К Филиппийцам 4:9 - Новый Завет на эскимосском языке

⁹ Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.

К Филиппийцам 4:9 Iomraidhean Croise

От Матфея 1:23

«Аӷнаӷақ югым атуқылъҳилъкаңа қумиңлюни, иӷныңылъықуқ. А̄тқысяҳқақа̄ Еммануил» хўатын писиқ: «Кияӷнық хўаңкунъилңуқ».

От Матфея 28:20

Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

От Матфея 7:21

Иисусым апыҳтӯсяни нагныӷуткӣ: «Иляңи югым хўаңамнун малихся̄ҳтыкнӣқут ынка̄м пӣқа̄тңа: “Атанқамкын” иўырңа итыӷна̄нӷитут Атаныҳпагулъҳанун Қилягым. Тама̄куңина̄т атуқилӷӣт пиюкылъҳаның Атама қилягмылңӯм итыӷьяҳқа̄гут Атаныҳпагулъҳанун Қилягым.

От Луки 6:46

«Сяңан туқлъюӷыстыңъа: “Атанық, Атанық?” нақам писқылъҳынка атуқыхпынаки?

От Луки 8:21

Иўырңа пикӣ: «На̄калъю, аңлыгутынкалъю тама̄куңӯт нагалъҳӣт акузитаңаның Кияӷныӷым, қа̄ткыхкаңитлъю».

От Иоанна 13:17

Лӣсимакыхкуфсики тама̄кут қуялъықуси таўатын пикуфси».

От Иоанна 15:14

Илякумта̄қаҳпысиңа, қылӷутканка қа̄ткыхкуфсики.

От Иоанна 2:5

Та̄хкын Иисусым на̄ңан пикӣ қыпҳаҳтыт: «Сясқыхкаңиси лыган пилӷа̄си».

Деяния 9:6

Макылъютын агля̄ Дамаскымун, таўани китум уңипа̄лъықа̄тын натын пилъыҳқаҳпының».

К Римлянам 15:33

Кияӷнық ныкыхмылъылитилӷӣ тамаҳаҳпысинилъи. Аминь.

К Римлянам 16:20

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

1е Коринфянам 10:31

Ынка̄м қамахлъюку сялъыҳси қӯлва̄сиқақитыху Кияӷныӷмун, талўа ныӷылъысилъю, мыӷылъысилъю.

1е Коринфянам 14:33

Кияӷныӷым алңунак писюгигатӣлъю. Қырңуӷутылъыпут ныкыхмытысюгақӣ. Кияӷныӷым юги қырңуӷунъыӷата,

1е Коринфянам 4:16

Ынка̄ңам кияҳтысюпихтамси хўаңамтун.

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

К Филиппийцам 3:17

Ухпықа̄лгутымни, успутақлъюңа малихтыңъа. Ысҳапаглюки иляңилъю кияҳлъыҳӣт хўаңамтун.

К Филиппийцам 4:7

Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.

1е Фессалоникийцам 1:6

Ынка̄м хўаңкутыстунлъю, Атаныҳтунлъю лъӣҳтык. Қайўа икфиқыҳлъягңа̄ҳпыси, тугуклъиӷаси Пинилӷӣт Уңипат қуямалъылиӷлюси Аглыӷналӷӣгның Таӷныӷагның.

1е Фессалоникийцам 2:14

Ухпықа̄лгутымнъи, лъпыси таўатытуси ухпықистыңистун Христос Иисусым қырңуӷуткаюгның юӷаӷвигитни Кияӷныӷым Иудеями. Нуналгутыхпыси икфиқыстыкақӣси катам Иудеит икфиқыстылъҳистун ухпықат Иудеями.

1е Фессалоникийцам 5:23

Кияӷныӷым ныкыхмылъылитистым ӣӷўиҳтыңъўа̄ӷлюси пылюңиҳлъиси. Авутңитыслъики таӷныӷаси, уңувасиси, югусиси Атаныҳпут Иисус Христос тагикан.

2е Фессалоникийцам 3:4

Атанӷым налъюнықнӣӷума̄ хўаңкунъун қа̄ткутңӯси қылылъымнъун, қа̄ткумаңинаҳлъықаҳсилъю.

2е Тимофею 4:22

Атанық таӷныӷаҳпынилъи, қуяслъисилъю.

От Иакова 1:22

Нагатаӷыснаҳпынаки Кияӷныӷым акузитаңи итупилъ атуқитыки. Пӯҳтақуси лъпысиның катам нагатаӷыснаныҳпысики атуқыхпынаки.

2е Петра 1:10

Ынка̄ңам ухпықа̄лгутымни, налъюнықнӣӷўа̄ҳтыху Кияӷныӷым туқлъюқақӣсилъю, накмикыхкақӣсилъю. Таўатын пикуфси та̄ўа иқитықаҳна̄нӷитуси Христосымың.

1е Иоанна 3:22

А̄пнымталъю сямың алңунак алъхыӷутақукут лъңаның қаюҳлъяк қа̄ткақыхкыпут қылӷӯсӣ, атуқақыхкыпутлъю ыфқуӷналӷӣт лъңани.