К Колоссянам 1:25 - Новый Завет на эскимосском языке

²⁵ Кияӷныӷым қыпҳаҳтыңлъяқақа̄ңа ухпықанун. Тагивақақа̄ уна қыпҳақақ каюсӣтысқылъюси, лъпысинун лӣгикңўа̄ӷысқылъюки Кияӷныӷым акузитаңи.

К Колоссянам 1:25 Iomraidhean Croise

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

1е Коринфянам 9:17

Накмикыхкақсяқумкун уна қыпҳақақ хўаңамның акилыҳтӯсяҳқалгунилюңа пинаяҳтуңа, иўырңа Кияӷныӷым накмикыхкақутаңаның пияҳқақақа акилыҳтӯсӣтыӷңа̄ӷма. Алъя натын пилъыҳқӣтуңа.

К Ефесянам 3:2

Ынтақун нагақӯма̄ҳси Кияӷныӷым наңлъыхталъыӷмикун қыпҳақалиткақа̄ңа лъпысинун.

К Ефесянам 3:7

Кияӷныӷым наңлъыхталъыӷмикун, аҳтуӷьяҳқа̄нӷилъыӷмикунлъю тунусялита̄ңа қыпҳаҳтыңулюңа уңипақысқылъюки Пинилӷӣт Уңипат.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

1е Фессалоникийцам 3:2

каяхтыкақаҳпутлъю Тимофей лъпысинун. Ухпықа̄лгуткаҳпут, қыпҳалгусиӷақӣнкут Кияӷныӷмун. Уңипақилгусиӷақӣнкуң Пинилӷӣның Уңипаның Христосымың аюқылӷӣның. Каяхтыкақаҳпут икнақуҳсяӷьяҳтӣсқылъюки ухпықилъыси, кайымысқылъюсилъю,

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.