К Филиппийцам 4:7 - Новый Завет на эскимосском языке

⁷ Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.

К Филиппийцам 4:7 Iomraidhean Croise

От Луки 1:79

қилягмың кукыхналюки тама̄кут кияҳлъыҳӣт таӷныӷаңутылъҳанилңӯт туқулъҳым, маӷьяҳқуӷналюта тӯмңанун ныкыхмылъҳым».

От Луки 2:14

«Усюқнаҳалык Кияӷныӷмун, қилягым ӯсқалъыҳпига̄нилңуӷмун, ныкыхмылъылгулитлъю нунамылңӯт ыфқуқыхкӣ!»

От Иоанна 14:27

Унивикамси ныкыхмылъыӷмың. Ныкыхмылъқа тӯнақа лъпысинун. Нунам тӯнылъҳатун тӯныӷитамси. Ынка̄м илюси сыӷлылӣҳтыстыхпынаки талўа алиңыхпынаси.

От Иоанна 16:33

Уңипа̄тамси тама̄кын ныкыхмылъылгусқылъюси хўаңамкун. Нунами хўани сыӷлылӣҳлъықуси иўырңа илютулюси қаюҳлъяк кая̄лъқыхкақақа нуна».

К Римлянам 1:7

Қамахлъюси лъпыси Римымылңуӷни Кияӷныӷым пиниқыхкӣтни, туқлъюқӣтнилъю юкналюси: Кияӷныӷым Атамта, Атанӷымлъю Иисус Христосым каюсӣлъиси, ныкыхмылъылисилъилъю.

К Римлянам 14:17

Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт.

К Римлянам 15:13

Кияӷныӷӯқ сиӷимастилӷӣ. Имиӷлиси қуялъыҳлъягмыңлъю, ныкыхмылъыӷмыңлъю ухпықылъыҳпысигун лъңанын. Та̄хкын сиӷималъыңатаӷаҳлъықуси аҳтуӷьяҳқа̄нӷилъҳакун Аглыӷналӷӣм Таӷныӷам.

К Римлянам 5:1

Тама̄кын апалъюқлъюку налъҳусяқа̄тымнъың Кияӷныӷым ылъқуӷутңалъҳанун ухпықилъымтыхун, ныкыхмылъылгӯкут Кияӷныӷми Атанымтыхун Иисус Христосыкун.

К Римлянам 8:6

Умьюгапут малиҳқутақыхката югусимта пиюкылъҳанун, туқулъықукут. Иўырңа умьюгапут малиҳқутақыхката Таӷныӷагнун, Кияӷныӷым уңувалъылилъықӣлъю, ныкыхмылъылилъықӣлъю.

2е Коринфянам 10:5

Та̄кутхун гӯтутытхун на̄фқақапут аңуягым иқлъыңӣ, сюмыӷныӷитлъю а̄ңа̄югныӷыт. Апыҳтуӷилъҳита амигиӷақӣт югыт лӣтылъыҳқӣтның Кияӷныӷмың. Катам пилъюўаҳтыт тугутылъҳистун анусимиңлъяӷьяҳқамың, хўаңкуталъю тугўа̄қапут қамахлъюки сюмыӷныӷыт қа̄ткутысқылъюки Христосымун.

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Ефесянам 3:19

Лъпысинун лӣсимакысқысюгақа Христосым пиниқылъҳа, қайўа пияқнаӷңа̄н лӣгикңўа̄лъыҳқа̄. Та̄хкын пиниқылъҳакун, Кияӷныӷым наңаӷныӷатун ўата лъӣҳлъықуси.

К Филиппийцам 1:1

Укут посланият Павелымыңлъю, Тимофейемыңлъю пиңӯт, қыпҳаҳтыкӣнкуң Христос Иисусым. Письмоӷақамси қамахлъюси Кияӷныӷым югитни, юӷаӷвигым иглыӷутистыңитни, диаконынилъю Филиппымылңуӷни, ухпықилӷӣт Христос Иисусыкун.

К Филиппийцам 1:2

Кияӷныӷым Атамта, Атанымталъю Иисус Христосым наңлъыклъисилъю, ныкыхмылъылгуслъисилъю.

К Филиппийцам 4:19

Ынка̄ңам Кияӷныӷма ята̄ҳқунъа̄ӷӣси сямың тамаҳа̄ның аклъюкыхкаҳпысиның аклъюңитылъыҳлъягмикун Христос Иисусыкун.

К Филиппийцам 4:21

Уңипа̄таҳнакыси қамахлъюки ухпықат Христос Иисусыкун сю̄мқақанкаңуқ. Ухпықа̄лгутыт хўаңамнилңӯт сю̄мқақӣсиңуқ.

К Филиппийцам 4:9

Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.

К Колоссянам 3:15

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.

2е Фессалоникийцам 3:16

Атанӷым лъңаның катам ныкыхмылъылитикаюгым, ныкыхмылъылисилъи ӣўлың сями тамаҳа̄ни. Атанық тамаҳа̄ҳпысинилъи.

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

От Иуды 1:1

Укут посланият Иудамың пиңӯт, Иисус Христосым қыпҳаҳтыңаның, Иаковым уюӷа̄ның. Письмоӷақуңа Кияӷныӷым накмикыхкӣтнун. Кияӷныӷым Атамта пиниқӣси, Иисус Христосымлъю афлъыңакақӣси.

Откровение 1:4

Укут посланият Иоаннымың пиңӯт ухпықанун қырңгутқаюгнун ма̄ӷраӷвинлыгни юӷаӷвигни Асиями. Наңлъыхталъықлъю, ныкыхмылъықлъю лъпысинилъик Кияӷныӷмың, ма̄ӷраӷвинлык таӷныӷа̄ның, Иисус Христосымыңлъю. Кияӷныӷӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ. (Та̄кут ма̄ӷраӷвинлык таӷныӷат сивуңанитут Кияӷныӷым умӣлгусӣн ақумута̄н.) Иисус Христос ата̄сӣӷмылңӯгуқ лӣсимакиста ипапилъыӷмун. Лъңаңӯқ Кияӷныӷым уңуваҳсюхўа̄қа̄ туқулъыӷмың. Лъңаңӯқ иглыӷутистыңат умӣлгита нунам. Лъңаңӯқ пиниқилӷӣ хўаңкунъың, а̄ўмикунлъю, итымуткақӣлъю сыӷлыҳқылъымнъың. Атаныҳпагулъыӷминитыстӣлъю, священнигаңуҳтыстӣлъюлъю Кияӷныӷминун Атамун. Иисус Христосым алъхыҳлъикык ниӷуҳқылъықлъю, аҳтуӷьяҳқа̄нӷилъықлъю иглыӷутимун қӯнпырухлъяк кынлыңуна̄н! Аминь.

Откровение 2:17

Сигутылгукуфси, нагатыкык Таӷныӷак сямың пӣқуткык ухпықанун қырңуӷуткаюгның юӷаӷвигни! Маннамың ӣӷңалӷӣмың, манналилъықақа та̄на кая̄лъқӣлӷӣ Туӷныӷаӷмың. Лъңанунлъю тӯнылъықақа қатылӷӣ уйӷак, атыӷраӷаӷмың игақфикыхкақ. Китум алңунак налъюкыхка̄ атық иўырңақун алъхыҳтикаҳӣна̄м уйӷагмың лӣсимака̄».