К Филиппийцам 4:6 - Новый Завет на эскимосском языке

⁶ Сюмыӷьялиткыхпына̄н сяңўа̄ алңунак. Йыӷлыги, сямың аклъюкуфси юӷаныҳпысини туңсиӷақитык Кияӷныӷмун тӯнысқылъюси. Ӣўлың туңсиӷақитык игамсиқаюлъылиӷлюси.

К Филиппийцам 4:6 Iomraidhean Croise

От Матфея 10:19

Нанқихтыстымун агля̄скаңиси, тыгиҳлъҳпынаси натын акузилъыҳқаҳпысиның, налиӷмың сямың пилъыҳқаҳпысиның. Акузияҳқа̄ҳтыкуфси акузиткаҳқалгулъықуси.

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Матфея 6:34

Нулъқавӣгуткыхпына̄н уна̄милъыҳқақ, қаюҳлъяк уна̄мим сыӷлылӣӷи итагнаӷьяҳқа̄гут таўавык аӷныӷмун. Сыӷлылӣқ пикаюгӯқ аҳутаңа тамаҳа̄н, иля̄ӷатаӷаҳпына̄н уна̄мим сыӷлылӣлъыҳқа̄ның».

От Матфея 6:8

Лъңистун аюқыхпынаси қаюҳлъяк Атахпыси лӣсимака̄ аклъюкыхкаҳси, талўа а̄птыстыхпынаси.

От Луки 10:41

Атанӷым пика̄: «Марфа, Марфа, углялӷӣмың сюмыӷьялӣқутынлъю, сыӷлылӣӷақутынлъю

От Луки 12:22

Та̄хкын Иисусым малихся̄ҳтыни пикӣ: «Тама̄кын апалъюқлъюку уңипа̄тамси, нулъқавӣӷуткыхпына̄н уңувалъыҳси, сямың ныӷылъыҳқаҳси, налиӷмың сямың а̄тылъыҳқаҳси.

От Луки 12:29

Сюмыҳтаӷа̄маңинаҳпынаси сямың ныӷылъыҳқаҳпысиныңлъю мыӷылъыҳқаҳпысиныңлъю. Нулъқавӣӷуткыхпынаки тама̄кут,

От Луки 18:1

Та̄хкын Иисусым уңипаӷа̄ткӣ малихся̄ҳтыни апыҳтуӷналюки қӯнпың юӷӣсқылъюки ӣлъқаюфқӣта.

От Луки 18:7

Кияӷныӷым налъҳуся̄сяҳқақӣ накмикыхкани юӷалӷӣт аӷныҳтӯма̄н, унухтӯма̄н. Кияӷнық сюкаңисигатуқ кӣмсиӷилъыӷминун.

1е Коринфянам 7:21

Қыпҳаҳтыля̄ӷуяҳсӣн Кияӷныӷым туқлъюӷақңатын? Сюмыҳтаӷа̄ткыхпына̄н. Иўырңа қыпҳаҳтыля̄ӷунаниӷнақңукувык, ся̄қсин лыган таўатын пилӷа̄тын.

1е Коринфянам 7:32

Кияҳта̄лъыӷмыңтуқ хўакын сюмыҳтаӷа̄ткыхкӣлңӯси. Нулиҳтӯмаңилңуқ қыпҳалъыҳқаҳта̄ӷаҳтуқ Атанӷым қыпҳақа̄ның қаюҳлъяк ыфқуҳсюгақыхкаңа.

2е Коринфянам 1:11

лъпыси каюсӣсималюта юӷалъыҳпысигун. Юӷа̄ткилъыҳлъяхси хўаңкунъың кӣмсилъыңылъықут, ынка̄м Кияӷныӷым қуяслъықӣлъю; угляпихлъыҳӣтлъю игляхтуҳлъютың игамсиқаюгвикылъықа̄т хўаңкунъың.

К Ефесянам 5:20

А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.

К Ефесянам 6:18

Ӣўлың юӷаҳтык Таӷныӷам маӷьяҳқӯтылъҳакун. Атуқлъюки алъя̄ҳӣна̄т юӷалъҳыт, а̄пнӣҳтыклъю Кияӷныӷмун. Тама̄кын апалъюқлъюку кылыңалюси, ӣлъқаюхпынаси. Ӣўлың юӷа̄ткылъюки қамахлъюки Кияӷныӷым юги.

К Колоссянам 3:15

Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю.

К Колоссянам 3:17

Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.

К Колоссянам 4:2

Юӷа̄маңинаҳтык, ӣлъқаюхпынасилъю юӷаӷақитык игамсиқаюгвикума̄н Кияӷнық.

1е Тимофею 2:1

Сивуклъюку кайымамкын юӷа̄ткысқылъюки қамахлъюки югыт, туңсӣтысқылъюки Кияӷныӷмун аклъюкыхкӣтның, игамсиқаягунъакытынлъю Кияӷныӷмун.

1е Тимофею 5:5

Угиңиӷақ илякўа̄ӷӣткақ сиӷимаңӯқ Кияӷныҳқун. Ынка̄м унухтӯма̄н, аӷныҳтӯма̄н юӷа̄маңина̄гуқ каюсӣтысқылъюни.

1е Петра 4:7

Сяңўа̄ қамахлъюни кынлытҳӯсяҳтуҳтуқ. Тама̄кын апалъюқлъюку хўатыҳлъюўа̄ӷулюки умьюгаси, нуқынъыҳтулюси юӷаӷьяҳқа̄люси юӷалъыҳқаҳпысистун.

1е Петра 5:7

Қамахлъюки сюмыӷьялиткыхкаси пыхтыки лъңанун, қаюҳлъяк афлъыңакңўӣси.