К Колоссянам 3:16 - Новый Завет на эскимосском языке

¹⁶ Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның.

К Колоссянам 3:16 Iomraidhean Croise

От Матфея 26:30

Та̄хкын илягаӷлютың а̄нлютың Елеоным найӷаҳанун пикат.

От Луки 2:51

Та̄хкын малихлъюкык утыӷниқақ Назаретымун, қа̄ткутңака̄лӷӣлъю ылъкыхкынун. На̄ңан тама̄на қамахлъюку умьюгаӷмикыхка̄.

От Иоанна 15:7

Хўаңамнитыкыстақуфси, акузитынка лъпысинитыстыкуфсики а̄плъыҳа̄си сямың алңунак пиюкыхкаҳпысиның ынка̄м алъхыӷулъықуси.

К Римлянам 10:17

Кина алңунак ухпықилъылгуна̄нӷитуқ нагатыхпынани уңипа̄мың Христосымың аюқылӷӣмың.

К Римлянам 15:14

Ухпықа̄лгутымни, лӣсимакңўа̄ӷамси пинӣпихтуси югни. Лӣсимакақалъю лӣгикңўа̄ӷлюки аюқаси апыҳтӯсят Кияӷныӷмың аюқылӷӣт, ынка̄м апыҳтӯсяқлъыгўа̄си иляңитнун.

1е Коринфянам 14:15

Сянақсиңаңам? Юӷаҳлъықуңа таӷныӷамкун, юӷаҳлъықуңалъю умьюгамкун. Таўатыҳпигақ илягаҳлъықуңа таӷныӷамкун, илягаҳлъықуңалъю умьюгамкун.

1е Коринфянам 14:26

Ухпықа̄лгутымни, уната апыҳтӯсяқнақуткақыхкыхка. Қырңуӷунъыҳпысини манигӯнъалюси иляси илягаӷақна̄ҳтут, кина апыҳтуӷӣқылъықуқ, налиӷмың налиҳси уңипаҳлъықуқ Кияӷныӷым уңипақысқыхка̄ның, налиӷмың налиҳси акузилъықуқ алъястун улюстун, налиҳпыси мумиҳқуҳлъықӣ. Ухпықат ухпылъҳитнун икнақуӷусӣлит қамахлъютың.

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 5:17

Тама̄кын апалъюқлъюку налъюфқа̄фси, иўырңа лӣгикитыху сяңўа̄ Атанӷым писқысюлъҳа лъпысинун.

К Ефесянам 5:19

алыҳқӯтақлъюси акузитаңитның псалмыт, иляга̄тыт, таӷныӷакунлъю иляга̄тның. Илягаӷақитык иляга̄тныңлъю, псалмыныңлъю Атаныӷмун, усюқилъылиӷлюси илюхпысигун.

К Ефесянам 5:26

Ухпықат аглыӷнаҳсяқақӣ аҳтуӷьяҳқа̄нӷилъҳакун акузитми, пылюңиҳсяқақӣлъю аӷвиглюки мыҳқун.

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

К Колоссянам 1:9

Аӷныӷмың та̄хкын нагақӯтымнъың тама̄куның, юӷа̄ткынъанӣгатамси. Туңсӣтңўа̄мси Кияӷныӷмун лӣсимакысқылъюку қамахлъюку лъңан пиюкылъҳа. Юӷа̄ткақамсилъю пыҳқинӷусқылъюси, лӣгикысқылъюкилъю сяңўа̄т Аглыӷналӷӣм Таӷныӷам апыҳтӯткӣ.

К Колоссянам 4:6

Алыҳқуныҳпысики ӣўлың наңлъыхтаӷлюси, акузӣқлъюси итагнаӷьюгнаӷлюси, нагасюгнаӷлюсилъю. Таўатын пӣқитык лӣсимакысқылъюси натын кӣмсилъыҳқӣт а̄пқуӷа̄лъҳит.

1е Фессалоникийцам 1:8

Атанӷым уңипа̄ миңитңӯқ лъпысиның Македониямилъю, Ахаиямилъю. Ухпықилъыҳсилъю Кияӷныӷмың лӣта̄т тамаңани. Ынка̄м хўаңкута сямың пинӷисяӷңа̄мтыху ухпықилъыҳси, қаюҳлъяк сӣңынлъю югыт нагақӯма̄т.

1е Фессалоникийцам 4:18

Тама̄кын апалъюқлъюку илютуҳся̄сиқақитыки та̄кут акузитыт.

2е Фессалоникийцам 3:15

Иўырңа кияӷутыхпына̄н аңуягулюку, итупилъ кылыңася̄ҳтыху ухпықа̄лгуткылъюку.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

2е Тимофею 3:15

Има таӷнуҳа̄тыхпының лӣсимакыхкақатын аглыӷналӷӣт Акузитыт Игақыхкат. Акузитыт Игақыхкат апыҳтуӷьяқлъыгўа̄тын югулилъыҳқамың ухпықилъыҳпыгун Христос Иисусыкун.

К Титу 3:6

Кияӷныӷым кӯвыхкақа̄к Аглыӷналӷӣк Таӷныӷак кымнапихлъюкык хўаңкунъун Иисус Христосыкун, Югулиӷистымтыхун.

От Иакова 1:5

Налиҳси пыҳқинылъыңьюкуми туңсиӷли Кияӷныӷмың. Кияӷнық иӷлыгитыҳлъяхтуқ, қуякусиқинаӷлюку тӯныхкаюўа̄ қамахлъюку ю̄к а̄плъыҳӣ. Кияӷныӷым тӯнылъықӣси туңсиқуфси.

От Иакова 3:17

Иўырңа пыҳқинылъық қиляхтақ кияң пылюңитуқ. Амалъықа ныкыхмытуқ, кавьюгитуқ, малиҳқутақиңа̄қ, наңлъыхтаҳтуқ, пинистаҳӣнатун пикаюгӯқ, танӣлъҳитуқ, юпӣнӷӯқ.

От Иакова 5:13

Кина акулыхпысини икфиқңўа̄? Юӷаӷли. Кина қуяңа̄? Илягаӷли усюқилъыӷмың.

1е Иоанна 2:14

Атани, письмоӷақамси қаюҳлъяк лӣсимакыхкыси лъңа има пӣнлиӷьюхўа̄лъыӷмың аюқылӷӣ. Нукалъпигани, письмоӷақамси қаюҳлъяк икнақылӷӣси, акузитаңилъю Кияӷныӷым илюхпысинилңӯт, кая̄лъқыхкақыхкысилъю Туӷныӷақ.

1е Иоанна 2:24

Ынка̄ңам ӣўлың нықамиклъюку апыҳтӯсяқ, апыҳтӯсяқыхкақ лъпысинун ухпыӷьюхўа̄лъыҳпысиның има. Атуқумаңинақуфсигу нагақуқаҳси та̄ўа ӣўлың Иӷныӷмылъықусилъю, Атамылъықусилъю.

1е Иоанна 2:27

Иўырңа лъпыси Христосым кӯвикыхкақӣси Таӷныӷагминың. Таӷныӷакык илюхпысинитутмыгның алъя кина алңунак Апыҳтуӷистыксюгна̄нӷитаҳси, қаюҳлъяк Таӷныӷахкынка апыҳтуӷақӣси сямың тамаҳа̄ның. Апыҳтӯсӣ ипаңӯт, тымңиңунӷитут ынка̄м Таӷныӷам апыҳтулҳатун Христосымытыкыстаҳтык.

2е Иоанна 1:2

қаюҳлъяк ипапиҳқылъық илюмнъилңуқ. Та̄на ипапиҳқылъық илюмнъисяҳқа̄гуқ қӯнпырухлъяк.

Откровение 14:3

144,000 югыт ныкывӷатңуфтут сивуңани умӣлгусим ақумутам, стаматлъю уңувалӷӣт, утфатлъю. Та̄кут югыт илягаӷақыфтут иляга̄тыӷраӷаӷмың. Китум алңунак та̄на иляга̄н лӣсяҳқақынӷилъкаңа иўырңақун 144,000 югыт. Лъңаңут Кияӷныӷым югуликӣ қуңаңитның нунам юганың.

Откровение 15:3

Илягаӷақыфтут иляга̄таңаның Моисейем, (Кияӷныӷым қыпҳаҳтыңа), иляга̄таңаныңлъю Пынъӣӷаҳа̄м: «Ка̄й, Атанық Кияӷнық Аҳтуӷьяҳқаҳа̄нӷитыҳлъяк, қыпҳалъыҳтын сыӷлыҳлъягӯт, алъя̄ҳлъюхўаҳлъягӯт! Ка̄й, умӣлгат нунам югита, лъпык сялъыҳтын ылъқуӷутңа̄тлъю, ипаңӯтлъю!

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.