икфиқыстилӷӣт лъпысиның.

К Филимону 1:18

Сямың сыӷлытун пимакаңатын налиӷмың асыңымакаңатын, асыңыңа хўаңа лъивикылъықақа.

К Евреям 2:2

Кияӷныӷым апыҳтӯсӣ ипаңӯт; а̄пқақӣ югнун яқулыхтыхун. Кина алңунак қа̄ткунъыӷилңуқ апыҳтӯсянун, Кияӷныӷым аӷью̄ҳлъықа̄ аӷью̄лъыҳқаҳтуталяңатун.

1е Петра 1:17

Юӷаныҳпысини Кияӷныӷмун Атакнӣқаҳси. Нанқихтақа̄ атуныңўа̄қ ю̄к тамаҳа̄н сялъыҳтулңатун. Ынка̄м талъюқитыху нуната̄малюси нунами хўани.

От Иуды 1:16

Тама̄кут югыт қӯнпың тымңи акузилгаҳлъягыт, ыфқуӷуткигалъкаңит сяңўа̄т алңунак. Сяңўа̄т алңунак сыӷлыҳқусит атуқсюныӷмыхтыки атуқақӣт, пинӣюгныҳлъягыт, усюқңӯҳтақӣтлъю килъю сямың қилӣӷвикныӷмыхтыки.