К Колоссянам 2:12 - Новый Завет на эскимосском языке

¹² Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

К Колоссянам 2:12 Iomraidhean Croise

От Луки 17:5

Апостолыт Атанық пика̄т: «Ухпықилъыҳтуҳтаӷақаҳқут!»

Деяния 14:27

Ка̄сямык Антиохиямун ухпықат қырңуҳтыкӣк. Уңипа̄ткӣт Кияӷныӷым апыӷӣлъҳаның лъмытыгныгун, а̄пқӣтлъю Кияӷныӷмун ухпықилъыҳқалитылъҳи язычнигыт.

Деяния 2:24

Иўырңа Кияӷныӷым туқулъыӷмың уңуваҳтыстыкақа̄, итымуткақа̄ туқулъҳым асиҳқутылъҳаның, талўа туқулъҳым нуқныҳпагниңиткақа̄.

Деяния 2:32

Та̄наңӯқ Иисус Кияӷныӷым уңуваҳтыка̄ туқулъыӷмың ынка̄м хўаңкута лӣсимакистыңӯкут.

К Римлянам 4:24

иўырңа игақыхка̄гут хўаңкунъунлъю. Кияӷныӷым тугуклъиҳлъықӣлъю ылъқуӷутңалюта қаюҳлъяк ухпықыхкыфут лъңа. Лъңаңӯқ Иисусымың Атанымнъың уңуваҳтыстикақ.

К Римлянам 7:4

Ухпықа̄лгутымни, лъпысилъю итымума̄си Лӣлиҳтӯсяның қаюҳлъяк туқука̄гуси Христосыми. Тама̄кын апалъюқлъюку Христосым пикӣси. Лъңаңӯқ Кияӷныӷым уңуваҳтыка̄ туқулъыӷмың, хўаңкунъун қыпҳа̄тысқылъюку Кияӷнық.

1е Коринфянам 12:13

Қамахлъюки ухпықат налиӷнықуӷӣ Христосым югусӣн. Иляпут Иудеяңӯт, иляңи язычнигыт, иляңи қыпҳаҳтыля̄ӷыт, иляңи қыпҳаҳтыля̄ӷунӷитут. Иўырңа қамахлъюта крестиӷыка̄гукут та̄хун ата̄сикун Аглыӷналӷӣгныкун Таӷныӷагныкун, Христосымун югусилӣтысқылъюта. Қамахлъюта тугуклъиқақахпут ата̄сик Таӷныӷак.

1е Коринфянам 15:20

Ипаңӯқ Христос уңувақа̄гуқ туқулъыӷмың, тама̄кын апалъюқлъюку лӣсимакңўа̄ӷаҳпут хўаңкуталъю уңуваҳтысяҳқа̄гукут иляңани аӷныӷым.

К Галатам 3:27

Крестиӷақңафси Христосымун, а̄лъҳӣстун Христос пикақаҳси таўатын пиюлюгугақылъыҳпысистун.

К Ефесянам 2:8

Кияӷныӷым наңлъыхталъҳакун югулика̄гуси ухпықилъыҳпысигун. Югулилъыҳси лъпысиның пилъқынӷитаҳси, Кияӷныӷым тунусяқа̄ лъпысинун.

К Ефесянам 3:17

Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун.

К Ефесянам 3:7

Кияӷныӷым наңлъыхталъыӷмикун, аҳтуӷьяҳқа̄нӷилъыӷмикунлъю тунусялита̄ңа қыпҳаҳтыңулюңа уңипақысқылъюки Пинилӷӣт Уңипат.

К Ефесянам 4:5

Ата̄сӣгуқ Атанық, ата̄сӣгуқ ухпықилъық, ата̄сӣгуқ крестиӷылъық.

К Ефесянам 5:14

Тама̄кын апалъюқлъюку югыт пика̄гут: «Қавалӷӣми, таҳтуҳа̄тын. Уңува̄ туқулъыӷмың ынка̄м Христосым кукыхлъықа̄тын».

К Филиппийцам 1:29

Лъпысинун қыпҳа̄сяқлъыгуҳтыстыкақа̄ Христос, ухпықңинаҳпына̄н, икфиқылгусиқысилъю.

К Колоссянам 1:29

Та̄на пиналюку та̄куңинаҳа̄гның уӷлыӷӣҳтуңа атуқлъюку Христосым аҳтуӷьяҳқа̄нӷилъҳа қыпҳалӷӣ икнақыпихлъюни илюмнъи.

К Колоссянам 2:13

Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 6:2

крестиӷылъыӷның, ӣхтилъыӷның, уңуваҳтилъыӷның туқуканың, Кияӷныӷымлъю нанқихтилъыҳқа̄ның югның аӷью̄ӷьяҳқа̄люки кынлыңуна̄н.

1е Петра 3:21

Та̄наңӯқ мық успутақ крестиӷылъыӷмун югулиӷилӷӣ лъпысиның ма̄тын уңуваҳтылъҳакун Иисус Христос. Крестиӷылъық иқаңӣсӣнӷитуқ югусимун. Итупилъ крестиӷылъыҳқун акықӣкут Кияӷныӷмун умьюгамнъың сыӷлыӷниңилңуӷмың.