К Колоссянам 2:2 - Новый Завет на эскимосском языке

² Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

К Колоссянам 2:2 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Матфея 11:27

Атама тагивақақа̄ сяңўа̄ қамахтыңъўа̄ӷлюку. Китум алңунак налъюка̄ Иӷнық, иўырңақун Атам. Китум алңунак налъюка̄ Ата, иўырңақун Иӷныӷым, ынка̄м Иӷныӷым накмикыхкаминун лӣтыслъықа̄ Ата.

От Матфея 13:11

Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

От Луки 1:1

Аңылъымни Феофил Углялӷӣм югым игақуқақӣт таўатын пилъҳыт акулымнъи. Игақуқӣт та̄куңӯт ата̄сит нагақуқапут ысҳапаканың таўатын пилъҳистун има пӣнлилъҳитның. Лъңиталъю қыпҳа̄ткақа̄т Кияӷнық уңипақылъыӷмыхтыхун уңипақ Христосымың аюқылӷӣ.

От Иоанна 10:30

Атакулъҳӣгни ата̄систун аюқукуң».

От Иоанна 10:38

иўырңа атуқақақа Атама пӣқыхкаңа. Ухпықынӷитыӷңа̄ҳпысиңа хўаңа, ухпықитыки қыпҳақанка ынка̄м лӣлъықаҳси, лӣгикылъықаҳси Ата хўаңамнитутаңа, хўаңа лъңани».

От Иоанна 16:15

Қамахтыңъўа̄ӷлюку Атам пӣңа хўаңа пикақа̄. Тама̄кын апалъюқлъюку пӣңа, Таӷныӷам тугуклъиӷлюки тӯныхканка апыҳлъықӣ лъпысинун».

От Иоанна 17:3

Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.

От Иоанна 5:17

Иўырңа Иисусым пикӣ: «Атака̄ қӯнпың қыпҳа̄гуқ, хўаңалъю қыпҳаӷьяҳқа̄гуңа».

От Иоанна 5:23

Кияӷныӷым таўатын пикақа̄ Иӷныни тамаҳа̄нун қӯлвӣсқылъюку катам таўатын қӯлвалъҳистун Ата. Китум та̄м қӯлвӣгалъкумигу Иӷнық қӯлвӣгата̄ Ата каяхтикақ Иӷныӷмың.

От Иоанна 6:69

Хўаңкута ухпықамкын, лӣткақамкын лъпык Аглыӷналӷӣка̄тын Кияӷныӷым».

Деяния 4:32

Апостолыт аҳтуӷьяҳқа̄нӷилъылиҳлъяглютың уңипақыхка̄т Атанық Иисус уңувақа̄нилюку туқулъыӷмың. Кияӷныӷым қуястыҳлъягукаңилъю қамахлъюки ухпықат. Ухпықат ата̄систун лъӣқат илюмыхтыхунлъю, уңувасимыхтыхунлъю. Ынка̄м кина алңунак пиңигалңуқ сяӷьятың лъңинаӷмыхнун пикнилюки, атуным атуқақыхкаңит.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

К Римлянам 2:4

Лӣгикынӷисигӯ наңлъыхтаҳтуляңа Кияӷныӷым? Аӷью̄ӷаҳсигалъкаңатын таўаниңинақ қаюҳлъяк нуқытутақыхкаңатын. Сюмыҳпынӣи та̄кут сятңунӷита̄т? Лӣсимакынӷисигӯ Кияӷныӷым наңлъыкақыхкаңатын қаюҳлъяк авутыҳқысқысюкаңатын?

1е Коринфянам 14:31

Таўатын пикуфси қамахлъютың уңипақияҳқат Кияӷныӷым уңипа̄мың акузӣқылъықут. Ынка̄м қамахлъюни нагалъҳӣ, лӣлъи, та̄гавыңина̄лъыңлилъю.

1е Коринфянам 2:12

Нунам таӷныӷа̄ның алъхыӷусимаңитукут. Йыӷлыги, алъхыҳтыкақахпут Таӷныӷак Кияӷныӷмың пӣк, лӣгикналюки қамахлъюки Кияӷныӷым тӯныхкӣ хўаңкунъун.

К Галатам 3:28

Алъяңуӷутңитут Иудеитлъю, язычнигытлъю; алъяңуӷутңитут қыпҳаҳтыля̄ӷытлъю, қыпҳаҳтыля̄ӷунӷилңӯтлъю; алъяңуӷутңитут югытлъю, аӷнатлъю, қаюҳлъяк қамахлъюси атуным аюқуси Христос Иисусыкун.

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 3:16

Юӷаҳтуңа Кияӷныӷмун аклъюңиҳлъяганың аҳтуӷьяҳқа̄нӷилъылитысқылъюси икнақуҳсӣсқылюки илюси қа̄мкут Таӷныӷахкынкун.

К Ефесянам 3:3

Кияӷныӷым лӣтыста̄ хўаңамнун қайвиҳтылъҳилңуқ успықылъыни. Қавңанҳақ письмоткаҳтыкақақа та̄на.

К Филиппийцам 2:1

Кияҳта̄лъыҳпыси Христосыкун икнақуҳтисӣ? Пиниқылъҳан илютуҳтисӣ? Қуя̄стык ата̄систун лъӣлӷӣси ухпықа̄лгуткулъҳӣни Аглыӷналӷӣгныкун Таӷныӷагныкун? Пинитун пӣқыстыкӣ, наңлъыкақыстыкӣ иляси?

К Филиппийцам 3:8

Ипа сяңўа̄т қамахлъюки ифлъяма̄нка апалъюқлъюку мыгнунаҳтулңа лӣтңўа̄лъымның Христос Иисусым, Атанқа. Лъңа апалъюқлъюку сяңўа̄т қамахлъюки ыхсима̄нка. Ысҳаӷанка малъястун аюқлъюки алъхыҳтыпигналюку Христос,

К Колоссянам 1:26

Сивунӷани Кияӷныӷым қайвиҳсимаңита̄ уна ипапилъық тамаҳа̄нун югнун, иўырңа ма̄тын қайвиҳтыңъўа̄ лъми югминун.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 1:9

Аӷныӷмың та̄хкын нагақӯтымнъың тама̄куның, юӷа̄ткынъанӣгатамси. Туңсӣтңўа̄мси Кияӷныӷмун лӣсимакысқылъюку қамахлъюку лъңан пиюкылъҳа. Юӷа̄ткақамсилъю пыҳқинӷусқылъюси, лӣгикысқылъюкилъю сяңўа̄т Аглыӷналӷӣм Таӷныӷам апыҳтӯткӣ.

К Колоссянам 2:19

Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.

К Колоссянам 3:14

Қамахлъютың тама̄кут мыгнунаҳтут иўырңа пиниқылъық мыгнуналъыҳпига̄гуқ. Пиниқутылъҳым ата̄сӣҳтыңъўа̄ӷӣлъю.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

К Колоссянам 4:8

Каяхтақа лъпысинун, лӣсимакысқылъюку натытулвут ынка̄м кайымылъыңысқылъюси. Уңипа̄нъа̄ӷӣси хўаңамның.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,

1е Фессалоникийцам 5:14

Ухпықа̄лгутымнъи, кылыңася̄ҳтыки иҳсяниталӷӣт, илютуҳсяҳтыки алиңталӷӣт, каюсиҳтыки кая̄лңӯт, ныхкыҳлъюўа̄н пӣқитыки қамахлъюки.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

К Евреям 10:22

Тама̄кут апалъюқлъюки тугӯлътыху Кияӷнық ипапиҳқылъюта, ныӷьюкңўа̄ӷлюку. Таўатын пилъыҳқаңукут қаюҳлъяк умьюгалъюпут сивилъяхтақа̄гут Христосым а̄ўаның укмаңӣҳтысқылъюки, югусипутлъю уӷвуҳқыхка̄гут пылюңилңуҳқун мыҳқун.

К Евреям 6:11

Нагныҳтысюгамси сягиқлъюси қыпҳа̄тысқылъюку Кияӷнық уңувалъыҳпыси тахталңатун. Ынка̄м алъхыҳтыпыста̄ҳлъықаҳси сиӷимакыхкаҳси.

2е Петра 1:10

Ынка̄ңам ухпықа̄лгутымни, налъюнықнӣӷўа̄ҳтыху Кияӷныӷым туқлъюқақӣсилъю, накмикыхкақӣсилъю. Таўатын пикуфси та̄ўа иқитықаҳна̄нӷитуси Христосымың.

2е Петра 1:3

Иисус аҳтуӷьяҳқа̄нӷилъылгӯқ Кияӷныӷмың. Та̄хун аҳтуӷьяҳқа̄нӷилъыҳқун тӯныхкақӣлъю сямың тамаҳа̄ның аклъюкыхкамнъың кияҳтысқылъюта Кияӷныӷьюныҳтулюта. Тама̄кут алъхыҳтыкақапут қаюҳлъяк лӣсимакыхкыфут Иисус. Туқлъюӷӣлъю илятысқылъюта қӯлвалъыӷминуңлъю, пинилъыӷминуңлъю.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

1е Иоанна 3:19

Ынка̄ңам лӣсимакылъықукут Кияӷныӷмун ипапиҳқылъыӷмун пикутфут. Сыӷлыӷнинымталъю Кияӷныӷым сивуңани налъюнықсюкна̄нӷитаҳпут сыӷывутиңалъҳа қаюҳлъяк Кияӷнық а̄ңатаӷаҳтуқ сыӷлыӷьюгңалъымнъың, лӣсимакыхкаңалъю сяңўа̄ тамаҳа̄н.

1е Иоанна 5:7

Таӷныӷам а̄пҳа̄ та̄на ипаңунилюку қаюҳлъяк Таӷныӷак ипапиҳқылъҳулӷӣк.