К Колоссянам 1:7 - Новый Завет на эскимосском языке

⁷ Лӣткақаҳси Кияӷныӷым наңлъыхталъҳа Епафрасымың, пиниқыхкамнъың қыпҳалгутымнъың. Ата̄сӣӷмылъюни қыпҳа̄гуқ Христосымун, қыпҳақақа̄ хўаңкута қыпҳаӷьюхўақаҳпут.

К Колоссянам 1:7 Iomraidhean Croise

От Матфея 18:29

Қыпҳалгутаңан сикмӯлъюни наңлъыхсипихлъюни пика̄: “Утақӣгаҳтын, лъивикылъықамкын”.

От Матфея 24:45

«Кинаңа̄ўа ата̄сӣӷмылңуқ пыҳқинылӷӣ қыпҳаҳта? Та̄наңӯқ умӣлган иглыӷутистыңлъяқа̄ қыпҳаҳтылгутаңанун, нықылита̄тӣсқылъюкилъю аҳутаңа тамаҳа̄н.

От Матфея 25:21

Умӣлган пика̄: “Сыӷлыҳалык итагнапихтутын, пиниҳтутын ата̄сӣӷмылңуқ қыпҳаҳта! Ата̄сӣӷмытка̄тыхпының паляҳаӷнун афлъыңакистыңуҳтыснақамкын углялӷӣнун. Ӣтҳи қуялгусиӷьяҳтуӷңа!”

1е Коринфянам 4:17

Тама̄кын апалъюқлъюку Тимофей каяхтыңъўа̄қа лъпысинун. Иӷнықылӷӣстун аюқақа Атаныҳқун. Ата̄сӣӷмылңуқ ухпықақ пиниқыпихтақа. Нықаңуҳна̄ӷӣси натын хўаңа кияҳтақылъымның Христосымун. Таўатылңуқ кияҳта̄лъық апыҳтӯсяқақақа ухпықанун тамаңанилңуӷнун.

1е Коринфянам 4:2

Христосым қыпҳаҳтыңи ата̄сӣӷмысяҳқа̄гут.

1е Коринфянам 7:25

А̄птақаҳпысиңа натын сюмыҳтаӷа̄ткақутаңи угӣӷумаңилңӯтлъю, нулиҳтӯмаңилңӯтлъю. Атанӷым уңипа̄симаңита̄ңа Лӣлиҳтӯсямың тама̄кунун югнун, иўырңа уңипа̄нъақамси сюмыҳтаӷалъымның. Кияӷныӷым наңлъыхталъҳакун апостолыңуҳтыка̄гуңа. Тама̄кын апалъюқлъюку ныӷьюкнакыфсиңа.

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

К Ефесянам 5:21

Малиҳқутақңалюси иляхпысинун қаюҳлъяк сӣвакңукыси Христос.

К Филиппийцам 2:25

Сюмыҳтаӷа̄ткақақа ухпықа̄лгутфут Епафродит лъпысинун утыӷниҳтысналюку. Каюткаҳқаӷьюгумалюңа тагистыкақыхкыси каюсӣтысқылъюңа. Қырңа̄мтуң қыпҳақа̄гукуңлъю, уңипақика̄гукуңлъю Пинилӷӣның Уңипаның. Ныкывӷаткақапуңлъю Пинилӷӣт Уңипат кипулъхина̄лӷӣның.

К Колоссянам 4:12

Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку.

К Колоссянам 4:7

Тихик ухпықа̄лгуткақа, пиниқыпихтыкақа. Қыпҳалгуткақа, қыпҳа̄тақа̄лъю Атанық хўаңамнун малигулъюни.

К Колоссянам 4:9

Каяхтақалъю Онисим лъпысинун. Пиниқыхка̄гуқ ата̄сӣӷмылңуқ ухпықа̄лгун, лъпысиның пиңӯқ. Тихикылъю уңипа̄лъықӣси сямың тамаҳа̄ның сялъыӷның ма̄ни.

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

К Филимону 1:23

Епафрасымңуқ пиниқӣси; анусимиңлъяӷалгуткақа апалъюқлъюку Христос Иисус.

К Евреям 2:17

Тама̄кын апалъюқлъюку Кияӷныӷым Иисус лъӣҳтыстыңъўа̄ӷьяҳқақа̄ хўаңкутыстун. Таўатын қыпҳа̄сяқлъыгўа̄ Кияӷнық Первосвященнигулюни, наңлъыхтаӷлюнилъю, ата̄сӣӷмылъюнилъю. Ынка̄м тӯнияқлъыгуҳтыка̄гуқ аҳтутмың Кияӷныӷмун сыӷывутысқылъюки югыт сыӷлыҳқылъҳит.

К Евреям 3:2

Иисус ата̄сӣӷмытка̄гуқ Кияӷныӷмун накмикистыминун, катам Моисей ата̄сиӷмыткақ Кияӷныӷмун қыпҳа̄тақңамигу Кияӷнық мыңтыӷа̄ни.