К Колоссянам 1:12 - Новый Завет на эскимосском языке

¹² Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми.

К Колоссянам 1:12 Iomraidhean Croise

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 20:17

Иисусым пика̄: «Ся̄фтыхпынаңа, сялин майӣгатуңа Атамун. Иўырңа агляӷлютын аңлыгутымнун уңипа̄нъакытын: “Маюӷнақуңа Атамнун, лъпысилъю Атахпысинун, Кияӷнымнун, лъпысилъю Кияӷныҳпысинун”».

От Иоанна 4:23

Иўырңа пилъыҳқақ ука тагиңӯқ, а̄қун ка̄лъюни аюқуқ манигӯтыпикаюгыт манигуҳлъықа̄т Ата Таӷныӷагныкунлъю, ипалъыҳқунлъю. Таўатылңӯт манигӯткаюгыт Атам манигӯтысюгақӣ лъңанун.

Деяния 20:32

На̄ңнӣткынъақақа, ныӷьюкутамси Кияӷныӷмун афлъыңакысқылъюси, уңипамунлъю пиниқылъҳанун қуястысқылъюси. Нагатылъыҳпысигун та̄на уңипақ ухпылъыси икнақуҳлъықутлъю, алъхыҳлъықаҳсилъю лъпыси пилӣсяҳқаҳси Кияӷныӷмың. Та̄на пилӣсяҳқақ тама̄кунун пиңӯқ а̄фтыкаминун лъңанун катам югулюки.

Деяния 26:18

ысҳаҳтыстысқылъюки, тунулъюки мамлыгмың қӣвысқылъюки ниӷуӷмун, тунулъюки Туӷныӷа̄м аҳтуӷьяҳқа̄нӷилъҳаның қӣвысқылъюки Кияӷныӷым аҳтуӷьяҳқа̄нӷилъҳанун. Та̄хкын Кияӷныӷым сыӷывулъықӣ сыӷлыҳқылъҳитның, илялъықӣлъю тама̄вык а̄фтыкаминун ухпықилъҳитхун хўаңамның”».

К Римлянам 11:17

Иудеит пӣтысиӷақастун маслинам уқфигатун аюқут иляңи авая̄н айымтыкат. Лъпыси язычнигни аваястун аюқуси айымтыкат пӣтысиӷалъҳилңуӷмың маслинам уқфиганың. Та̄мың уқфигмың, китум тугулюку аваяқ ныкыхтыкумигу пӣтысиӷақамун маслинам уқфиганун, алъхыӷусяҳқа̄гуқ акум мыся̄ның пӣнъапихлъыҳӣмың.

К Римлянам 15:27

Қуякусиқлъюку таўатын пика̄гут. Та̄кут язычнигыт асыңымӣт Иудеит қаюҳлъяк алъхыӷутка̄лӷӣт Кияӷныӷым қуястилъҳаның лъңитхун. Ынка̄м язычнигыт каюсиӷьяҳқақӣт Иудеит ухпықӣт Иерусалимымылңӯт туюӷлюки манимың.

К Римлянам 8:17

Кияӷныӷым авақутақутаңаның, Кияӷныӷым пагитистыкӣлъю, Христосымлъю пагитистылгуткӣлъю. Ниӷуҳқылъыңылъықукут Христосытун икфиқыхкумта Христосым икфиқылъҳатун.

К Римлянам 9:23

Таўатын пика̄гуқ лӣсимакысқылъюку ниӷуҳқылъыҳлъяни наңлъыкыхкаминун. Ята̄ҳқыкыстақақӣ лъңитнун алъхыҳтысқылъюку ниӷуҳқылъыни.

1е Коринфянам 8:6

Иўырңа хўаңкута лӣсимакаҳпут ата̄сиҳа̄гуқ Кияӷнық, лъңа Атанӷӯқ. Сяңўа̄ қамахлъюни лъңаның пиңӯқ, кияҳтыңъӯкут лъңанун. Лӣсимакаҳпутлъю ата̄сиҳа̄гуқ Атанық, Иисус Христосыңӯқ. Лъңакун сяңўа̄ қамахлъюни улимака̄гуқ, уңуваңӯкутлъю лъңакун.

1е Коринфянам 9:23

Таўатын пӣқуңа нагақӣсқықыҳлъюки Пинилӷӣның Уңипаның, қаюҳлъяк қуястылъыңақылӷӣңалъю ухпықынӷатху Христос.

2е Коринфянам 11:14

Та̄мыңхўақун. Талўа Туӷныӷақ алъяңуҳтақуқ лъңаның катам алӣӷьяҳқа̄люни кӯкхутңалӷӣтун яқулыхтун.

2е Коринфянам 5:5

Кияӷныӷым ята̄ҳқуткақӣлъю хўавык алъяңуҳтылъыӷмун. Хўаңкунъунлъю тӯныхкақа̄к Таӷныӷагни лӣсимакысқылъюку алъяңуҳтылъыҳқаҳпут ипапыста̄қ апыӷӣҳлъықнилюку.

К Ефесянам 1:11

Христосыкун Кияӷныӷым накмикыхкақӣлъю лъңанун югулюта. Аюмирухлъяк пиюкылъыӷмитун ухпықыхкақа̄. Лъңан сяңўа̄ тамаҳа̄н пиюкылъыӷмитун пистақа̄.

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 2:18

Ынка̄м Христосыкун Иудеянилъю, язычнигнилъю тагияқлъыгуҳтукут Атамун ата̄сикун Таӷныӷакун.

К Ефесянам 3:6

Хўатытуқ успықылъҳа: язычнигыт ухпықилъыӷмыхтыхун Пинилӷӣның Уңипаның илясима̄т Иудеянун Кияӷныӷым қуястылъҳанун. Налиӷнықа̄ҳсимӣ ата̄сим югусим, ынка̄м илятут Кияӷныӷым акықуся̄нун Христос Иисусыкун.

К Ефесянам 4:6

Ата̄сӣгуқ Кияӷнық, Атака̄т ся̄м тамаҳа̄н. Лъңан иглыӷутңўа̄ сяңўа̄ тамаҳа̄н, тамаҳа̄нитуқ, сямытуқлъю алңунак.

К Ефесянам 5:11

Илятқаҳтаҳпынаси югнун сятңунӷилңуӷмың пилӷӣнун мамлыгми. Итупилъ лӣгикыстыкӣ таўатын пилъҳит сыӷлыӷӯт.

К Ефесянам 5:20

А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.

К Ефесянам 5:4

Кайңусяӷа̄тыхпынаси, тымңитхўамың акузиткыхпынаси, налиӷмың амьюӷа̄ӷуткыхпынаси. Итупилъ игамсиқаюгвиксяҳқақаҳси Кияӷнық.

К Ефесянам 5:8

Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

К Колоссянам 3:15

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.

К Колоссянам 3:17

Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 12:23

Тагика̄гуси қырңуӷутылъҳитнун қамахтыңъўа̄ӷлютың ухпықат иӷнықсюхўа̄ӷыстун аюқылӷӣт. Қилягми а̄тҳит игақңа̄т игатхун. Тагика̄гуси Кияӷныӷмун нанқихтистыңитнун қамахтыңъўа̄ӷлютың югыт, таӷныӷӣтнунлъю ылъқуӷутңалӷӣт югыт ӣӷўиҳтыстыканун.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 3:14

Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.

От Иакова 3:9

Улю усюқусиқақаҳпут Атанымнъун Атамун. Нақам сыӷлыӷмың ныӷьюхтаӷа̄сиқақаҳпут юлгутымнъун, Кияӷныӷым улима̄ӷитнун лъмисюгнилъюки.

1е Петра 5:1

Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.

1е Иоанна 1:3

А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун.

Откровение 21:23

Ныҳлъяк сиқиныҳсюӷнӣтуқ, налиӷмың танқиҳсюӷнӣтуқ ниӷухкамың, қаюҳлъяк ниӷуҳқылъҳа Кияӷныӷым ниӷукыхкаңа, Пынъӣӷаҳақлъю кынылӷутақыхкаңа.

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.

Откровение 22:5

Тама̄ни унугнаниҳлъықа̄, кынылӷутаҳсюӷнӣӷулъықӣ, налиӷмың сиқиныҳсюӷнӣӷулъықӣ, қаюҳлъяк Атанық Кияӷнық ниӷукылъықа̄т. Иглыӷутилъықутлъю умӣлгулютың қӯнпырухлъяк кынлыңуна̄н.