К Колоссянам 1:6 - Новый Завет на эскимосском языке

⁶ Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

К Колоссянам 1:6 Iomraidhean Croise

От Матфея 24:14

Укутлъю Пинилӷӣт Уңипат Кияӷныӷым Атаныҳпагулъҳаның аюқылӷӣт уңипақсяҳқа̄гут нунатаҳа̄ни тамаҳа̄ни рамкыңитнун нагақӣсқылъюки. Та̄хкын нуна иқухлъықуқ».

От Матфея 28:19

Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам.

От Марка 16:15

Пикӣ: «Аӷуляқлъюси нунатаҳа̄нун тамаҳа̄нун уңипақитыки Пинилӷӣт Уңипат тамаҳа̄нун югнун.

От Марка 4:8

Нақамалъя тама̄кут тыкиткат сюнакыхтакун пӣтыстиҳлъякат зерномың, иляңи 30, иляңи 60, ынка̄м иляңи 100».

От Иоанна 15:16

Лъпыси накмикумаңитаҳпысиңа, хўаңа накмикыхкақамси, қыпҳақалитамсилъю. Ынка̄м аӷуляқлъюси пӣтысқуҳтык, пӣтысқулъыҳси нагныӷасқысюўақа. Таўатын пикуфси Атам тӯнылъықӣси сямың алңунак а̄птыкуфси Атымкун.

От Иоанна 17:19

Лъңит апалъюқлъюки хўаңамның а̄фтыка̄гуңа лъпынун, лъңитлъю а̄фтысқылъюки акузитыхпыгун ипапилъыҳқун.

От Иоанна 4:23

Иўырңа пилъыҳқақ ука тагиңӯқ, а̄қун ка̄лъюни аюқуқ манигӯтыпикаюгыт манигуҳлъықа̄т Ата Таӷныӷагныкунлъю, ипалъыҳқунлъю. Таўатылңӯт манигӯткаюгыт Атам манигӯтысюгақӣ лъңанун.

Деяния 11:18

Таўатын Петырым пийистың қалъыгнаниӷлютың, йыӷлыги усюқыхка̄т Кияӷнық. Пикат: «Та̄ўа лӣгикаҳпут Кияӷныӷым талўа язычнигыт пилъыҳқалисимакаңи авутыҳқысқылъюки сыӷлыҳқылъҳитның, уңувалъыңысқылъюкилъю кынлыңилңуӷмың уңувалъыӷмың!»

Деяния 12:24

Та̄ўа Кияӷныӷым уңипӣ миңисимаңинақат ынка̄м ўата ю̄к ухпыҳтӯткақ.

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

К Римлянам 1:13

Ухпықа̄лгутымни, лӣсимакысюгамси аўын ля̄лиҳфиксюгақамси иўырңа ся̄м қӯнпың пинӷитыстақа̄ңа. Ынка̄м ма̄тын каюсӣсюганка Римыӷмӣт ухпыӷысқылъюки Христосыкун, иляңитнун язычнигнун пилъымтун.

К Римлянам 15:19

Таўатын пика̄гуқ аҳтуӷьяҳқа̄нӷилъҳакун алъя̄ҳлъюхўаҳтилъҳыт, аҳтуӷьяҳқа̄нӷилъҳакунлъю Аглыӷналӷӣм Таӷныӷам. Уңипақңўа̄қақанка Пинилӷӣт Уңипат Христосымың аюқылӷӣт тамаҳа̄ни Иерусалимымың та̄гавырухлъяк Иллирикымун.

К Римлянам 15:28

Хўа̄ кылъқынъақақа язычнигыт маниңат Иудеянун. Апыӷӣқумкун уна қыпҳақақ тӯнлюку мани лъңитнун, ля̄лиҳфиксяҳтуҳлъықамси, та̄хкын Испаниялъықуңа.

К Римлянам 16:26

Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю.

2е Коринфянам 10:14

Сивулиҳпига̄гукут уңипақияҳтуқани лъпысинун Пинилӷӣның Уңипа̄мың Христосым. Ынка̄м алъпагигатаҳпут қыпҳақақ Кияӷныӷым каягутка̄ хўаңкунъун.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Ефесянам 3:2

Ынтақун нагақӯма̄ҳси Кияӷныӷым наңлъыхталъыӷмикун қыпҳақалиткақа̄ңа лъпысинун.

К Ефесянам 4:21

Нагақупыста̄қақаҳси лъңа, қаюҳлъяк малихся̄ҳтыкыхкаңиси. Ынка̄м апыҳтуқа̄гуси ипа апыҳтӯся̄мның Иисусым.

К Ефесянам 4:23

Итупилъ таӷныӷам нутаҳлъики умьюгаси.

К Ефесянам 5:9

(Қаюҳлъяк кияҳныҳпысини ниӷугми пиниҳтыстақӣси, ылъқуӷутңастақӣси, ипаңустақӣси.)

К Филиппийцам 1:11

Ынка̄м уңувалъыси имиҳлъықут ипапыста̄қ пинӣпихлъыҳӣмың Иисус Христосыңинаҳа̄м пӣтыстыка̄ның. Та̄хкын югыт қӯлваҳлъықа̄тлъю, усюқылъықа̄тлъю Кияӷнық.

К Филиппийцам 4:17

Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.

К Колоссянам 1:10

Та̄хкын кияҳсяҳқа̄ҳлъықуси Атанӷым пиюкылъҳатун, ӣўлың атуқақылъықаҳси сяңўа̄ ыфқуӷналӷӣ лъңани. Таўатын кияҳтылъыҳпысини алъя̄ҳӣнақ пинилӷӣ қыпҳаҳлъықаҳси ынка̄м ўата лӣлъықаҳси Кияӷнық.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

1е Фессалоникийцам 1:5

қаюҳлъяк Пинилӷӣның Уңипаның тагитақңамси, акузитыра̄ӷинаҳтыхун пимаңитукут, иўырңа аҳтуӷьяҳқа̄нӷилъыҳқунлъю, Аглыӷналӷӣгныкунлъю Таӷныӷагныкун пика̄гукут. Ынка̄м ухпықаси Пинилӷӣт Уңипат ипаңутаңи. Лӣсимакаҳсилъю натын кияҳтыка̄тфут лъпысинилъюта, таўатын каюсӣнъалюси кияҳтыка̄гукут.

1е Фессалоникийцам 2:13

Игамсиқаюгвикумаңина̄ңўа̄ҳпутлъю Кияӷнық уна апалъюқлъюку: хўаңкунъың нагақуӷлюку тугуклъиӷаҳси Кияӷныӷым уңипа̄. Лъпыси тугуклъиӷаҳси Кияӷныӷмың уңипа̄, нака̄н югның уңипа̄люку. Та̄наңӯқ Кияӷныӷым уңипаҳпига̄ қыпҳалӷӣ лъпысини ухпықилӷӣни.

2е Фессалоникийцам 2:13

Ухпықа̄лгутымнъи, ӣўлың игамсиқаягусяҳқақамси Кияӷныӷмун, лъпыси пиниқыхкӣтни Атанӷым. Игамсиқаюгвикақаҳпутлъю Кияӷнық қаюҳлъяк накмикыхкақӣси югулисқылъюси има пӣнлиӷьюхўа̄лъҳаның нунам. Югулика̄гуси пылюңиҳсялъҳакун Аглыӷналӷӣм Таӷныӷам, ухпықылъыҳпысигунлъю ипапилъық.

1е Петра 5:12

Сила ата̄сӣӷмылңӯгуқ ухпықа̄лгута; ига̄тақа̄ңа такыста̄ҳаҳтыхун посланиямкун лъпысинун. Посланиянка Кияӷныӷым пиниқылъыпӣганың аюқут. Уңипа̄тамсилъю, кайымамсилъю кияҳтыкыстӣсқылъюси пиниқылъҳани.