К Колоссянам 1:14 - Новый Завет на эскимосском языке

¹⁴ Лъңан тукфиқақӣлъю, сыӷывуткақӣлъю сыӷлыҳқылъыпут.

К Колоссянам 1:14 Iomraidhean Croise

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Луки 5:20

Лӣсимакыхкаңи ухпықилъылгулӷӣт ынка̄м ю̄к пика̄: «Сыӷывутанка сыӷлыҳқылъыҳтын».

Деяния 10:43

Қамахлъютың ӯкналиқистыт пика̄гут, китумңуқ алңунак ухпықыхкумигу а̄тҳакун, сыӷывутылъыңьяҳқа̄гуқ сыӷлыҳқылъыӷминың».

Деяния 2:38

Петырым кӣмсиқӣ: «Авутыҳқылъюси, сыӷлыҳқынъаниӷлюси қӣвитык Кияӷныӷмун, крестиӷытыклъю А̄тҳакун Иисус Христосым, сыӷлыҳқылъыси сыӷывутылъыңысқылъюки, ынка̄м Кияӷныӷым тунусякык Аглыӷналӷӣк Таӷныӷак алъхыҳтыкык.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

1е Коринфянам 1:30

Кияӷныӷӯқ тӯнистыси уңувалъыӷмың Христос Иисусыкун. Кияӷныӷым Христос Иисусымун тӯныстӣлъю пыҳқинылъыӷмың, ылъқуӷутыстӣлъюлъю Кияӷныӷми, аглыӷнаҳтыстӣлъюлъю, итымутыстӣлъюлъю сыӷлыҳқылъымнъың.

К Галатам 3:13

Ынка̄м Кияӷныӷым нанқихтыкақӣлъю аӷью̄ӷналюта апалъюқлъюки Лӣлиҳтӯсят, иўырңа Христосым навыҳқылъикақӣлъю нанқихлъыҳқамнъың тугулъыӷмикун аӷью̄лъыҳқаҳпут. Қаюҳлъяк Акузитыт Игақыхкат пика̄гут: «Нанқихтыка̄гуқ аӷью̄ӷьяҳқа̄люни тамаҳаӷми агаҳтыкақ уқфихкун».

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 4:32

Йыӷлыги наңлъыхтаҳтык, нафуҳтаҳтык иляхпысинун, сыӷывутулъюсилъю, катам Кияӷныӷым сыӷывуткақыхкаңиси Христосыкун.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Колоссянам 2:13

Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут.

К Колоссянам 3:13

Сякшитутыхпынаси иўырңа сыӷывутулъюси. Килъю анахтыкаңиси сыӷывунъакыси катам Атанӷым сыӷывутылъҳистун лъпыси.

1е Тимофею 2:6

Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 9:12

Та̄хкын Христос ӣтқа̄гуқ ата̄симың қӯнпырухлъяк Аглыӷналъыҳпигаӷмун Нымун сыӷлыҳқылъымнъың итымунъалюта кынлыңуна̄н. Таўатын пика̄гуқ тӯнылъыӷмикун лъми катам а̄ўни, атуҳпынаки а̄ўит козёлытлъю, каумӷа̄тлъю.

К Евреям 9:22

Ипапыста̄қ Лӣлиҳтӯсят пилъҳитни, қамахтывзиглюни сяңўа̄ тамаҳаӷми пылюңиқа̄гуқ а̄ўкун. Кияӷныӷым сыӷывунъа̄нӷитӣ югыт сыӷлыҳқылъҳит ўыткуқун а̄ўк ма̄қыхкан.

1е Петра 3:18

Христос туқука̄гуқ ата̄сиҳаӷмың апалъюқлъюки югыт сыӷлыҳқылъҳит. Сыӷлыҳқумаңитуқ, иўырңа туқуматкыхкақӣ сыӷлыҳқыстыт тагинъалюки Кияӷныӷмун. Югусӣ туқутка̄гуқ иўырңа таӷныӷакык уңуваҳтыка̄гук.

1е Иоанна 1:9

Иўырңа а̄пқумтыки сыӷлыҳқылъыпут Кияӷныӷмун, сыӷывусяҳқақӣлъю сыӷлыҳқылъымнъың, укмаңиӷьяҳқақӣлъюлъю тамаҳа̄ның анахутаӷалъымнъың қаюҳлъяк ата̄сӣӷмытуқлъю, ылъқуӷулъюнилъю аюқылӷӣңӯқ.

1е Иоанна 2:12

Таӷнуҳаҳамни, письмоӷақамси қаюҳлъяк сыӷлыҳқылъыси сыӷывутылъыңыхка̄гут апалъюқлъюку Христос.

1е Иоанна 2:2

Лъңаңӯқ иқитусиқ сыӷлыҳқылъымнъун, хўаңкуңина̄мта сыӷлыҳқылъымнъун пиңунӷитуқ, иўырңа тамаҳаҳлъяган югым сыӷлыҳқылъҳанун аюқуқ.

Откровение 14:4

Та̄кут югыт нукыхнаҳқумаңилңӯгут аӷнамың атуқилъыҳқун. Малихтақа̄т Пынъӣӷаҳақ навык алңунак пинӷани. Кияӷныӷым югуликақӣ акулңитның нунам юган, тунусяқсюхўа̄ӷӯт Кияӷныӷмунлъю, Пынъӣӷаҳаӷмунлъю.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.