К Филиппийцам 4:19 - Новый Завет на эскимосском языке

¹⁹ Ынка̄ңам Кияӷныӷма ята̄ҳқунъа̄ӷӣси сямың тамаҳа̄ның аклъюкыхкаҳпысиның аклъюңитылъыҳлъягмикун Христос Иисусыкун.

К Филиппийцам 4:19 Iomraidhean Croise

От Матфея 6:32

Язычнигыт тама̄на нулъқавӣгуткақа̄т. Атахпыси қилягмылңӯм лӣсимакӣ қамахлъюки аклъюкыхкаси.

От Иоанна 20:17

Иисусым пика̄: «Ся̄фтыхпынаңа, сялин майӣгатуңа Атамун. Иўырңа агляӷлютын аңлыгутымнун уңипа̄нъакытын: “Маюӷнақуңа Атамнун, лъпысилъю Атахпысинун, Кияӷнымнун, лъпысилъю Кияӷныҳпысинун”».

От Иоанна 20:27

Та̄хкын Фома пика̄: «Ысҳаӷлюки ӣхынка ся̄фтики, ся̄фтигулъю сяника. Айгуӷитиқыфқа̄выгңам, ухпыӷи».

К Римлянам 1:8

Сивуклъюку тамаҳаҳпысинун игамсиқаюгвикақа Кияӷнықа Иисус Христосыкун, қаюҳлъяк уңипа̄ ухпықилъыҳпыси миңитңӯқ юлӷутнун тамаҳа̄ни.

К Римлянам 11:33

Ка̄й, сыӷлыҳлъягӯт Кияӷныӷым аклъюңиңи, пыҳқинылъҳа, лӣсималъҳалъю! Китумңам лӣгикңўа̄ҳлъықаки нанқихтилъҳи? Китумңам лӣгикңўа̄ҳлъықаки иглыӷныӷи?

К Римлянам 2:4

Лӣгикынӷисигӯ наңлъыхтаҳтуляңа Кияӷныӷым? Аӷью̄ӷаҳсигалъкаңатын таўаниңинақ қаюҳлъяк нуқытутақыхкаңатын. Сюмыҳпынӣи та̄кут сятңунӷита̄т? Лӣсимакынӷисигӯ Кияӷныӷым наңлъыкақыхкаңатын қаюҳлъяк авутыҳқысқысюкаңатын?

К Римлянам 8:18

Сюмымни икфиқылъыпут уңувалъымнъи иңлютыпагниңитут ниӷуҳқылъыӷмун Кияӷныӷым алӣҳсяҳқа̄нун хўаңкунъун.

К Римлянам 9:23

Таўатын пика̄гуқ лӣсимакысқылъюку ниӷуҳқылъыҳлъяни наңлъыкыхкаминун. Ята̄ҳқыкыстақақӣ лъңитнун алъхыҳтысқылъюку ниӷуҳқылъыни.

2е Коринфянам 12:21

Сюмыӷьялӣқуңа алъя такукумси Кияӷныӷма кайңуся̄кнаюкаңаңа сивухпысини апалъюқлъюки сыӷлыҳқылъыси. Ынка̄м қивӷуҳлъяхлъықуңа қаюҳлъяк углялӷӣни лъпыси сыӷлыҳқумаңина̄гуси авутыҳқыхпынаси. Паниның сюмыҳтаӷаӷақуси нечистотамың пылюңинъыӷилңуӷмың, блуда атуқақаҳси, алңунасыӷат анагңалӷӣт нуқытусигатаси.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 2:7

Кияӷнық таўатын пика̄гуқ киңулӣӷаӷнун лӣтысқылъюку пиниқылъыӷрукута̄ҳлъяни хўаңкунъун Христос Иисусыкун.

К Ефесянам 3:16

Юӷаҳтуңа Кияӷныӷмун аклъюңиҳлъяганың аҳтуӷьяҳқа̄нӷилъылитысқылъюси икнақуҳсӣсқылюки илюси қа̄мкут Таӷныӷахкынкун.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

К Филиппийцам 4:7

Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

К Колоссянам 3:16

Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

К Филимону 1:4

Филимоными, қӯнпың игамсиқаюгвикақақа Кияӷнықа юӷа̄ткынъымкын,

1е Петра 5:1

Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.