К Колоссянам 3:1 - Новый Завет на эскимосском языке

¹ Уңуваҳтыка̄тыхпысиның малигулъюси Христосымун, пиюкақитыки сяңўа̄т Кияӷныӷым лъпысинун пикысқылъюки қилягмылңӯт. Таўани Христос ақумга̄қ аӷынқигныӷакун Кияӷныӷым.

К Колоссянам 3:1 Iomraidhean Croise

От Матфея 22:44

“Атанӷым пӣ Атанқа, Ақуми аӷынқигнымкун, кынляңа аңуяхтын итыгаҳпык асиңанун лъӣҳтылъымнун”.

От Матфея 26:64

Иисусым кӣмсиқа̄: «Лъпык пилъыҳпытун аюқуқ. Иўырңа уңипа̄тамси, ӯм киңуңаның ысҳаҳлъықаҳси Иӷныӷа Югым ақумлюни аӷынқигныӷакун Аҳтуӷьяҳқа̄нӷилңӯм, ысҳаҳлъықаҳсилъю тагилӷӣ қиляўа̄ӷитхун қилягам».

От Матфея 6:20

Иўырңа лъпысиның катам қилягми кахпагитык аклъюңимың қаюҳлъяк молыңитуқ, анаҳта̄ңитуқ на̄фқӣяҳқамың, тыглыӷнӣҳтыңитуқлъю на̄фқӣлютың тыглыгуӷьяҳқамың.

От Матфея 6:33

Тама̄кын апалъюқлъюку кияҳтылъыҳпысини мыгнуналъыҳпига̄ҳтыстыки Кияӷныӷым Атаныҳпагулъҳалъю, пиюкылъҳалъю. Таўатын пикуфси Кияӷныӷым тӯнылъықӣ қамахлъюки аклъюкыхкаси.

От Марка 12:36

Аглыӷналӷӣм Таӷныӷам Давид хўатын пистыкақа̄: “Атанӷым пӣ Атанқа: Ақуми хўагун аӷынқигнымкун кынляңа аңуяхтын итыгаҳпык асиңанун лъӣҳтылъымнун”.

От Марка 14:62

Иисусым кӣмсиқа̄: «Та̄наңӯңа. Ысҳаҳлъықаҳси Иӷныӷа Югым ақумгалӷӣ аӷынқигныӷакун Аҳтуӷьяҳқа̄нӷилъылгым. Ысҳаҳлъықаҳсилъю тагилӷӣ қилягым қиляўа̄ӷитхун!»

От Марка 16:19

Атанӷым Иисусым малихся̄ҳтыни алыҳқуныӷмың та̄қсяки, Кияӷныӷым маюҳтыстыка̄ қилягмун, ынка̄м ақумыхкақ Кияӷныӷым аӷынқигныӷакун.

От Луки 12:33

Сяӷьяси акиклъюки манилитыки аклъюмалӷӣт. Ынка̄м лъпыси кахпагилъықуси аклъюңихпысиның қилягми. Таўатын пикуфси қилягми ақыфтаӷа̄лгулъықуси на̄вьяҳқа̄нӷилңуӷмың. Таўани аклъюңиси на̄ңьяҳқа̄нӷилңӯт, тыглыгнӣҳтытлъю тугуна̄нӷитӣт, молытлъю на̄фқынъа̄нӷитӣт.

От Луки 20:42

Ига̄ни Псалмым Давид пика̄лӷӣ: “Атанӷым Кияӷныӷым пикақа̄ Атанқа, Ақуми аӷынқигнымкун,

От Луки 22:69

Иўырңа қантаӷақун Иӷныӷа Югым ақумылъықуқ аӷынқигныӷакун Аҳтуӷьяҳқа̄нӷитыҳлъягым Кияӷныӷым».

Деяния 2:34

Давид пика̄гуқ хўатын: “Атанӷым пӣ Атанқа, Ақуми аӷынқигнымкун кынляңа кая̄лъқыстылъымнун аңуяхтын”. Давид маю̄маңитутминың қилягмун Иисусытун, лъңаның акузиткыңъунӷитуқ, акузиткыңъўа̄ Иисус.

Деяния 7:55

Иўырңа Стефан, имиӷңалӷӣ Аглыӷналӷӣгның Таӷныӷагның, сивухсялӷӣми қилягмун ысҳақа̄ Кияӷныӷым ниӷуҳқылъҳа, Иисусылъю ныкывӷалӷӣ Кияӷныӷым аӷынқигныӷани.

К Римлянам 8:34

Кинаңам пилъықа̄ Кияӷныӷым юги нанқихсяҳқа̄нилюки аӷью̄ӷьяҳқа̄лютың? Христос Иисусым пилъықагӯ? Нака̄, қаюҳлъяк лъңаңӯқ туқуматкикақ хўаңкунъун, уңуваҳтыка̄гуқлъю туқулъыӷмың. Ма̄тын юӷа̄ткақӣлъю ақумлюни аӷынқигныӷани Кияӷныӷым.

К Римлянам 8:6

Умьюгапут малиҳқутақыхката югусимта пиюкылъҳанун, туқулъықукут. Иўырңа умьюгапут малиҳқутақыхката Таӷныӷагнун, Кияӷныӷым уңувалъылилъықӣлъю, ныкыхмылъылилъықӣлъю.

2е Коринфянам 4:18

Сюмыҳтаӷа̄ткумаңинӣгатапут сыӷлылӣлъыпут. Итупилъ сюмыҳтаӷа̄ткақапут ысҳаҳпагниңилъкыпут. Қантаӷақун сыӷлылӣлъыпут кынлытҳӯлъықут, иўырңа қуялъыҳпут ысҳӣгалъкыфут қӯнпыкаҳқа̄гуқ.

К Ефесянам 4:10

Ынка̄м лъңа та̄на укикақ сямавык, лъңаңӯқ ата̄сиқ та̄на маюқақ памавык иңьяӷлюки қилягыт, имиӷналюку сяңўа̄ қамахлъюку наю̄тңалъыӷминың.

К Ефесянам 5:22

Нулӣӷни, малиҳқутақлъюси угихпысинун катам Атаныӷмун пилӷӣстун.

К Колоссянам 2:20

Христос туқа̄қңан туқулгусиқалъҳӯқақаҳси. Ынка̄м итымутка̄гуси туӷныӷаӷның иглыӷутилӷӣның хўани нунами. Сяңанңам кияҳтақыстык нунамун пикыпихлъыҳӣстун? Сяңан қа̄ткақыстыки лӣлиҳтуӷалъҳит хўатылңӯт:

К Колоссянам 3:2

Сю̄мқақитыки тама̄кут қилягмылңӯт, нака̄н тама̄кут нунамылңӯт.

К Евреям 1:13

Кияӷныӷым пимаңитңўа̄ӷӣ налиҳӣнӣт яқулыни хўатын: «Ақуми хўагун аӷынқигнымкун, кынляңа аңуяхтын тунымалӣтыстылъымнун итыгаҳпык асиңанун».

К Евреям 1:3

Иӷныӷым кӯкхутақа̄ Кияӷныӷым ниӷуҳқылъҳа, Кияӷныҳтуңўа̄қлъю аюқуқ. Сяңўа̄т қамахлъюки нагныӷастыңъўӣ таўатылъюки аҳтуӷьяҳқа̄нӷилңӯтхун акузитмикун. Иӷныӷым тӯныхкақа̄ лъми катам уңувалъыни укмаңиӷналюта тамаҳа̄ның сыӷлыҳқылъымнъың. Апыӷӣӷьямигу таўатын пилъыни, қилягми ақумыхка̄гуқ аӷынқигныӷакун Кияӷныӷым, аҳтуӷьяҳқа̄нӷитылъыҳпига̄м.

К Евреям 10:12

Иўырңа Христосым тӯныхкақа̄ ата̄сиқ аҳқун сыӷлыҳқылъыӷнун қӯнпырухлъягмун. Та̄хкын ақумыхкақ аӷынқигныӷакун Кияӷныӷым.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 8:1

А̄пқаҳпут лъпысинун, хўатын писӣгуқ: таўатылңуӷмың первосвященнилгӯкут ақумгалӷӣмын аӷынқигныӷани ся̄ӷўакун Аҳтуӷьяҳқа̄нӷитылъыҳпига̄м қилягми.

1е Петра 3:22

Иисус Христос қилягмун маюӷлюни аӷынқигныӷанитуқ Кияӷныӷым. Ынка̄м иглыӷутңўӣ қамахлъюки яқулгыт, қилягым иглыӷутистыңи, аҳтуӷьяҳқа̄нӷилъҳытлъю.