К Филиппийцам 3:14 - Новый Завет на эскимосском языке

¹⁴ Ынка̄м таклъяӷрукытун килга̄қуңӯңа кая̄лъқӣсиқналюку акилыҳтӯсяқ, Кияӷныӷым туқлъю̄тка̄нун памавык Христос Иисусыкун.

К Филиппийцам 3:14 Iomraidhean Croise

От Луки 16:16

Кияӷныӷым югнун тӯныхкақӣ Лӣлиҳтӯсятлъю, ӯкналиқистытлъю игақыхкӣт атуқысқылъюки кынляңа Иоанным Крестителым тагилъҳанун. Та̄м киңуңаның Пинилӷӣт Уңипат Атаныҳпагулъҳаның Кияӷныӷым аюқылӷӣт уңипақиңӯт. Ынка̄м қамахлъютың югыт қывӯтыпихлъютың итыӷнақуткыҳлъяка̄т.

К Римлянам 11:29

Кияӷныӷым умьюгагни алъяңуҳтықаҳна̄нӷита̄к. Выҳна̄нӷитӣ тунусяни, пыхна̄нӷитӣлъю накмикыхкани лъңанун югулюки.

1е Коринфянам 9:24

Қамахлъютың кытанқустыт сивулӣюкаюгӯт, иўырңа ата̄сиҳақ кая̄лъқӣкаюгӯқ. Кияҳта̄лъыҳпысини Христосымун, кытанқустыстун кая̄лъқӣнақақитык.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

К Филиппийцам 3:3

Хўаңкутаңӯкут ухпықани обрезанияпӣўа̄қани қаюҳлъяк манигуӷақаҳпут Кияӷнық Таӷныӷахкынкун, усюқақаҳпутлъю Христос Иисус. Ныӷьюңигатукутлъю Кияӷныӷмун пилӣтысқылъюта хўаңкута катам сялъымтыхун.

К Колоссянам 2:18

Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

2е Тимофею 1:9

Кияӷныӷым югуликақӣлъю, накмикыхкақӣлъю пылюңитысқылъюта. Таўатын пика̄гуқ апалъюқлъюки лъми катам успықылъынилъю, пиниқилъынилъю, нака̄н қыпҳалъыҳпут апалъюқлъюку. Пиниқыхкақӣлъю Христос Иисусыкун сивутҳулъюку пӣнлилъыҳқа̄н нунам.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

К Евреям 6:1

Ынка̄м лӣтылътыки апыҳтӯсят аңтанӣтканун ухпықанун аюқылӷӣт. Лӣтңўа̄қақаси апыҳтӯсюхўа̄қат Христосымың аюқылӷӣт ынка̄ңам лӣнъықихсяҳқақынӷитаси. Лӣтңўа̄ӷума̄си атуқсяҳқа̄фқӣта пиналюки тама̄кут туқумун аюқылӷӣт. Лӣнъықихсяҳқақынӷитаҳсилъю ухпықилъыӷмың аюқылӷӣ Кияӷныҳқун,

1е Петра 1:13

Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

2е Петра 1:3

Иисус аҳтуӷьяҳқа̄нӷилъылгӯқ Кияӷныӷмың. Та̄хун аҳтуӷьяҳқа̄нӷилъыҳқун тӯныхкақӣлъю сямың тамаҳа̄ның аклъюкыхкамнъың кияҳтысқылъюта Кияӷныӷьюныҳтулюта. Тама̄кут алъхыҳтыкақапут қаюҳлъяк лӣсимакыхкыфут Иисус. Туқлъюӷӣлъю илятысқылъюта қӯлвалъыӷминуңлъю, пинилъыӷминуңлъю.

Откровение 3:21

Кая̄лъқӣлюңа ынка̄м ақумга̄ңа ся̄ӷўани Атама умӣлгусӣкун ақумутахкынкун. Таўатыҳпигақ кая̄лъқӣлӷӣ ақумыслъықақа ся̄мкун умӣлгусигныкун ақумутамкун.