К Колоссянам 2:13 - Новый Завет на эскимосском языке

¹³ Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут.

К Колоссянам 2:13 Iomraidhean Croise

От Луки 15:24

қаюҳлъяк иӷнықа уна туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”. Ынка̄м нықынӷаҳқыҳлъякат.

От Луки 15:32

Иўырңа қуялюта нықынӷаҳқыңъӯкут, қаюҳлъяк уна уюӷа̄н туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”».

От Луки 9:60

Иисусым пика̄: «Тама̄кут туқукат қуңуӷлитки туқумастӣӷыт. Иўырңа лъпык, аӷуляқлъютын уңипақсяҳтуҳу Атаныҳпагулъҳа Кияӷныӷым».

От Иоанна 5:21

Атам уңуваҳтыслъюки туқукат уңувалъылитақӣ, ынка̄м таўатыҳпигақ Иӷнық уңувалъылитикаюгӯқ пиюкыхкаминун.

От Иоанна 6:63

Таӷныӷак уңувалъылитикаюгӯк, иўырңа ю̄к уңувалъылитина̄нӷитуқ. Акузитынка лъпысинун таӷныӷа̄гутлъю уңувалъҳӯтлъю.

К Римлянам 4:17

Акузитни Игақыхкани игақңа̄қ: «Атаңуҳтыстамкын угляпихлъыҳӣнун нунат югитнун». Кияӷныӷым таўатын акықыхкақа̄ Авраам қаюҳлъяк ухпықыхкаңа Кияӷнық. Кияӷныӷӯқ туқуканың уңуваҳтикаюк, қылӷилъыӷмикунлъю улиматкаюк сямың сяңилңуӷмың.

К Римлянам 6:13

Алңунак налиӷныӷи югусиҳпыси тӯныхпынаки сыӷлыҳқусӣлюки, қаюҳлъяк таўатын пикуфси тӯнылъықаси сыӷлыӷмун. Итупилъ тӯнитык Кияӷныӷмун. Туқукастун аюқсяҳтуси, иўырңа Кияӷныӷым уңуваҳтыкақӣси. Ынка̄м тӯнитыки ӣңунӣта югусиси Кияӷныӷмун лъңанун атуқысқылъюки ылъқуӷутңалъыӷмун.

К Римлянам 8:11

Кияӷныӷым Таӷныӷакык уңуваҳтикак Иисусымың, кияҳтыңӯқ илюхпысини. Катам Кияӷныӷым уңуваҳтыстылъҳатун Христос Иисус, уңуваҳтыслъықӣ югусиси Таӷныӷагмикун кияҳлъыҳӣгныкун илюхпысини.

1е Коринфянам 15:36

Уюқ налъю̄қақ! Пӣтута нунакун пыӷукувгу туқуяҳқа̄гуқ сивуңани пӣтылъыҳқами.

1е Коринфянам 15:45

Ынка̄м Акузитни Игақыхкани игақыхка̄гуқ: «Юксюхўа̄қ Адам уңувалӷӣңуҳтыка̄гуқ». Иўырңа киңулиқ Адам уңувалъылитикаюгӯқ таӷныӷақ, Христосыңӯқ.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 5:19

Христосыкун Кияӷныӷым илялӣӷўӣ қамахтыңъўа̄ӷлюки югыт, умьюгаӷмикыхпынаки сыӷлыҳқылъҳит. Ынка̄ңам уңипаҳқалиткақӣлъю а̄пҳысқылъюки натын лъңанун илялӣӷутаңи лъңит.

К Ефесянам 2:1

Сивунӷани таӷныӷаси туқуңаяҳтут қаюҳлъяк қа̄ткумаңилъкыси Кияӷнық, сыӷлыҳқыстыңуяҳтусилъю.

К Ефесянам 2:11

Нықамиклъюку язычнигыңулюси алъхықа̄гуси. Иудеит атиӷақӣси «обрезаниялъҳилңӯт», лъңит атиқаюгӯт «обрезаниякат». (Обрезаниялъҳат югусиҳӣнӣтнитуқ.)

К Ефесянам 5:14

Тама̄кын апалъюқлъюку югыт пика̄гут: «Қавалӷӣми, таҳтуҳа̄тын. Уңува̄ туқулъыӷмың ынка̄м Христосым кукыхлъықа̄тын».

К Колоссянам 2:12

Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

1е Тимофею 5:6

Иўырңа угиңиӷақ тыӷигниқңинақуми лъңаның ыфқуҳналюни, уңуваӷңа̄ӷми туқукастун аюқсяҳқа̄гуқ.

1е Тимофею 6:13

Қылыӷнақамкын нагасиманӷани Кияӷныӷым, уңувалъылитикам сямун тамаҳа̄нун уңувалӷӣнун, нагасиманӷанилъю Христосым Иисусым, кӣмсиӷиля̄тақуӷикам Понтий Пилатым.

К Евреям 6:1

Ынка̄м лӣтылътыки апыҳтӯсят аңтанӣтканун ухпықанун аюқылӷӣт. Лӣтңўа̄қақаси апыҳтӯсюхўа̄қат Христосымың аюқылӷӣт ынка̄ңам лӣнъықихсяҳқақынӷитаси. Лӣтңўа̄ӷума̄си атуқсяҳқа̄фқӣта пиналюки тама̄кут туқумун аюқылӷӣт. Лӣнъықихсяҳқақынӷитаҳсилъю ухпықилъыӷмың аюқылӷӣ Кияӷныҳқун,

К Евреям 9:14

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

От Иакова 2:17

Ухпықилъықлъю таўатытуқ, аныӷныҳқилъыҳқун атуқынӷилъкуми сясӣнӷитуқ.

От Иакова 2:20

Уюқ налъю̄қақ ю̄к, паниның лӣгикигасигӯ ухпықилъық аныӷныҳқилъңунани сясӣнӷитуляңа?

От Иакова 2:26

Ынка̄ңам югусиқ таӷныӷаңунани туқуңа̄қ, ухпықилъықлъю аныӷныҳқилъңунани туқуңа̄қ.

1е Иоанна 2:12

Таӷнуҳаҳамни, письмоӷақамси қаюҳлъяк сыӷлыҳқылъыси сыӷывутылъыңыхка̄гут апалъюқлъюку Христос.