14 Қамахлъютың тама̄кут мыгнунаҳтут иўырңа пиниқылъық мыгнуналъыҳпига̄гуқ. Пиниқутылъҳым ата̄сӣҳтыңъўа̄ӷӣлъю.
Уңипа̄нъақамси нутаӷамың қылӷусямың: Пиниқутулъюси. Пиниқутусяҳқа̄гуси катам хўаңа пиниқылъымтун лъпыси.
Унаңӯқ қылӷусяқа̄ лъпысинун: пиниқутулъюси хўаңа пиниқылъымтун лъпыси.
Хўаңа илюңитнитуңа, лъпык илюмнитутын лъңит ата̄сӣҳтыңъўа̄ӷысқылъюки. Ынка̄м нунам юган лӣлъықа̄т лъпынун каяхсиматка. Лӣлъықа̄тлъю пиниқылъҳын тама̄кунун ухпықилӷӣнун хўаңамның, хўаңамнун пиниқылъыҳпытун аюқылӷӣ.
Асыңыхпына̄ң китумың алңунак, иўырңақун пиниқылъыҳси асыңыкңинаҳтыху иляхпысинун. Китум алңунак пиниқыхкумики юлгутни қа̄ткыңъўӣ ӣңунӣта Лӣлиҳтӯсят.
Нуна улималъҳилъюку Кияӷныӷым накмикыхкақӣлъю Христосыкун пылюңитысқылъюталъю, авутңитысқылъюталъю лъңанун.
Кияӷныӷым Таӷныӷахкынка қырңуӷуткақӣси ныкыхмылъыҳқун. Ынка̄м нанӷӣқуҳлъяхтык ӣўлың кияҳтык таўатын.
Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.
Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.
Китум алңунак письмонӷисяӷңа̄ӷмиси аюқӣси уңипа̄нъалюси пиниқысқылъюки ухпықа̄лгутыси, қаюҳлъяк Кияӷныӷым апыҳтуқақӣси пиниқутысқылъюси.
Қылылю̄гуткақа ухпықат пиниқутыпӣгысқылъюки, умьюгақыхлъюки, ипапигмың ухпықилъылгулюки.
Ынка̄м лӣтылътыки апыҳтӯсят аңтанӣтканун ухпықанун аюқылӷӣт. Лӣтңўа̄қақаси апыҳтӯсюхўа̄қат Христосымың аюқылӷӣт ынка̄ңам лӣнъықихсяҳқақынӷитаси. Лӣтңўа̄ӷума̄си атуқсяҳқа̄фқӣта пиналюки тама̄кут туқумун аюқылӷӣт. Лӣнъықихсяҳқақынӷитаҳсилъю ухпықилъыӷмың аюқылӷӣ Кияӷныҳқун,
Мыгнуналъыҳпига̄гуқ уна: пиниқутыпӣглюси қаюҳлъяк пиниқылъҳым сыӷывутыстақӣ сыӷлыҳқылъылӷутыҳлъягыт.
Кияӷныӷьюныҳтулъыҳпысинун илятыху наңлъыкутутылъық ухпықа̄лгутыхпысинун, наңлъыкутутылъыҳпысинун илятыху пиниқылъық.
Хўатын лӣсимаксяҳқақапут Кияӷныӷымлъю авақутӣ, Туӷныӷа̄млъю авақутӣ: кина алңунак ылъқуӷулъюни пиңигалңуқ налиӷмың угумикиңалӷӣ юлгутминың Кияӷныӷым авақутақынӷита̄.
Уна ысҳа қылӷуся̄: хўаңкунъун ухпықысқылъюку Иӷныӷми а̄тҳа Иисус Христосым, пиниқутулъюталъю Христосым қылылъҳатун.
Уна қылӷусяқа̄ Христосым хўаңкунъун, китум пиниқыхкумигу Кияӷнық, пиниқсяҳқақа̄ ухпықа̄лгутнилъю.