К Колоссянам 1:10 - Новый Завет на эскимосском языке

¹⁰ Та̄хкын кияҳсяҳқа̄ҳлъықуси Атанӷым пиюкылъҳатун, ӣўлың атуқақылъықаҳси сяңўа̄ ыфқуӷналӷӣ лъңани. Таўатын кияҳтылъыҳпысини алъя̄ҳӣнақ пинилӷӣ қыпҳаҳлъықаҳси ынка̄м ўата лӣлъықаҳси Кияӷнық.

К Колоссянам 1:10 Iomraidhean Croise

От Иоанна 15:16

Лъпыси накмикумаңитаҳпысиңа, хўаңа накмикыхкақамси, қыпҳақалитамсилъю. Ынка̄м аӷуляқлъюси пӣтысқуҳтык, пӣтысқулъыҳси нагныӷасқысюўақа. Таўатын пикуфси Атам тӯнылъықӣси сямың алңунак а̄птыкуфси Атымкун.

От Иоанна 15:8

Атака̄ усюқылъыңылъықуқ пӣтысқуҳлъякуфси, лӣгикыслъықусилъю хўаңамнун малихся̄ҳсяҳтыкнъилюси.

От Иоанна 17:3

Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.

К Римлянам 1:13

Ухпықа̄лгутымни, лӣсимакысюгамси аўын ля̄лиҳфиксюгақамси иўырңа ся̄м қӯнпың пинӷитыстақа̄ңа. Ынка̄м ма̄тын каюсӣсюганка Римыӷмӣт ухпыӷысқылъюки Христосыкун, иляңитнун язычнигнун пилъымтун.

К Римлянам 4:12

Авраамылъю атака̄т обрезаниякат. Та̄на ипаңӯқ та̄ўаңинаҳақ ухпықилъылгукуйың Аврааматун, сялин обрезаниялъҳилъюку.

К Римлянам 6:4

Крестиӷылъымтыхун туқука̄гукутлъю, қуңука̄гукутлъю Христосыми. Аҳтуӷьяҳқа̄нӷилъыҳлъягмикун Атам уңуваҳтыкақа̄ Христос туқулъыӷмың. Ынка̄м кияҳсяҳқа̄ҳлъықукут кияҳта̄лъылиӷраӷаӷлюта.

2е Коринфянам 2:14

Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

2е Коринфянам 5:9

Нымысяӷңа̄мта налиӷмың нымынъыӷитыӷңа̄мта, ыфқуҳсюгақаҳпут Атанық.

2е Коринфянам 9:8

Кияӷныӷым тӯньяқлъыгўӣси аклъюкыхкаҳпысиның қа̄йӷулъюку. Ынка̄м ӣўлың сямың алңунак пилгулъықуси, сӣпңа̄нлъю каюсӣтысқылъюки иляси.

К Ефесянам 1:17

Атаҳлъяка̄ Атанымта Иисус Христосым. Лъңанун туңсӣтақамси пыҳқинӷусқылъюси Таӷныӷахкынкун, лӣгикатаӷӣсқылъюси Кияӷныӷмың.

К Ефесянам 2:10

Кияӷныӷым улима̄қӣлъю таўатылъюта. Христос Иисусыкун улима̄қӣлъю қыпҳӣсқылъюки пинилӷӣт қыпҳақат. Сивунӷани та̄кут пинилӷӣт қыпҳақат ята̄ҳқыңъўа̄қақӣ хўаңкунъун қыпҳӣсқылъюки кияҳтылъымнъи.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 4:13

Та̄на қыпҳақақ нагныҳлъықуқ кынляңа ата̄сӣҳтылъымнъун ухпықилъымтыхун, лӣсимакылъымтыхунлъю Иӷныӷа Кияӷныӷым. Та̄хкын аңтанӣтңўа̄ӷлюта Христосытун лъӣҳлъықукут.

К Ефесянам 5:10

Лӣнъақитыхулъю сяңўа̄ ыфқуӷналӷӣ Атаныӷмун.

К Ефесянам 5:15

Ынка̄м кылыңалюси кияҳтык. Пыҳқинӷунӷилңуӷыстун кияҳтыхпынаси; итупилъ пыҳқинӷыстун кияҳтык.

К Ефесянам 5:2

Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

К Филиппийцам 1:11

Ынка̄м уңувалъыси имиҳлъықут ипапыста̄қ пинӣпихлъыҳӣмың Иисус Христосыңинаҳа̄м пӣтыстыка̄ның. Та̄хкын югыт қӯлваҳлъықа̄тлъю, усюқылъықа̄тлъю Кияӷнық.

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Филиппийцам 4:18

Хўа̄ ма̄тын на̄ма̄ңа, а̄а, талўа сӣптӣлюңа аюқуңа. Тую̄сяси Епафродиткун қамахлъютың ка̄сима̄т, ынка̄м хўа̄ аклъюңигатуңа. Тунусяси хўаңамнун аҳқуткыхкастун аюқут Кияӷныӷми ыфқуҳтинапихлъыҳӣт.

К Колоссянам 2:19

Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.

К Колоссянам 2:6

Тугуклъилъыҳпысистун Христос Иисус Атанӷулюку, таўатыҳпигақ ухпықилъыҳқун кияҳтык лъңакун.

К Колоссянам 3:20

Таӷнуҳаӷни, қа̄ткылъюки аңаюқаси сялъыҳқун тамаҳа̄кун, қаюҳлъяк таўатын пилъҳым ыфқуҳтақа̄ Атанық.

К Колоссянам 4:5

Пыҳқинӷўа̄қитык ухпықа̄нӷилңуӷнинъыҳпысини. Атуқақитыху тамаҳа̄н пилъыҳқаҳси уңипа̄сяҳқа̄люки Христосымың.

1е Фессалоникийцам 4:1

Ухпықа̄лгутымнъи, аляӷраң хўатын пинақамси, лӣтивикыхкақамси натын кияҳтылъыҳқамың ыфқуӷнаӷлюси Кияӷныӷмун, ысҳа таўатын кияҳлъыҳӣси. А̄тҳакун Атанӷым Иисусым кайымамси ўатақа̄ӷақ таўатын писқылъюси.

2е Тимофею 2:4

Пилъюўаҳтым илятңалӷӣм пилъюўаҳтынун ыфқуҳсюгақа̄ умӣлыни, ынка̄м акумҳӯсигатуқ пилъюўаҳтыңунӷилңӯт кияҳта̄лъҳитнун.

К Титу 3:1

Нықаңуҳтики ухпықат малиҳқутақысқылъюки кавымым иглыӷутистыңитнун, умӣлўа̄ӷнунлъю. Қа̄ткутңаяҳқа̄гут, апыӷӣӷңаяҳқа̄гут тамаҳа̄нун аныӷныҳқилъыӷнун.

К Титу 3:14

Ухпықа̄лгутымта пыҳқихся̄ткылъитху аныӷныҳқуткаҳқақ ынка̄м каюсиӷьяқлъыгуҳнакаңит аклъюкыхкапилгыт. Тымңи кияҳта̄фқа̄мың пилит.

К Евреям 11:5

Ухпықилъыҳқун Енох маю̄тыстыка̄гуқ қилягмун ынка̄м нанӷӣлъҳита̄ туқулъық. Китум алңунак на̄лъкылъҳита̄ қаюҳлъяк Кияӷныӷым тугукақыхкаңа. Маюлъҳилъюни қилягмун, игақңака̄гуқ Енохым ыфқуҳтыкақа̄ Кияӷнық.

К Евреям 13:16

Пуйгухпына̄н пинитун пилъық, тӯнутақитыклъю қаюҳлъяк тама̄кут аҳқутңӯт ыфқуӷналӷӣт Кияӷныӷмун.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.

2е Петра 1:8

Тама̄кут атуқңукуфсики, нулястыкуфсикилъю каюсӣлъықӣси атуҳқа̄люсилъю, каюткаҳқа̄люсилъю лӣсимакылъыҳпысигун Атанымта Иисус Христосым.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

1е Иоанна 3:22

А̄пнымталъю сямың алңунак алъхыӷутақукут лъңаның қаюҳлъяк қа̄ткақыхкыпут қылӷӯсӣ, атуқақыхкыпутлъю ыфқуӷналӷӣт лъңани.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.

3е Иоанна 1:6

Ма̄ни юӷаӷвигми а̄пҳақа̄т пиниқылъҳын. Каюсӣтаҳтики нагныӷутысқылъюки иглыӷалъҳит. Каюсиӷилъҳын Кияӷныӷым пиюкылъҳатун аюқлъюку