К Филиппийцам 3:19 - Новый Завет на эскимосском языке

¹⁹ Сю̄мқақӣт югусимың пиюкылъҳит кияң, Кияӷнық авылӷаӷлюку. Кайңуюгусиҳқақсяқытың а̄ңа̄югусиқақӣт. Сюмыҳтаӷа̄ткақа̄т нунамылңуҳӣнақ кияҳта̄лъыҳтың ынка̄м на̄фқылъыңьяҳқа̄гут геенами.

К Филиппийцам 3:19 Iomraidhean Croise

От Матфея 16:23

Иисусым қӣвлюку Петр пика̄: «Туӷныӷақ, иқитын хўаңамның! Амигиӷаҳпыңа, қаюҳлъяк сюмыҳтаӷалъҳын югым сюмыҳтаӷалъқа̄, Кияӷныӷым сюмыҳтаӷалъқынӷита̄!»

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Луки 12:19

Та̄хкын пилъықуңа уңувасимнун: “Уңувасимни, кахпагиҳлъяхтуңа аюмиқулъылӷутнун! Та̄ўа сянаниӷнақуңа, ныӷақлъюңа, мыӷақлъюңа, пиниӷью̄хнақуңа!”

От Луки 16:19

Та̄хкын Иисусым пикӣ: «Та̄ўаңуқ аклъюңилңуқ ю̄к пилюгугңалӷӣ акитупихлъыҳӣның а̄тканың. Аҳутаңа тамаҳа̄н нықым акитулъҳина̄ның ныӷақылӷӣ сӣптӣҳлъягақлъюни.

От Луки 18:4

Нанқихтистым каюсӣсюнӷитыӷңа̄ӷмигу иўырңа тахталми сюмыҳтаӷақақ: “Қайўа аликигатыӷңа̄мкун Кияӷнық, асиста̄ӷақыӷңа̄мкилъю югыт,

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

К Римлянам 6:21

Сивунӷани сыӷлытун пика̄гуси, иўырңа ма̄тын кайңука̄ҳси тама̄кут сыӷлытун пикаси. Сяңа̄ўа алъхыҳтыкаҳси тама̄кут пилюки? Алъхыҳтыкақаҳси туқулъҳинаҳақ.

1е Коринфянам 5:2

Паниның ю̄куткақытсӣ лъпысиның катам? Қивӷуҳлъягьяқлъыгыстун! Лъпыси иқисяқлъыгыстун ю̄к та̄на акулыхпысиның.

1е Коринфянам 5:6

Пинӣюхтылъыҳси сыӷлыӷӯқ. Лӣсимакаҳси хўатын пилъық: «Закваскам ҳӯҳтыстыҳлъякаюўа̄ акӯтақ».

2е Коринфянам 11:12

Та̄ўа иҳсякӣвикумаңинаӷнақамси манихпысиның. Таўатын пӣқуңа қука̄юхнанӣсқылъюки апостолысиӷўа̄ӷыт хўаңкутыстун қыпҳаӷнилӷӣт акилыҳтӯсяңунатың.

2е Коринфянам 11:15

Ынка̄м сяӷӣӷанӣтут Туӷныӷа̄м қыпҳаҳтыңи таўатын пикумың. Югнун сюмыҳтаӷа̄ткыстақут ылъқуӷутңалӷӣңунилютың қыпҳаҳтыңи Кияӷныӷым. Иўырңа кынлыми Кияӷныӷым аӷью̄ҳлъықӣ ылъқуӷутңалӷӣмың аӷью̄лъыӷмың анахутылъҳитнун.

К Галатам 6:13

Қайўа обрезанияка̄яӷңа̄ӷмың, лъңит катам қа̄ткусигатут Лӣлиҳтӯсянун. Обрезаниясқысюгақӣси қанаткыпигыснаӷналюси лъмыхнун обрезаниястыкақнилюси.

К Филиппийцам 2:21

Тама̄кут иляңи кияң лъңитның катам сюмыҳтаӷа̄ткақут Иисус Христосым қыпҳақа̄ авылӷаӷлюку.

К Колоссянам 3:2

Сю̄мқақитыки тама̄кут қилягмылңӯт, нака̄н тама̄кут нунамылңӯт.

2е Фессалоникийцам 1:9

Аӷью̄ӷнақңўӣлъю кынлыңилңуӷмың на̄фқылъыӷмың, иқитыснақңӯтлъю Атаныӷмың, ниӷуганыңлъю аҳтуӷьяҳқа̄нӷилъҳан.

2е Фессалоникийцам 2:12

Ынка̄м қамахтыңъўа̄ӷлютың ухпықинӷилңӯт ипапилъыӷмың нанқихсяҳқа̄гут аӷью̄ӷьяҳқа̄лютың қаюҳлъяк пиниӷью̄гусиқыхкаңат сыҳлъыҳқылъық.

2е Фессалоникийцам 2:8

Та̄хкын Сыӷлыпыста̄қ Ю̄к алӣҳтыслълъықуқ, иўырңа Атанӷым Иисусым тагикуми туқулъықа̄ аныӷныӷаның қаныӷми, на̄фқылъықа̄лъю ниӷухлъягакун тагилъыӷми.

1е Тимофею 6:5

Таўатылңӯт қӯнпың а̄ҳтӣра̄ӷутыстӣқут. Умьюгӣт сюмыӷныҳлъю̄хтақут ынка̄м лӣсимакнаниӷақа̄т ипапилъық. Сюмыӷмыхни қыпҳа̄скумыхтыху Кияӷнық аклъюңиӷилъықнилютың пӣқут.

2е Тимофею 3:4

Увыҳпагулъықӣт илятың, наңьӣӷулъықут, қука̄юхтыҳлъяхлъықут, тыӷигниқылъық пиниқатаӷаҳлъықа̄т пакихулъюку Кияӷныӷмың.

От Иакова 4:16

Таўатын пинӷилъкуфси а̄ңа̄юхлъықусилъю, қанаңулъықусилъю. Тама̄кут а̄ңа̄юхтылъҳыт сыӷлыӷӯт.

2е Петра 2:1

Сивунӷани агани ӯкналиқистысӣӷўа̄ӷыт акулңитнисяҳтут Кияӷныӷым югитни, катам апыҳтуӷистысиӷўа̄ӷыт акулыхпысинилъықут. Налъюныҳпысини апыҳтуҳлъықӣси иқлъыңамың на̄фқынъалюки ухпықилъыси. Қайўа Христосым Пилӣтыстыңита тукфиқақыӷңӣстың итымунъалюки сыӷлыҳқылъҳитның, паниның пикнаниҳлъықӣт. Ынка̄м нӯскаган лъңитның на̄фқыслъықут.

2е Петра 2:13

Углялӷӣт икфиқыстақӣт ынка̄м Кияӷныӷым икфиқыслъықӣ. Талўа аӷныра̄ӷинаӷми мыӷӯтыҳлъягақут, югусимыңлъю сыӷлыӷыт пиюкылъҳит атуқақӣт. Кайңусяӷа̄тыҳлъягақут нықынӷаҳқылгусӣмалюси, ынка̄м акулыхпысини нукыхнаҳқыхкастунлъю, лъмӣгуткастунлъю аюқут.

2е Петра 2:3

Пакихтылъыӷмыхтыхун апыҳтуӷистысиӷўа̄ӷыт аклъюңиӷиюхлъықут лъпысиның. Ынка̄м апыҳлъықӣт апыҳтӯсяңлъяқатың маниңналютың лъпысиның. Има ныӷиҳа̄ның Кияӷныӷым Нанқихтистыңатлъю, На̄фқӣстыңатлъю қавӣгатуқ аӷью̄ӷьяқлъыгуҳлъюки аюқӣ.

От Иуды 1:10

Иўырңа тама̄кут апыҳтуӷистысиӷўа̄ӷыт сяңўа̄ алңунак лӣгикынӷилъкысың сыӷлытун акузиткақа̄т. Сяңўа̄ иляңа лӣгикақа̄т тыӷикусястун сюмыҳтаӷӣгалңуӷыстун. Тыӷикусят пиюкылъыӷмыгыстун пикаюгӯт. Таўатыҳпигақ апыҳтуӷистысиӷўа̄ӷыт пикаюгӯт. Ынка̄м сыӷлыҳқыстыңуҳтаӷаӷақут.

От Иуды 1:16

Тама̄кут югыт қӯнпың тымңи акузилгаҳлъягыт, ыфқуӷуткигалъкаңит сяңўа̄т алңунак. Сяңўа̄т алңунак сыӷлыҳқусит атуқсюныӷмыхтыки атуқақӣт, пинӣюгныҳлъягыт, усюқңӯҳтақӣтлъю килъю сямың қилӣӷвикныӷмыхтыки.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 18:7

Лъминың усюқыҳлъягақуқ, аклъюңиҳлъянилъю атуқақа̄ сямун алңунак пиюкыхкаминун. Ынка̄м икфиқыстыҳлъяхтыхулъю, қивӷустыҳлъяхтыхулъю атуныкӣтыслъюку қаӷьялъыҳлъяганун. Лъминың пӣқуқ: “Царицаңӯңа ақумгалӷӣ умӣлгусимкун. Угиңиӷа̄нӷитуңа ынка̄м қивӷуна̄нӷитңўа̄ҳтуңа!”

Откровение 19:20

Тугўа̄хкыт тыӷикусялъю̄гылъю, ӯкналиқистысиӷўа̄ӷылъю алъя̄ҳлъюўаҳтӣӷа̄тақақ таўанлъюку тыӷикусялъю̄к. (Алъя̄ҳлъюўаҳтӣқылъыӷмикун пӯҳқуқӣ налъюнӣлъыңыхкат тыӷикусялъю̄гмың, манигуқа̄тлъю наңаӷныӷа.) Тыӷикусялъю̄клъю, ӯкналиқистысиӷўа̄ӷылъю уңува̄хкынка милю̄та̄к на̄йвам кынӷанун кумаӷулӷӣмун уқумьягмун.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 22:15

Иўырңа ныҳлъягым ыслъята̄нилңӯт қикмӣгут, алигналӷӣңӯт, ныңуҳтыхпынатың атуқистыңӯт, юхтаҳтыңӯт, кияӷныңлъяқанун манигӯтыстыңӯт, иқлъыңиқсюныҳтӯт, иқлъыңиқумаңинаӷақутлъю.