К Филиппийцам 3:8 - Новый Завет на эскимосском языке

⁸ Ипа сяңўа̄т қамахлъюки ифлъяма̄нка апалъюқлъюку мыгнунаҳтулңа лӣтңўа̄лъымның Христос Иисусым, Атанқа. Лъңа апалъюқлъюку сяңўа̄т қамахлъюки ыхсима̄нка. Ысҳаӷанка малъястун аюқлъюки алъхыҳтыпигналюку Христос,

К Филиппийцам 3:8 Iomraidhean Croise

От Луки 1:43

Қӯлвалъыңыпыста̄ҳтуңа қаюҳлъяк Атаныӷма на̄ңан ля̄лиҳфикыхкаңаңа!

От Луки 11:20

Иўырңа Кияӷныӷым аҳтуӷьяҳқа̄нӷилъҳакун а̄нысқӯңукума туӷныӷаӷның, та̄ўа та̄м ипапиҳқа̄ Атаныҳпагулъҳа Кияӷныӷым ка̄сима̄қ лъпысинун.

От Иоанна 14:20

Ынка̄м таўани аӷныӷми уңуваҳтылъымни лӣлъықаҳси Атама илюңанитулъка, лъпысилъю илюмнитылъыҳси, хўаңалъю илюхпысинитулъка.

От Иоанна 14:7

Лӣсимакңўа̄ӷьяқуфсиңа, лӣсимакнаяӷаҳси Атакалъю. Иўырңа хўакын кынляңа лӣтаҳсилъю, ысҳаӷаҳсилъю».

От Иоанна 16:3

Таўатын пияҳқақӣси қаюҳлъяк лӣсимаңилъкаңинкуң Атакулъҳӣгни.

От Иоанна 17:3

Югыт кынлыңилңуӷмың уңувалъыңақут лӣтылъыӷмыхтыхун лъпык, та̄наңинаҳақ Кияӷныҳпигақ, лӣтылъыӷмыхтыхунлъю Иисус Христос лъпык каяхтыкан.

От Иоанна 17:8

қаюҳлъяк апыҳтӯсяқыхкаҳтын хўаңамнун апыҳтӯсяқыхкақанка лъңитнун. Тугуклъӣмӣт ынка̄м лӣта̄т ипапыста̄қ тагика̄тка лъпынун. Ухпықа̄тлъю лъпынун каяхтыка̄тка.

От Иоанна 20:13

А̄птыка̄т: «Аӷнақ, сяңавык қия̄қсин?» Кӣмсиқакык: «Нӯхсима̄т Атанқа. Налъюкақа̄ навык лъиматаңат».

От Иоанна 20:28

Фомам пика̄: «Атанымни, Кияӷнымни!»

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

К Римлянам 8:18

Сюмымни икфиқылъыпут уңувалъымнъи иңлютыпагниңитут ниӷуҳқылъыӷмун Кияӷныӷым алӣҳсяҳқа̄нун хўаңкунъун.

К Римлянам 8:39

Талўа сяңўа̄т қулымнъи налиӷмың асимнъи. Улима̄ӷми иқитыстияҳқақшахӣтуқ хўаңкунъың Кияӷныӷым пиниқылъҳаның Христос Иисусыкун Атанымтыхун.

1е Коринфянам 2:2

Пакикақанка тама̄кут қаюҳлъяк уңипақиюлӷӣңа Иисус Христосыңинаҳаӷмың туқулъҳаныңлъю қақӯракун.

1е Коринфянам 9:10

Сяңами Кияӷнық таўатын пӣ? Волыңинаҳа̄қ сю̄мқагӯ? Нака̄, хўаңкуталъю сю̄мқақӣнкут. Ипапыста̄қ хўаңкунъунлъю игақыхка̄гуқ, қаюҳлъяк пӣтысиӷаӷвигмың ята̄ҳқистынунлъю, сяӷнастынунлъю ныӷьюкыхкаюга̄пут ныңиҳқапут.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

К Галатам 1:16

Ынка̄м хўаңамнун алӣҳтыкақа̄ кинаңутаңа Иӷныни уңипақысқылъюку язычнигнун. Кинкунун алңунак акузиткысяҳтулъҳитақа та̄на,

К Ефесянам 4:13

Та̄на қыпҳақақ нагныҳлъықуқ кынляңа ата̄сӣҳтылъымнъун ухпықилъымтыхун, лӣсимакылъымтыхунлъю Иӷныӷа Кияӷныӷым. Та̄хкын аңтанӣтңўа̄ӷлюта Христосытун лъӣҳлъықукут.

К Филиппийцам 1:1

Укут посланият Павелымыңлъю, Тимофейемыңлъю пиңӯт, қыпҳаҳтыкӣнкуң Христос Иисусым. Письмоӷақамси қамахлъюси Кияӷныӷым югитни, юӷаӷвигым иглыӷутистыңитни, диаконынилъю Филиппымылңуӷни, ухпықилӷӣт Христос Иисусыкун.

К Филиппийцам 3:10

Пиюкылъыҳлъякақа, лӣнъалюку Христос, нанӷӣӷналюкулъю аҳтуӷьяҳқа̄нӷилъҳа уңуваҳтылъҳан; илянъалюңалъю икфиқылъҳанун, лъңатунлъю лъӣӷьяҳқа̄люңа туқулъҳани.

К Филиппийцам 3:12

Хўатын пиңунӷитуңа: «Христосытун лъӣӷума̄ңа налиӷмың Христосытун кияҳтақуңа қӯнпың». Иўырңа пинақылъҳақа қамахлъюку атуқңўа̄қа Христосым пиюкылъҳатун лъӣӷналюңа атуқналюкулъю писқысюлъҳа хўаңамнун.

К Филиппийцам 3:7

Иўырңа тама̄кут алъхыҳтыкақникақсяқынка ифлъяма̄нка апалъюқлъюку Христос.

2е Тимофею 4:6

Хўаңа аҳқуткысяҳқа̄ҳсима̄ңа Кияӷныӷмун, туқулъыҳқақа ка̄сяҳтӯма̄қ.

К Евреям 3:14

Иўырңа ата̄сӣӷмылъкумта уңувалъымта кынлыңанун, ныӷьюклъюку Кияӷнық ухпыӷьюхўа̄лъымтыстун, та̄ўа Христосым пилгуткылъықӣлъю лъми пиминың.

1е Петра 2:7

Та̄на уйӷак мыгнунапихтуқ лъпысинун ухпықилӷӣнун. Иўырңа ухпықиңигалңуӷнун хўатылңӯгуқ: «Та̄на уйӷак мыңтыӷаңлъяҳтыт иҳсякыхка̄т, каңиӷам уйӷака̄ҳсимакаңа».

2е Петра 1:2

Пиниқылъҳалъю, ныкыхмылъҳалъю ўата нулялик лъпысини лӣсимакылъыҳпысигун Кияӷныӷымлъю, Иисусымлъю Атаныҳтамта.

2е Петра 1:3

Иисус аҳтуӷьяҳқа̄нӷилъылгӯқ Кияӷныӷмың. Та̄хун аҳтуӷьяҳқа̄нӷилъыҳқун тӯныхкақӣлъю сямың тамаҳа̄ның аклъюкыхкамнъың кияҳтысқылъюта Кияӷныӷьюныҳтулюта. Тама̄кут алъхыҳтыкақапут қаюҳлъяк лӣсимакыхкыфут Иисус. Туқлъюӷӣлъю илятысқылъюта қӯлвалъыӷминуңлъю, пинилъыӷминуңлъю.

2е Петра 1:8

Тама̄кут атуқңукуфсики, нулястыкуфсикилъю каюсӣлъықӣси атуҳқа̄люсилъю, каюткаҳқа̄люсилъю лӣсимакылъыҳпысигун Атанымта Иисус Христосым.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.

1е Иоанна 1:3

А̄пҳаҳпут лъпысинун сяңўа̄ ысҳақаҳпутлъю, нагаткаҳпутлъю илятысқылъюси хўаңкунъун, илятңалъымнъунлъю Атамун, Иӷныӷанунлъю Иисус Христосымун.

1е Иоанна 2:19

Тама̄кут хўаңкунъисяҳтут иўырңа униткақӣлъю қаюҳлъяк илятңўа̄ӷумаңилңӯт хўаңкунъун. Илятңўа̄қа̄яқумың унинъаянӷитӣлъю. Унитылъыӷмыхтыхун лӣгикыстыңъўа̄ӷа̄т илятңўа̄ӷумаңитылъыҳтың хўаңкунъун.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.