К Филиппийцам 3:11 - Новый Завет на эскимосском языке

¹¹ Таўатын пикума, Кияӷнық сиӷимакақа хўаңалъю уңуваҳтысқылъюңа туқулъыӷмың.

К Филиппийцам 3:11 Iomraidhean Croise

От Луки 14:14

Ынка̄м қуястылъыңылъықутын қаюҳлъяк тама̄кут акитыпагниңита̄тын. Кияӷныӷым акилыҳтуҳлъықа̄тын уңуваҳтыкумики қа̄ткутңалӷӣт югыт».

От Иоанна 11:24

Марфам пика̄: «Лӣсимакақа уңуваҳлъықуқ туқукат уңуваҳтӯската киңулиӷми аӷныӷми».

Деяния 23:6

Павелым лӣгиклъюки иляңи Саддукеиңутаңи, иляңи Фарисеиңутаңи игляхтулюни пикӣ: «Иудейелгутымни, Фарисейеңӯңа, сивунӷынкалъю Фарисеиңӯт. Хўа̄ нанқихнақаҳпысиңа қаюҳлъяк ухпықыхкынка туқукат уңуваҳсяҳқа̄таңи».

Деяния 26:7

Та̄ната акықусяқ қуля ма̄лӷук сӣпнықылӷӣт рамкымта ныӷьюкыхкаңат алъхыҳналюку, ынңа̄талъ манигӯтңулютың Кияӷныӷмун унухтӯма̄н, аӷныҳтӯма̄н. Умӣлыгми, иўырңа та̄на ата̄сиқ ныӷьюкилъық апалъюқлъюку Иудеит нанқихтысюга̄тңа.

Деяния 27:12

Алъюлъютыңлъю аңьяҳпагым юги иглыҳсюкат қаюҳлъяк та̄на каңиӷақ якуӷналӷӣ аңьяҳпагмун уксюҳфигулюни. Ка̄нъақналютың Финикымун пикат уксюҳсяҳқа̄лютың тама̄ни. Финикым каңиӷа̄ қӣҳқамылңуқ Критыми, северозападымунлъю, югозападымунлъю аюқылӷӣ.

К Римлянам 11:14

Апыҳтуӷилъымкун лъпысинун ақинасналюки пӣнка Иудеялгутынка, иляңи югулилъыңысқылъюки.

1е Коринфянам 15:23

Қамахлъютың туқуляӷа̄ткат пилъыҳқатың ка̄нъыӷата уңуваӷақна̄ҳтут: Христос сивулиҳпига̄люни уңувақа̄гуқ. Та̄хкын тагинқихтыкан тама̄кут лъңан пиңи уңуваӷьяҳқа̄гут.

1е Коринфянам 9:22

Кая̄лңуӷни кияҳнымни лъңистун лъӣӷақуңа, ухпықысқылъюку Христос. Ынка̄ңам кинкустун алңунак кияҳтақуңа натысяӷңа̄та, натын алңунак югулилъыңысқылъюки.

1е Коринфянам 9:27

Уңипақӣқуңа натын кияҳтылъыҳқамың Христосымун. Хўаңалъю Кияҳтыңӯт лъңанун ынка̄м югусимнун қа̄ткыстақуңа, лю̄рақ пинӷилъкума Кияӷныӷым иқинъаюкаңаңа лъңаның.

2е Коринфянам 11:3

Иўырңа алиңуткақамси аңуягым пӯҳнаюкаңиси, катам таўатын нымыӷьям пыҳқиниқуткылъюку пӯҳтылъҳатун Ева. Ынка̄м лъпыси пиниқнаниӷўа̄ӷнаюкафсигу Христос.

1е Фессалоникийцам 3:5

Тама̄кын апалъюқлъюку аҳтуӷьягусяма нуқынъыӷмың, каяхтыкақақа Тимофей лъпысинун лӣгикналюку ухпықилъыҳси натытақутаңа. Пыңкақамси қаюҳлъяк Туӷныӷа̄м нанӷӣқуманаюкаңиси ухпықинанӣсқылъюси, ынка̄м қыпҳалъыҳпут тымңисюгниҳсиманаюкан.

2е Фессалоникийцам 2:3

Иўырңа пӯҳтыстыхпынаси! Та̄на Аӷныӷа Атанӷым ка̄нъа̄нӷитуқ кынляңа югыт малиҳқутақсюгнанилӷитнун Кияӷныӷым иглыӷутилъҳанун, ка̄тылъҳанунлъю Сыӷлыпыста̄ӷым Югым. (Лъңа на̄фқысяҳқа̄гуқ геенами.)

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

К Евреям 11:35

Ухпықилъыҳқун аӷнат туқумастӣтың выҳтақӣт туқулъыӷмың Кияӷныӷым уңуваҳныӷаки. Иляңи ынңа̄талъ икфиқыстыҳлъягақӣт пыхтысқылъюку ухпықилъҳат. Иўырңа туқуналютың пӣқут Кияӷныӷмун уңуваҳтысқылъютың пиниӷатаӷалӷимун уңувалъыӷмун.

Откровение 20:5

Та̄на сивулӣгуқ уңуваҳқулъық. (Иляңи тама̄кут туқукат уңуваҳтӯнъа̄нӷитут кынляңа тысяча аюмиқулъҳыт алъпалъҳитнун.)