К Галатам 5:3 - Новый Завет на эскимосском языке

³ Алъя кылыңася̄ӷақа тамаҳа̄н ю̄к, обрезаниястыкуми та̄ўа қа̄ткыңъўа̄ӷьяҳқақӣ қамахлъюки Лӣлиҳтӯсят.

К Галатам 5:3 Iomraidhean Croise

От Матфея 23:16

Сыӷлыӷўа̄ӷунақңӯси лъпыси, ая̄кани иглыӷутистыни! Апыҳтуӷӣқуси хўатын: “Кина хўатын пикуми: ‘Акықӣңа Храмкун’ та̄на пикатңунӷитуқ. Иўырңа кина хўатын пикуми: ‘Акықӣңа золотаңакун Храмым’ пияҳқапыста̄қа̄ акықусяни”.

От Матфея 23:18

Апыҳтуӷӣқусилъю хўатын: “Кина хўатын пикуми: ‘Акықӣңа аҳқыфигыгныкун’, та̄на пикатңунӷитуқ. Иўырңа кина хўатын пикуми: ‘Акықӣңа тунусякун аҳқыфигыгнилңуҳқун’, пияҳқапыста̄қа̄ акықусяни”.

От Луки 16:28

қаюҳлъяк талъиматның аңлыгутылгӯңа. Кылыңася̄ӷьяҳтуӷлики лю̄рақ тагинаюката хўавык икфиқфихлъягмун!”

Деяния 15:1

Та̄хкын Иудеямың иляңи югыт тагилютың Антиохиямун ухпықанун апыҳтуӷикат: «Югулилъыңна̄нӷитуси ўыткуқун обрезаниякуфси Моисейем Лӣлиҳтӯся̄н қылылъҳатун».

Деяния 2:40

Петырым таўатыңинақ пихпынаки ўата сямың алъя̄ҳӣнаӷмың пикӣ. Кылыңася̄қӣлъю: «Кияӷныӷым аӷью̄ӷьяҳқақӣ сыӷлытун пистыт, ынка̄м лъңистун сыӷлытун пихпынаси лю̄рақ лъпысилъю аӷью̄ӷья̄ӷӣси».

Деяния 20:21

Қывӯлъюки қылӷақсяӷанка Иудеитлъю, Грегытлъю авутыҳқылъюки сыӷлыҳқынъаниқата қӣвысқылъюки Кияӷныӷмун, ухпықисқылъюкилъю Атанымнъың Иисус Христосымың.

К Римлянам 2:25

Қа̄ткыңъукуфки Кияӷныӷым Лӣлиҳтӯсӣ обрезаниялъҳын пиниҳтуқ. Иўырңа қа̄ткынӷилъкуфки Лӣлиҳтӯсят обрезаниялъҳилңуӷыстун аюқутын. Ынка̄м қуястылъыңна̄нӷитутын Кияӷныӷым акықуся̄ның.

К Галатам 3:10

Иўырңа Кияӷныӷым аӷью̄ӷьяҳқақӣ тама̄кут сиӷималӷӣт қа̄ткутылъыӷмыхтыхун Лӣлиҳтӯсянун налъҳусяҳлъықнилютың ылъқуӷутңалъҳанун. Қаюҳлъяк игақңа̄қ Акузитни Игақыхкани хўатын: «Китум алңунак қа̄ткынӷилъкаки тамаҳӣта игақңалӷӣт игӣтхун Лӣлиҳтӯсят нанқихтылъыңылъықуқ аӷью̄ӷьяҳқа̄люни».

К Галатам 5:2

Нагатык! Хўаңа, Павел, уңипа̄тамси: обрезаниястыкуфси Лӣлиҳтӯсям писқылъҳатун, та̄ўа Христосым апыӷӣқа̄ каюткынъа̄нӷитаҳси.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Ефесянам 4:17

Ынка̄ңам Атанӷым а̄тҳакун хўатын пӣмсилъю, кылыңася̄ӷамсилъю: кияҳтыхпынасиңам язычнигыт кияҳта̄лъҳистун. Сюмыҳтаӷалъҳит сясӣнӷилңӯгут,

1е Фессалоникийцам 4:6

Китум алңунак сякусӣқыфқа̄н пилигу ухпықа̄лгутми иңлюңа атуқилъыӷмун. Атанӷым аӷью̄ҳлъяхлъықӣ таўатын пикаюгыт. Сивунӷани кылыңася̄ҳлъякақамси тама̄кын.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.