К Колоссянам 2:20 - Новый Завет на эскимосском языке

²⁰ Христос туқа̄қңан туқулгусиқалъҳӯқақаҳси. Ынка̄м итымутка̄гуси туӷныӷаӷның иглыӷутилӷӣның хўани нунами. Сяңанңам кияҳтақыстык нунамун пикыпихлъыҳӣстун? Сяңан қа̄ткақыстыки лӣлиҳтуӷалъҳит хўатылңӯт:

К Колоссянам 2:20 Iomraidhean Croise

От Иоанна 15:19

Нунам пиксяқумиси, юган пиниқнаяӷӣси пиниқутутылъыӷмыгыстун. Иўырңа хўаңа накмикыхкақамси хўакын нунамың ынка̄м нунам пикынӷитӣси. Тама̄кын апалъюқлъюку нунам юган угумикӣси.

2е Коринфянам 10:3

Нунамытңуӷңа̄мта пилъюўӣгатукут нунам юган пилъюўалъҳистун.

К Галатам 4:3

Хўаңкуталъю таўатысяҳтукут. Таӷнуҳа̄люта қыпҳаҳтыля̄ӷуяҳтукут нунам иглыӷутистыңитнун туӷныӷаӷнун.

К Галатам 6:14

Иўырңа хўаңа қанана̄нӷитуңа сямың алңунак иўырңақун қақӯра̄ның Атанымта Иисус Христосым. Туқулъҳакун қақӯрами нуна қақӯра̄ма̄қ хўаңамнун, ынка̄м хўаңа қақӯра̄ма̄ңа нунамун.

К Ефесянам 2:15

Христосым туқулъыӷмикун атӯнаниҳқыхкақӣ Иудеит Лӣлиҳтӯсӣтлъю қылӷусӣтлъю. Таўатын пика̄гуқ Иудеитлъю, язычнигытлъю ата̄сӣҳтысқылъюки лъмикун. Ынка̄м ныкыхмылъыңыстыкақӣ.

К Колоссянам 2:14

Қа̄ткынӷитақңамтыки Кияӷныӷым Лӣлиҳтӯсӣ сыӷлыҳқылъҳыт пикапут игақыхка̄гут. Кияӷныӷым иқиткақӣ игақуқат сыӷлыҳқылъыпут туқуқа̄лъюки Христосым қақӯра̄нун.

К Колоссянам 2:16

Китумун алңунак нанқихтыстыхпынаси ныӷылъыӷмыңлъю, мыӷылъыӷмыңлъю, нықынӷаҳқылъҳыт аӷныӷитның, нутаӷат танқит аӷныӷитның, налиӷмың Субботат аӷныӷитның.

К Колоссянам 2:21

«Сяфлъыхпына̄н, На̄сӣҳпына̄н, Ся̄фтыхпына̄н?»

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,

К Колоссянам 3:3

Таўатын сюмыҳтаӷаӷақитык қаюҳлъяк туқука̄гуси. Уңувалъыҳси ӣӷңа̄қ Христосыми Кияӷныҳқун.

К Евреям 13:9

Иқитутыстыхпынаси ипапилъыӷмың алъя̄ҳӣнаӷнунлъю, алъяка̄ягнунлъю апыҳтӯсянун. Наңлъыхталъҳакун Кияӷныӷым айыпсюгиҳсяҳтыки илюси, нака̄н қа̄ткылъюки Лӣлиҳтӯсят нықның аюқылӷӣт. Та̄кут нықыт Лӣлиҳтӯсӣт қа̄ткыхкуфсики айыпсюгиҳсяӷна̄нӷитӣт илюси.

От Иакова 4:4

Укуҳси ата̄сӣӷныӷилңуӷни! Лӣсимакынӷистыхӯ пиниқыхкуфсигу нунам сыӷлыӷа, угумикаҳси Кияӷнық? Китум алңунак пиниқыхкумигу нунам сыӷлыӷа аңуягӯқ Кияӷныӷмун.

1е Иоанна 5:19

Лӣсимакукут Кияӷныӷым пикӣлъю қайўа Туӷныӷа̄м иглыӷутңуӷңа̄гу қамахлъюку нуна.