К Колоссянам 2:7 - Новый Завет на эскимосском языке

⁷ Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.

К Колоссянам 2:7 Iomraidhean Croise

От Луки 6:48

Юхтун мыңтыӷаңлъялӷӣтун аюқуқ. Нуна сямавырухлъяк ля̄глюку уйӷагмун, тунымиӷлюку та̄хун ныкыфлъықа̄ мыңтыӷақ. Кӣўык улывыҳлъяглютык таўалъӣма мыңтыӷақ қапшахтылъҳилъкаңа қаюҳлъяк уйӷагмың тунымиӷлюни ныкыфтыка̄лӷӣ.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

1е Коринфянам 1:8

Кияӷныӷым ухпылъыси икнақуҳся̄маңинаӷна̄ӷӣ кынляңа киңулиҳпигаӷмун аӷныӷмун. Инқун анахутылъҳитысқылъюси Атаныҳпут Иисус Христос нанқихтикан югның.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

2е Коринфянам 1:21

Кияӷныӷым айыпсюгиҳсяӷӣлъю, малигулъюта лъпысинун Христосыкун; Кияӷныӷым лъңан катам а̄фтӣлъю;

К Ефесянам 3:17

Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун.

К Ефесянам 4:21

Нагақупыста̄қақаҳси лъңа, қаюҳлъяк малихся̄ҳтыкыхкаңиси. Ынка̄м апыҳтуқа̄гуси ипа апыҳтӯся̄мның Иисусым.

К Ефесянам 5:20

А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 3:17

Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.

1е Фессалоникийцам 5:18

игамсиқаюглюси тамаҳа̄ни ныкыгныӷми. Та̄куңӯт Кияӷныӷым пиюкылъҳи лъпысинун Христос Иисусым пилӣткӣтнун.

2е Фессалоникийцам 2:17

илютуҳсяӷлисилъю, икнақуҳсяӷлисилъю тамаҳа̄кун пинилӷӣкун қыпҳалъыҳпысигунлъю, акузилъыҳпысигунлъю.

К Евреям 13:15

Иисусыкун ӣўлың аҳтуткилъта Кияӷныӷмун. Аҳтутыпут усюқилъқапут апынымтыху Иисус Атанӷунилюку.

К Евреям 13:9

Иқитутыстыхпынаси ипапилъыӷмың алъя̄ҳӣнаӷнунлъю, алъяка̄ягнунлъю апыҳтӯсянун. Наңлъыхталъҳакун Кияӷныӷым айыпсюгиҳсяҳтыки илюси, нака̄н қа̄ткылъюки Лӣлиҳтӯсят нықның аюқылӷӣт. Та̄кут нықыт Лӣлиҳтӯсӣт қа̄ткыхкуфсики айыпсюгиҳсяӷна̄нӷитӣт илюси.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

От Иуды 1:12

Нықынӷаҳқусяҳтуныҳпысини, причастиямаҳпыси, тама̄кутлъю апыҳтуӷистыт пӣқут. Якуӷнаҳтут ухпықанун катам таўатын уйӷахлъяк мыӷым асиңанилңуқ якуӷналӷӣ аңьянун. Ныӷақут қырңаӷмың ныңляҳқасимаӷмың, акузимаӷмың ныпухлъягыт кайңуюхпынатың. Лъңинаӷмың ныӷақут килъю тӯныхпынаки. Сясӣнӷитут қиляўа̄ӷыстун ыслъялъюгилңуӷыстун аюқут, ануқым наӷуӷускаңи қӯлңакун нунам мыӷисяхлъягым. Сясӣнӷитут пӣтыстиңигалңуӷыстун уқфигыстун аюқут, унатаӷвигми. Пӣтыстиңигалңӯт уқфигыт туқукастун аюқут. Тама̄кын апалъюқлъюку пӣтысиӷаҳтым нусюгақӣ паныҳналюки. Ынка̄м ма̄лӷугыгның туқукалъҳӯӷақут.

От Иуды 1:20

Иўырңа пиниқыхкамни, ўата икнақуҳся̄маңинаҳтыху ухпықа̄малъыҳси, ухпықилъыҳпысигун Кияӷныӷым аглыӷналӷӣтхун апыҳтӯсӣтхун. Юӷаӷақитык Аглыӷналӷӣгныкун Таӷныӷагныкун.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.