К Филиппийцам 2:7 - Новый Завет на эскимосском языке

⁷ Йыӷлыги Кияӷныӷулъыни пакиглюку, қыпҳаҳтыстун лъӣқа̄гуқ. Югыстун лъӣқа̄гуқ, алъхықа̄гуқлъю югыстун.

К Филиппийцам 2:7 Iomraidhean Croise

От Матфея 12:18

«Уна ысҳа накмикыхкақа̄ қыпҳаҳтыңулюку. Пиниқыхкақа уңувасигма ыфқуқыпихта̄. Таӷныӷахка лъңакун ныкыхлъықахка. Уңипа̄лъықӣ язычнигыт таўатыҳлъюўа̄қ нанқихтилъыҳқамның тамаҳа̄нун югнун.

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Марка 9:12

Кӣмсиқӣ: «Ипаңӯқ Илия сивуклъюни тагипыста̄ӷьяҳқа̄гуқ ята̄ҳқынъалюку сяңўа̄ тамаҳа̄н. А̄птаҳлъямси, нақам сяңан Акузитыт Игақыхкат пикақатху, Иӷныӷа Югым икфиқыҳлъягьяҳқа̄нилюку, сясӣнӷилңуӷыстунлъю кияӷусяҳқа̄нилюку?

От Луки 22:27

Наликык а̄ңатаӷаҳта, ақумгалӷӣ қаюӷвигыгни, налиӷмың кыпсӣқулӷӣ? Ақумгалӷӣ а̄ңатаӷаҳтуқ. Иўырңа акулыхпысини хўаңаңӯқ кыпсӣқулӷӣ лъпысинун.

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

К Римлянам 1:3

Та̄кут Пинилӷӣт Уңипат Кияӷныӷым Иӷныӷаның аюқут. Югулюни алъхықа̄гуқ Умӣлгым Давидым киңунӷитхун.

К Римлянам 15:3

Талўа Христос ыфқуҳсимаңитуқ лъңаның катам. Йыӷлыги игақыхка̄гуқ Акузитни Игақыхкани: «Югыт сыӷлықӯлӷӣт лъпынун, сыӷлықӯлъҳит тыкитақут хўаңамкун».

К Римлянам 15:8

Амынқун Христос қыпҳаҳтыңуҳтыка̄лӷӣ Иудеянун лӣгикысқылъюки Кияӷнық ӣўлың ипапӣқуқ. Тама̄кын апалъюқлъюку Иудеит лӣсимакңўа̄ӷа̄т Кияӷныӷым пияҳқақӣ акықусяқыхкани сивунӷитнун.

К Римлянам 8:3

Моисейем Лӣлиҳтӯсӣ таўатын пипагниңитут қаюҳлъяк югусимта пиюкылъҳита кая̄лыҳқыхкақӣ Лӣлиҳтӯсят. Иўырңа Кияӷныӷым пикақа̄ Лӣлиҳтӯсят пипагниңитка̄т. Каяхтыкақа̄ лъми катам Иӷныни нунамун сыӷлыҳқумалӷӣтун юхтун аюқлъюку. Тӯныхкақа̄ Иӷныни аҳқутңулюку сыӷлыҳқылъымнъун. Таўатын нанқихтыкақа̄ сыӷлыҳқылъық югусимылъюку,

2е Коринфянам 13:4

Қайўа Христос кая̄тка̄яҳтуқ қақӯраӷақңамыхтыху, ма̄тын кияҳтыңъӯқ Кияӷныӷым аҳтуӷьяҳқа̄нӷилъҳакун. Хўаңкуталъю кая̄тукут катам Христосым кая̄тка̄ялъҳатун. Иўырңа лъпысиниткумта каюсӣлъықамси Кияӷныӷым аҳтуӷьяҳқа̄нӷилъҳакун.

2е Коринфянам 8:9

Лӣсимакаҳси пиниқиңалъыҳлъяга Атанымта Иисус Христосым. Аклъюңиҳлъягмини таўалъӣма лъңаның катам аклъюма̄ҳтыка̄гуқ лъпыси апалъюқлъюси. Таўатын пика̄гуқ аклъюңиӷисқықаҳлъюси аклъюмалъыӷмикун.

К Галатам 4:4

Иўырңа Кияӷныӷым накмикыхка̄ аӷнық ка̄сян каяхтыка̄ Иӷныни, алъхықақ аӷнакун. Лъңан қа̄ткыхкақӣ Лӣлиҳтӯсят

К Филиппийцам 2:6

Иисус Кияӷныҳтун аюқсяӷңа̄ӷми сюмыҳтаӷа̄маңитуқ Кияӷнық иңлюксяҳқа̄люку.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

К Евреям 13:3

Нықамиклъюки анусимиңлъяӷвигмылңӯт, никимқун лъпысилъю анусимиңлъяӷвигмылңуси. Нықамиклъюки икфиқңалӷӣт, никимқун лъпысилъю икфиқылӷӣси.

К Евреям 4:15

Первосвященнигамта лӣгикңўа̄қақӣ кая̄лъиқусипут, қаюҳлъяк нунамылъюни нанӷӣқулъыңыхка̄гуқ хўаңкутыстуңўа̄қ. Нақамлъю сыӷлыҳқумаңитуқ.