20 Иўырңа ухпықани хўаңкута қилягмӣңӯкут. Ынка̄м утақаңўа̄ҳпут югулиӷиста, Атанық Иисус Христос, укигьяҳқақ хўаңкунъун қилягмың памакын.
Ынка̄ңам лъпыси язычнигни нуната̄наниҳтуси. Итупилъ нуналгутка̄ҳтӣси Кияӷныӷым югита, илятусилъю ныңлъюгутаңанун Кияӷныӷым.
Сюмыҳтаӷа̄ткумаңинӣгатапут сыӷлылӣлъыпут. Итупилъ сюмыҳтаӷа̄ткақапут ысҳаҳпагниңилъкыпут. Қантаӷақун сыӷлылӣлъыпут кынлытҳӯлъықут, иўырңа қуялъыҳпут ысҳӣгалъкыфут қӯнпыкаҳқа̄гуқ.
Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.
Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси.
Кияӷныӷым уңуваҳтӣлъю малигулъюта Христос Иисусымун, хўаңкунъунлъю ақумылгусиҳтыста̄ қилягми.
Ынка̄м илюта̄қукут. Унисюгақапут югусипут нымынъалюта Атаныӷми.
Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.
Утақа̄қаҳсилъюңуқ Кияӷныӷым Иӷныӷа, Иисус, тагияҳқақ қилягмың. Лъңаңӯқ Кияӷныӷым уңуваҳтыка̄ туқулъыӷмың, югулӣқа̄қалъю Кияӷныӷым сякша̄лъҳаның ка̄сяҳқамың.
Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.
Иўырңа па̄мна Иерусалим қыпҳаҳтыля̄ӷитуқ, лъңа на̄каҳпут.
Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.
Аглыӷналӷӣгның Таӷныӷагның тунусялгӯси сямың тамаҳа̄ның, утақӣңулюси Атанымта Иисус Христосым тагинқихтылъыҳқа̄ның.
Пикӣт: «Югитни Галилеям, сяңафси қӯлмун ысҳапахтӯтақыстык? Та̄гна Иисус Кияӷныӷым маюҳтыстыкаңа укигьяҳқа̄гуқ ысҳапалъыҳпысистуңўа̄қ маюлъҳатун қилягмун».
Иисусым кӣмсиқа̄: «На̄михтыңъўа̄ӷьюкувгу Кияӷныӷым писқылъҳа лъпынун, агляӷлютын қамахлъюку сяӷьян акиклъюку, акиңа тама̄на аклъюмалӷӣнун тунқуӷнакын. Ынка̄м қилягми аклъюңилгулъықутын, та̄хкын тагилютың малихнакывңа».
Атанық лъңа катам қилягмың укихлъықуқ, югыт нагақуҳлъықа̄т игляхтуқақ қылылъық, мыңа архангелым, қалӷиҳта̄таңалъю Кияӷныӷым. Тама̄кут ухпықилютың Христосымың туқуляӷа̄ткат уңуваӷьюха̄ҳлъықут.
Ынка̄м қуястылъыңылъықутын қаюҳлъяк тама̄кут акитыпагниңита̄тын. Кияӷныӷым акилыҳтуҳлъықа̄тын уңуваҳтыкумики қа̄ткутңалӷӣт югыт».
Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.
Таўатын лъӣқуфси кияҳтылъыҳпысини сяңўа̄ пинилъыҳпигақ накмикумаңинаӷьягулъықаҳси. Та̄хкын Христос тагинқихтыкан пылюңилъықусилъю, анахутылъҳилъықусилъю.
Иисусым та̄қниқӣ: «Та̄тун юхтун аюқут тама̄кут сямың тамаҳа̄ның кахпагилӷӣт лъмыхнун катам, иўырңа Кияӷныӷми аклъюмалӷӣңӯт».
Югыт кияҳтыкумың нунами хўани, югусилгӯт Адамым югусӣтун аюқылӷӣмың. Иўырңа тама̄кут қилягми кияҳсяҳқат Христосытун югусилгуяҳқа̄гут.
Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.