К Филиппийцам 4:17 - Новый Завет на эскимосском языке

¹⁷ Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.

К Филиппийцам 4:17 Iomraidhean Croise

От Иоанна 15:16

Лъпыси накмикумаңитаҳпысиңа, хўаңа накмикыхкақамси, қыпҳақалитамсилъю. Ынка̄м аӷуляқлъюси пӣтысқуҳтык, пӣтысқулъыҳси нагныӷасқысюўақа. Таўатын пикуфси Атам тӯнылъықӣси сямың алңунак а̄птыкуфси Атымкун.

От Иоанна 15:8

Атака̄ усюқылъыңылъықуқ пӣтысқуҳлъякуфси, лӣгикыслъықусилъю хўаңамнун малихся̄ҳсяҳтыкнъилюси.

К Римлянам 15:28

Хўа̄ кылъқынъақақа язычнигыт маниңат Иудеянун. Апыӷӣқумкун уна қыпҳақақ тӯнлюку мани лъңитнун, ля̄лиҳфиксяҳтуҳлъықамси, та̄хкын Испаниялъықуңа.

2е Коринфянам 11:16

Алъя пӣмси, китум алңунак сюмыҳтаӷа̄ткынӷилъиңа тымңитхўаңулюңа. Иўырңа таўатын сюмыҳтаӷа̄ткыңъукуфсиңа, тугуклъиқаҳтыңъа тымңитхўаңулюңа. Та̄хкын хўаңалъю қука̄юхтывлыӷаҳлъықуңа.

2е Коринфянам 9:5

Ынка̄м сюмыҳтаӷаҳтуңа сивумни каяхтыкыстаӷналюки иляңи ухпықа̄лгутыпут. Таўатын каюсӣлъықӣси ята̄ҳқысқылъюку акықусяқыхкаҳси тунусяқ. Та̄хкын ка̄скума тунусяҳси апыӷӣӷңалъықуқ, ынка̄м югыт лӣсимакылъықа̄т тӯниюлъыҳси, нака̄н қаюҳлъяк тӯнияҳқа̄тыхпысиның.

К Филиппийцам 1:11

Ынка̄м уңувалъыси имиҳлъықут ипапыста̄қ пинӣпихлъыҳӣмың Иисус Христосыңинаҳа̄м пӣтыстыка̄ның. Та̄хкын югыт қӯлваҳлъықа̄тлъю, усюқылъықа̄тлъю Кияӷнық.

К Филиппийцам 4:11

Аклъюңунилюңа пиңунӷитуңа қаюҳлъяк натысяӷңа̄ӷма итагнаӷақуңа.

1е Фессалоникийцам 2:5

Лӣсимакаҳси усюқӯҳсяҳтӯнӷитамси налиӷмың сякыңвиксяҳтӯнӷитамси. Кияӷнық лӣсимакистыкаҳпут.

1е Тимофею 3:3

Сю̄мыстыңуяҳқа̄нӷитуқ, сю̄хлъюгуяҳқа̄нӷитуқ иўырңа наңлъыҳтаӷьяҳқа̄гуқ, қаныңнақигасяҳқа̄гуқ, маниюныҳтуяҳқа̄нӷитуқ.

1е Тимофею 6:10

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

К Титу 1:7

Иглыӷутистыңутминың Кияӷныӷым қыпҳақа̄нун, Епископа авутңисяҳқа̄гуқ. Юкыҳқынӷуяҳқа̄нӷитуқ, налиӷмың ка̄тқаҳта̄маңуяҳқа̄нӷитуқ, налиӷмың сю̄мыстыңуяҳқа̄нӷитуқ, налиӷмың сю̄хлъюгуяҳқа̄нӷитуқ, налиӷмың пакигныӷуяҳқа̄нӷитуқ аклъюңиӷиналюни.

К Титу 3:14

Ухпықа̄лгутымта пыҳқихся̄ткылъитху аныӷныҳқуткаҳқақ ынка̄м каюсиӷьяқлъыгуҳнакаңит аклъюкыхкапилгыт. Тымңи кияҳта̄фқа̄мың пилит.

К Евреям 6:10

Кияӷнық ылъқуӷутңа̄н нанқихтӣқуқ, ынка̄м пуйгуна̄нӷита̄ қыпҳалъыҳсилъю, пиниқилъыҳсилъю лъңанун каюсӣтылъыҳпысигун юги. Нықамикылъықа̄лъю паниның каюсӣтңукыси.

1е Петра 5:2

Ынка̄м қылыӷьюгамси Пынъиниҳатыни хўатын: Пынъӣӷнӣҳтыңутык Кияӷныӷым пынъӣӷитнун; ныӷьюкуткақӣ лъпысинун афлъыңакысқылъюки. Афлъыңакитыки қаюҳлъяк афлъыңаксюкыси, нака̄н қаюҳлъяк пияҳқа̄тыхпысиның. Кияӷныӷым таўатын писқысюгӣси. Афлъыңакитыки нака̄н акилыҳтӯсяңыпигыснаӷналюси, иўырңа қаюҳлъяк каюсиӷьюкыси.

2е Петра 2:15

Тама̄кут апыҳтуӷистысиӷўа̄ӷыт ухпықнаниқақӣт апыҳтӯсяпигыт. Ынка̄м аӷуляқыхка̄гут Валаамым пилъҳатун пиналютың. (Иӷнықсяқаңа Веорым.) Қуя̄қуқ югыт акилыҳтунӷатни сыӷлытун писқылъюку.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

От Иуды 1:11

Сыӷлыӷўа̄ӷунақңӯт лъңит! Каинытун пиңӯт, туқуткақа̄ аңлыгутни. Алъхыӷутықаҳналютың манимың сыӷлытун пика̄гут Валаамым пилъҳатун. Корейтун пиңӯт, қа̄ткысюнӷиткақыхкаңи иглыӷутистыт Кияӷныӷым накмикыхкӣ. Ынка̄м Кияӷныӷым на̄фқыхкақа̄ лъңа, апыҳтуӷистысиӷўа̄ӷытлъю на̄фқысяҳқақӣ.