К Колоссянам 1:13 - Новый Завет на эскимосском языке

¹³ Лъңан югуликақӣлъю аҳтуӷьяҳқа̄нӷилъҳаның мамлыгым ынка̄м тагиткақӣлъю Атаныҳпагулъҳанун пиниқыхками Иӷныӷми.

К Колоссянам 1:13 Iomraidhean Croise

От Матфея 17:5

Сялин акузималюку, қилягўа̄ӷым ниӷугракыхтам ся̄пыхкӣ, ынка̄м қиляўа̄ӷмың мым пикӣ: «Уна Иӷнықақа, пиниқыпихтақа, ыфқуқыпихтақа, нагатақитыху!»

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 3:17

Та̄хкын ма қилягмың пикақ: «Унаңӯқ пиниқыхкаҳлъяка Иӷнықа, ыфқуқыпихтақа».

От Луки 13:24

«Сягиқлъюси итыӷнақитык кахпыста̄ҳаҳқун амихкун. Уңипа̄тамси, угля̄пихлъыӷӣт югыт итыӷнақуткулъықут, та̄ўаңинақ итыҳпагниңитут.

От Луки 22:53

Аҳутаңа тамаҳа̄н лъпысинитақңама Храмыми, тугунақуткумаңитаҳпысиңа. Иўырңа уна афлъюкаҳси, қаюҳлъяк аҳтуӷьяҳқа̄нӷилъҳа мамлыгым иглыӷутиңӯқ».

От Иоанна 17:24

Ата̄й, укут югыт тагивақаҳтын хўаңамнитысюўақанка, лъңитнун ысҳӣсқылъюку ниӷуҳқылъқа. Пиниқутыхпының та̄на ниӷуҳқылъық тагивақақан сивуңани нунаңлъялъҳым.

От Иоанна 3:35

Атам пиниқыпихта̄ Иӷныни, ынка̄м аҳтуӷьяҳқа̄нӷилъылиткақа̄ сямун тамаҳа̄нун.

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

К Римлянам 14:17

Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт.

2е Коринфянам 11:14

Та̄мыңхўақун. Талўа Туӷныӷақ алъяңуҳтақуқ лъңаның катам алӣӷьяҳқа̄люни кӯкхутңалӷӣтун яқулыхтун.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

К Ефесянам 1:6

Ынка̄м усюқаҳпут Кияӷнық қаюҳлъяк иӷлыхпынани наңлъыкыҳлъягӣлъю пиниқыхкамикун Иӷныӷмикун.

К Ефесянам 4:18

умьюгӣтлъю лӣгикиңигалңӯгут. Илятңанӷитут уңувалъыӷмун Кияӷныӷым тӯныхка̄нун, қаюҳлъяк налъюкңўа̄ӷа̄т, пиныҳлъюгӯтлъю.

К Ефесянам 5:5

Налъюнықнаҳӣтуқ уна: Кина алңунак пагисяҳқӣтуқ Атаныҳпагулъҳани Христосымлъю, Кияӷныӷымлъю сыӷлыҳқылӷӣ алъянӣӷмың, алңунак блудникыӷмың, налиӷмың пакигнӣӷмың. (Пакигныӷыт манигуҳтыңӯт кияӷныңлъяқанун.)

К Ефесянам 5:8

Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун.

К Ефесянам 6:12

Нықамиклъюку, пилъюўа̄ңунӷитапут югыт. Итупилъ пилъюўа̄ңўа̄пут иглыӷутилӷӣт, аҳтуӷьяҳқа̄нӷилъылгыт, иглыӷутилӷӣт нунам мамлыганың, сыӷлыӷытлъю туӷныӷа̄т қиляганилңӯт.

К Евреям 2:14

Та̄кут таӷнуҳа̄т югӯт кымыкшалгутлъю, а̄лгӯтлъю ынка̄м Иисус лъңистун лъӣқа̄гуқ. Таўатын пика̄гуқ туқуналюни на̄фқынъалюку Туӷныӷақ, аҳтуӷьяҳқа̄нӷилъылык туқумун.

1е Петра 2:9

Иўырңа лъпыси югни накмикыхка̄гуси, умӣлгым священнигакӣси, а̄фтыка̄гуси югни, Кияӷныӷым лъңан катам юкӣси. Накмикыхка̄гуси а̄пҳысқылъюки алъя̄ҳлъюхўа̄т аныӷныҳқилъҳи Кияӷныӷым, тахсиӷикақ лъпысиның мамлыхлъягмың лъми катам алъя̄ҳлъюхўаӷмун ниӷугминун.

2е Петра 1:11

Ынка̄м Кияӷныӷым қуякусиқыҳлъяглюси итыҳтыслъықӣси кынлыңилңуӷмун Атаныҳпагулъҳанун Атанымталъю, Югулиӷистымталъю Иисус Христосым.

1е Иоанна 2:8

Иўырңа уна қылӷусяқ письмоткыхкыхка лъпысинун нутаӷа̄гуқ. Та̄м ипапиҳқылъҳа ысҳаӷлюни аюқуқ Христосыкунлъю, лъпысигунлъю қаюҳлъяк мамлык ага наӷуҳтыңъӯқ, ниӷупик кӯкхутңӯқ.

1е Иоанна 3:14

Лӣсимакаҳпут туқумың алъпака̄гукут уңувалъыӷмун қаюҳлъяк пиниқыхкыпут ухпықа̄лгутыпут. Кина алңунак пиниқиңигалңуқ паниның туқумытуқ.

1е Иоанна 3:8

Кина алңунак сыӷлыҳқумаңиналӷӣ Туӷныӷа̄м пика̄ қаюҳлъяк Туӷныӷақ сыӷлыҳқыңъулӷӣ има пӣнлиӷьюхўа̄лъыӷмың. Иӷныӷа Кияӷныӷым алъхықа̄гуқ уна апалъюқлъюку, на̄фқынъалюку Туӷныӷа̄м қыпҳақа̄.