К Колоссянам 1:23 - Новый Завет на эскимосском языке

²³ Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:23 Iomraidhean Croise

От Марка 16:15

Пикӣ: «Аӷуляқлъюси нунатаҳа̄нун тамаҳа̄нун уңипақитыки Пинилӷӣт Уңипат тамаҳа̄нун югнун.

От Луки 22:32

Иўырңа юӷа̄ткума̄мкын Симон, ухпықилъҳын пыхтыфқа̄н писқылъюку. Ынка̄м ухпықынқихтыкувңа, икнақуҳсяӷьяҳқақатын малихся̄ҳтылгутыхпык ухпықилъҳитнын».

От Луки 6:48

Юхтун мыңтыӷаңлъялӷӣтун аюқуқ. Нуна сямавырухлъяк ля̄глюку уйӷагмун, тунымиӷлюку та̄хун ныкыфлъықа̄ мыңтыӷақ. Кӣўык улывыҳлъяглютык таўалъӣма мыңтыӷақ қапшахтылъҳилъкаңа қаюҳлъяк уйӷагмың тунымиӷлюни ныкыфтыка̄лӷӣ.

От Иоанна 15:6

Кина алңунак хўаңамнинъыӷилъкуми аваястун аюқуқ ыхлъюни палиқақ. Таўатылңӯт аваят қырңуҳлъюки паныҳтақӣт.

Деяния 1:8

Иўырңа аҳтуӷьяҳқа̄нӷилъыңылъықуси Аглыӷналӷӣк Таӷныӷак ӣтқайык илюхпысинун. Та̄хкын уңипақылъықаҳпысиңа Иерусалимыми, Иудеями, Самариями, уяваҳпанилъю нунани».

Деяния 11:23

Ка̄сялӷӣми угля̄пихлъыӷӣ ю̄к ухпыҳтӯлъюни аюқыфтуқ, ынка̄м қуяҳлъякақ қаюҳлъяк лӣгикыхка̄ Кияӷныӷым пиниқиңалъыҳлъяга югнун. Варнава пинилӷӣңулӷӣ ю̄к, имиӷңаҳлъяклъю Аглыӷналӷӣгның Таӷныӷагның, ухпықилъылыхлъяклъю. Та̄хкын алъяңуҳтыфқӣта ата̄сӣӷмытыкыстӣсқыхкӣ Атаныӷмун. Ўатақа̄ӷақ иляңиталъю югыт ухпықыхка̄т Атанық.

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

Деяния 2:5

Тама̄ңуқ Иерусалимыми, Иудеит Кияӷныӷмун қа̄ткутңалӷӣт. Накын нунаның тагӣқлъютың Иерусалимыӷмӣңуҳқӯткат.

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

Деяния 26:16

Ныкыви. Алӣӷвикамкын қаюҳлъяк накмикамкын қыпҳаҳтыңулютынлъю, лӣсимакистыңулютынлъю. Апыӷнакытын тама̄кут ысҳақаҳтын аӷныӷми хўани, тама̄кутлъю кылгусяҳқанка киңувақун алӣӷвикыхкумкын.

Деяния 4:12

Ынка̄м Кияӷныӷым каяхтыкақа̄ нунамун, лъңинаҳа̄гуқ югулиӷияҳқақ. Алъя натын ю̄к югулилъыңна̄нӷитуқ иўырңақун а̄таӷакун Иисусым».

К Римлянам 10:18

Иўырңа пӣқсиңа̄ Израилыӷмӣт нагақӯнъыӷинъилюки уңипа̄мың? А̄а, нагақупыста̄қа̄гут. Акузитни Игақыхкани игақңалӷӣ: «Мыңит аӷуляқума̄т тамаҳа̄нун нунам; акузитаңитлъю кынлыңитнун нунам».

К Римлянам 15:16

қыпҳаҳтыңулюңа Христос Иисусымун язычнигнун. Священнигыстун аюқақуңа уңипақинымни Пинилӷӣның Уңипа̄мың Кияӷныӷым язычнигнун. Таўатын уңипақӣқуңа лъңит тунусятун аюқысқылъюки тугуклъиӷьюгналӷӣ Кияӷныӷмун. Аглыӷналӷӣм Таӷныӷам аглыӷнаҳтыста̄ тунусяқ.

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

К Римлянам 5:5

Та̄м сиӷималъҳым ӣлъқамиқна̄нӷитӣлъю қаюҳлъяк Кияӷныӷым кӯвыхкақа̄ пиниқылъыни қамавык илюмнъун Аглыӷналӷӣгныкун Таӷныӷагныкун, Кияӷныӷым тӯныхкамикун хўаңкунъун.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

1е Коринфянам 3:5

Кинаңа̄ўа Аполлос? Кинаңузиңа хўаңа? Қыпҳаҳтыкӣнкуң Кияӷныӷым, каюсӣткақамси ухпықысқылъюку Христос. Қыпҳақалыстаҳӣна̄гукуң Атаныӷым қылӷутка̄ның.

2е Коринфянам 10:1

Иляңита юхпыси пӣқа̄тңа тытухтаӷнилюңа лъпысининъымни, иўырңа тытугиганъӣқа̄тңа лъпысининъыӷинъымни. Хўаңа Павел, хўаңамның катам, Христосым қусывыгңалъҳакунлъю, пиниқылъҳакунлъю,

2е Коринфянам 11:23

Христосым қыпҳаҳтыкакӣ? Иўырңа хўаңа пиниӷатаӷаҳтуңа қыпҳаҳта лъңитның. Та̄ўа акузӣңа налъыкаӷнилңуӷыстун. Қыпҳаӷатаӷақа̄гуңа лъңитның, анусимиңляӷвигмыта̄ӷақа̄гуңалъю лъңитның. Кахсягмилъыңыхка̄гуңа кыстыка̄нӷилңуӷмың, угляӷңа̄н туқувзиӷа̄тақа̄гуңа.

2е Коринфянам 3:6

Лъңан қыпҳаӷьяқлъыгуҳтыстӣлъю нутаӷамун акықусямун. Та̄на нутаӷақ акықусяқ игақңалӷӣңунӷитуқ лӣлиҳтӯсяқ, иўырңа Таӷныӷагның аюқуқ. Игақңалӷӣм Лӣлиҳтӯсям тагита̄ туқулъық, иўырңа Таӷныӷам тӯна̄ уңувалъық.

2е Коринфянам 4:1

Ынка̄м Кияӷныӷым наңлъыхталъыӷмикун қыпҳақалитӣлъю хўакын қыпҳаӷьяҳқамың. Тама̄кын апалъюқлъюку ӣлъқаюгигатукут.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Галатам 4:11

Алиңуткақамси, қамахлъюни қыпҳа̄тилъқа лъпысинун сясӣнӷинъаюкан.

К Галатам 5:5

Аглыӷналӷӣгныкун Таӷныӷагныкун утақаңўа̄ҳпут сиӷималъыҳпут апыӷӣӷысқылъюку. Сиӷималъыҳпут та̄наңӯқ: Кияӷныӷмун налъҳусӣсқылъюта ылъқуӷутңалъҳанун ухпықылъымтыхун Христосыкун.

К Галатам 5:7

Сивунӷани пинитуңўа̄қ пиңуяҳтуси. Китум қа̄ткунъаниҳтыстиси ипапиҳқылъыӷмун?

К Галатам 6:9

Ынка̄м қинуягутыхпына̄н пинитун пилъық пилътыху, қаюҳлъяк ӣлъқаюнӷилъкумта пилъыҳқақ ка̄скан акилыҳтӯсяңылъықукут.

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 2:21

Қамахлъютың мыңтыӷам налиӷныӷи ныкыҳқӯтңа̄т қырңаӷмың Христосыкун. Та̄кут налиӷныӷыт нуляялӷӣмың храмыңуҳтыңъӯт Атаныӷмун. Та̄на храм аглыӷнаҳтуқ.

К Ефесянам 3:17

Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун.

К Ефесянам 4:16

Ухпықани югусиқӣлъю Христосым. Лъңакун ӣңунаӷми югусиқ қырңуӷутка̄гуқлъю, нувыша̄тка̄гуқлъю югусим ивалюңакун. Қамахлъютың налиӷныӷыт қыпҳанъыӷмыхни қыпҳалъыҳқамыгыстун, та̄ўа югусиқ нагўа̄қуқ, икнақуҳсяӷақуқлъю пиниқылъыҳқун.

К Колоссянам 1:25

Кияӷныӷым қыпҳаҳтыңлъяқақа̄ңа ухпықанун. Тагивақақа̄ уна қыпҳақақ каюсӣтысқылъюси, лъпысинун лӣгикңўа̄ӷысқылъюки Кияӷныӷым акузитаңи.

К Колоссянам 2:7

Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.

1е Фессалоникийцам 3:3

қаюҳлъяк ӣлъқаюхтысюнӷилъкымси ухпықилъыҳпысиның сыӷлылӣлъыси апалъюқлъюки. Иўырңа лӣсимакаҳси ухпықани хўаңкута сыӷлылӣӷьяҳқа̄гукут.

1е Фессалоникийцам 3:5

Тама̄кын апалъюқлъюку аҳтуӷьягусяма нуқынъыӷмың, каяхтыкақақа Тимофей лъпысинун лӣгикналюку ухпықилъыҳси натытақутаңа. Пыңкақамси қаюҳлъяк Туӷныӷа̄м нанӷӣқуманаюкаңиси ухпықинанӣсқылъюси, ынка̄м қыпҳалъыҳпут тымңисюгниҳсиманаюкан.

1е Фессалоникийцам 5:8

Иўырңа Атанӷым пикӣлъю ынка̄м лӣсималюта кияҳтылъта. Пақнӣҳся̄силъыҳқамнъун сякимамтыхун а̄тылътыху сиӷималъық югулилъыӷмун.

2е Фессалоникийцам 2:16

Кияӷныӷым Атамта, пиниқистымта, наңлъыхталъыӷмикун тӯныхкақӣлъю кынлыңилңуӷмың илютулъыӷмың, пинилӷӣмыңлъю сиӷималъыӷмың. Атанымта Иисус Христосым лъңан катам, Кияӷныӷымлъю Атамта, ылъкыхкынка

1е Тимофею 1:12

Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

1е Тимофею 2:7

Тама̄кын апалъюқлъюку Кияӷныӷым накмикыхкақа̄ңа уңипақистыңулюңа, апостолыңулюңа. Каяхта̄ңа апыҳтӣсқылъюки язычнигыт ухпықилъыӷмыңлъю, ипапилъыӷмыңлъю. Ипа уңипа̄тамкын, иқлъыңиқңунӷитуңа!

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

К Титу 3:7

Кияӷнық таўатын пика̄гуқ пиниқилъыӷмикун налъҳусяӷналюта ылъқуӷутңалъыӷминун. Ынка̄м сиӷималъылгӯкут хўаңкута пилӣнъалюку кынлыңилңуқ уңувалъық.

К Евреям 10:38

Ылъқуӷутңалӷӣт югынка кияҳлъықут ухпықилъыҳқун. Иўырңа китум алңунак пыхтыкумигу ухпықилъыни, уңувасигма ыфқуқна̄нӷита».

К Евреям 3:14

Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.

К Евреям 3:6

Иўырңа Христос иӷныӷулюни ата̄сӣӷмытка̄гуқ иглыӷутиста Кияӷныӷым мыңтыӷа̄ни. Хўаңкута мыңтыӷақӣлъю Кияӷныӷым, илютумаңинақумта, ипапиҳқуткумаңинақумтыхулъю сиӷимакыхкаҳпут.

К Евреям 4:14

Тама̄кын апалъюқлъюку Первосвященнигрухлъягӯкут қилягмун маюқамың. Иисусыңӯқ, Иӷныӷа Кияӷныӷым. Ынка̄м ухпықилъыӷмытыкыста̄лъта а̄пқамнъи югнун.

К Евреям 6:19

Та̄на сиӷималъық уйӷӣтңӯқ уңувасимнъун, пақнанӣӷутыстӣлъюлъю, айыпсюгитыстӣлъюлъю. Та̄на сиӷималъық итыҳтуқ аглыӷналъыҳпигаӷмун нымун сяфка̄ӷутым аўатаңанилңуӷмун.

1е Петра 1:3

Усюқылътыху Кияӷнық, Атаңа Атанымта Иисус Христосым! Апалъюқлъюку наңлъыхталъыҳлъяни алъхынқихтыстӣлъю уңуваҳтылъыӷмикун Иисусым Христосым туқулъыӷмың. Та̄м сиӷималъыңыстыҳлъягӣлъю налъюнықнӣлңуӷмың.

1е Петра 1:5

Кияӷныӷым аҳтуӷьяҳқа̄нӷилъыӷмикун пақнӣҳсяҳлъықӣси ухпықилъыҳпысигун. Ынка̄м кынлытҳӯтылъыӷми алӣҳлъықа̄ югулилъық ята̄ҳқыхка̄қ лъпысинун.

1е Иоанна 2:27

Иўырңа лъпыси Христосым кӯвикыхкақӣси Таӷныӷагминың. Таӷныӷакык илюхпысинитутмыгның алъя кина алңунак Апыҳтуӷистыксюгна̄нӷитаҳси, қаюҳлъяк Таӷныӷахкынка апыҳтуӷақӣси сямың тамаҳа̄ның. Апыҳтӯсӣ ипаңӯт, тымңиңунӷитут ынка̄м Таӷныӷам апыҳтулҳатун Христосымытыкыстаҳтык.

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.