К Колоссянам 2:18 - Новый Завет на эскимосском языке

¹⁸ Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

К Колоссянам 2:18 Iomraidhean Croise

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

К Римлянам 1:25

қаюҳлъяк ипапилъық Кияӷныӷмың аюқылӷӣ на̄вӷусима̄т иқлъыңамун. Ынка̄ңам манигуӷақӣтлъю, қыпҳа̄тақӣтлъю Кияӷныӷым улима̄ӷи, авылӷаӷлюку Улимаӷиста лъңа катам. Лъңаңӯқ усюқсяҳқақ қӯнпырухлъяк кынлыңуна̄н! Аминь.

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

1е Коринфянам 13:4

Пиниқылъық нуқынъыҳтӯқлъю, наңлъыхтаҳтуқлъю; пиниқылъық ақинаңитуқ, налиӷмың ямшаңитуқ, налиӷмың а̄ңа̄югныӷитуқ.

1е Коринфянам 4:18

Иляси а̄ңа̄югныӷуҳтақут, қаюҳлъяк сюмыӷмыхни ля̄лиҳна̄нӷинъилюңа пикақа̄тңа Коринфымун.

1е Коринфянам 4:6

Ухпықа̄лгутымни, лъпыси апалъюқлъюси Аполлослъю хўаңкутуң успутақңӯкуң. Успута̄гукуң лъпысинун лӣтысқылъюку уна игақңалӷӣ сямың писӣтаңа: «Қа̄ткақитыки сяңўа̄т игақңалӷӣт Акузитни Игақыхкани». Налиҳӣнаҳпыси а̄ңа̄югуткысяқуна̄н ата̄сиқ ю̄к, а̄лъҳа угумиклъюку.

1е Коринфянам 8:1

Кӣмсиӷьюганка а̄пқуӷа̄лъыҳси нықның аҳқуткыхканың кияӷныңлъяқанун. Ипаңӯқ хўатын пилъыҳси: «Лӣсималъылгӯкут қамахлъюта». Таўатылңуқ лӣсималъық а̄ңа̄юхтыстикаюгӯқ, иўырңа пиниқылъҳым икнақуҳтыңъўа̄ ухпылъыҳпут.

1е Коринфянам 9:24

Қамахлъютың кытанқустыт сивулӣюкаюгӯт, иўырңа ата̄сиҳақ кая̄лъқӣкаюгӯқ. Кияҳта̄лъыҳпысини Христосымун, кытанқустыстун кая̄лъқӣнақақитык.

2е Коринфянам 11:3

Иўырңа алиңуткақамси аңуягым пӯҳнаюкаңиси, катам таўатын нымыӷьям пыҳқиниқуткылъюку пӯҳтылъҳатун Ева. Ынка̄м лъпыси пиниқнаниӷўа̄ӷнаюкафсигу Христос.

2е Коринфянам 12:20

Сюмыӷьялиткақамси лъпысинун ка̄скума ысҳақумси алъякнаюкамси хўаңа сиӷимакылъымның. Лъпысилъю хўаңа ысҳақуфсиңа алъякнаюкафсиңа сиӷимакылъыҳпысиның. Сюмыӷьялиткақамси аӷиватңунаюкафси, ақинакутңунаюкафси, сякша̄тутңунаюкафси, лъңина̄югутңунаюкафси, сыӷлықӯӷутңунаюкафси, йӣлъхитңунаюкафси, қука̄югутңунаюкафси, сю̄хлъиқутңунаюкафси.

К Ефесянам 4:17

Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут,

К Ефесянам 5:6

Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун.

К Филиппийцам 3:14

Ынка̄м таклъяӷрукытун килга̄қуңӯңа кая̄лъқӣсиқналюку акилыҳтӯсяқ, Кияӷныӷым туқлъю̄тка̄нун памавык Христос Иисусыкун.

К Колоссянам 2:23

Тама̄кут лӣлиҳтуӷалъҳыт апыҳтуӷӣт югыт пыҳқинысиӷўа̄ӷысқылъюки. Апыҳтуӷӣтлъю амью̄ткысқылъюки югусӣт, атуқнанӣсқылъюки югусӣта пиюкылъҳит. Иўырңа таўатын пилъҳита аӷулӣҳсигатӣт атуқнанилъыҳқамың тама̄кут сыӷлыҳқылъҳыт. Тама̄кут лӣлиҳтуӷалъҳыт ипасюгнитут иўырңа тымңиңӯт апыҳтӯсят.

К Колоссянам 2:4

Уңипа̄тамси, китумун алңунак пӯҳтыстыхпынаси тымңиның апыҳтуӷалъҳитның, қайўа ипасюгнитыӷңа̄та.

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,

1е Тимофею 1:7

Апыҳтуӷистыңуюгақут Кияӷныӷым Лӣлиҳтӯся̄мнъун. Иўырңа лӣгикигатӣт акузиткыхкатың қайўа апыҳтӯсяқыӷңа̄ӷмыхтыки ипасюгнилъюки.

1е Тимофею 4:1

Аглыӷналӷӣк Таӷныӷак хўатыҳлъюўа̄қ пӣк киңулиӷни аӷныӷни иляңита югыт пыхлъықа̄т ухпықилъыҳтың Христосыкун. Таўатын пилъықут қаюҳлъяк қа̄ткылъықыхкаңит иқлъыңалӷӣт туӷныӷа̄т, апыҳтӯсӣтлъю.

2е Петра 2:14

Ысҳаныӷмыхтыки аӷнат қилӣқақӣт. Сыӷлыҳқысюныҳтӯт иўырңа сыӷлыҳқылъылӷутаңита кыпсюҳсигатңўа̄ӷӣт. Маниӷақӣт югыт пӯҳнықыхтат сыӷлыҳқысюгысқылъюки, пакигныпихтутлъю. Тама̄кын апалъюқлъюку Кияӷныӷым аӷью̄ӷьяҳқақӣ!

1е Иоанна 2:26

Письмосиқанка лъпысинун тама̄кут пӯҳтинақуткылӷӣт лъпысиның апалъюқлъюки.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 3:11

Тагияҳтуҳтуңа. Айыпсюгилъюси ухпықумаңинаҳтыңъа китумун алңунак ўаянӷитысқылъюки қаҳпаси.