К Колоссянам 1:26 - Новый Завет на эскимосском языке

²⁶ Сивунӷани Кияӷныӷым қайвиҳсимаңита̄ уна ипапилъық тамаҳа̄нун югнун, иўырңа ма̄тын қайвиҳтыңъўа̄ лъми югминун.

К Колоссянам 1:26 Iomraidhean Croise

От Матфея 13:11

Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

От Матфея 20:7

Кӣмсиқа̄т: “Қаюҳлъяк китум алңунак тугунӷилъкаңилъю қыпҳаҳтыңулюта”. Ынка̄м пикӣ: “Нақам лъпысилъю қыпҳаӷьяҳтык пӣтысиӷаӷвимнун”.

От Марка 4:11

Иисусым пикӣ: «Лъпысинун Кияӷныӷым лӣгикыста̄ талюӷңалӷӣ ипапиҳқылъҳа Атаныҳпагулъҳым. Сивунӷани лӣтысимаңисяӷа̄. Иўырңа тама̄кут иқитңалӷӣт Кияӷныӷым Атаныҳпагулъҳаның нагақуӷақут сямың тамаҳа̄ның уңипаӷа̄тытхун.

От Луки 8:10

Кӣмсиқӣ: «Кияӷныӷым накмикумӣси лӣгикысқылъюки талюӷңалӷӣт ипапилъҳи Атаныҳпагулъыӷми. Иўырңа иляңитни югни уңипаӷа̄тңина̄ўақут. Ынка̄м ысҳа̄тыӷңа̄ӷмың ысҳа̄сигатут, нагатыӷңа̄ӷмың лӣгикигатут».

1е Коринфянам 2:7

Пыҳқинылъық апыҳтӯсяқа Кияӷныӷым пыҳқинылъқа̄, налъюка̄т югыт. Югыт налъюкңўа̄ӷьяқаңат та̄на пыҳқинылъық кынляңа Кияӷныӷым лӣтыстылъҳанун. Талўа нунаңлъя̄маңилъюни Кияӷныӷым усюқсяҳқа̄люта пикақӣлъю пыҳқинылъыӷмикун.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

2е Тимофею 1:10

Иўырңа хўа̄ пиниқылъыни лӣтыста̄ хўаңкунъун тагилъҳакун Югулиӷистымта Христос Иисусым. Христосым на̄фқыхкақа̄ туқулъық, та̄хкын Пинилӷӣтхун Уңипатхун лӣтыстӣлъю туқуңигалңуӷмың уңувалъыӷмың.