К Филиппийцам 2:6 - Новый Завет на эскимосском языке

⁶ Иисус Кияӷныҳтун аюқсяӷңа̄ӷми сюмыҳтаӷа̄маңитуқ Кияӷнық иңлюксяҳқа̄люку.

К Филиппийцам 2:6 Iomraidhean Croise

От Матфея 1:23

«Аӷнаӷақ югым атуқылъҳилъкаңа қумиңлюни, иӷныңылъықуқ. А̄тқысяҳқақа̄ Еммануил» хўатын писиқ: «Кияӷнық хўаңкунъилңуқ».

От Иоанна 1:18

Китум алңунак ысҳӣгата̄ Кияӷнық. Та̄наңинаҳа̄м Иӷныӷым қантаӷантылъыҳпига̄м Атамун, лӣтыстыка̄ югнун.

От Иоанна 10:30

Атакулъҳӣгни ата̄систун аюқукуң».

От Иоанна 10:33

Иудеит кӣмсиқа̄т: «Туқунъақынӷитамкын аныӷныҳқилъҳын апалъюқлъюку, та̄ўаңинақ акузилъҳын апалъюқаҳпут. Тымңи югӯтын. Кияӷныӷмун сыӷлыҳқыҳлъяка̄гутын Кияӷныҳтун аюқнилютын пӣқңавык!»

От Иоанна 10:38

иўырңа атуқақақа Атама пӣқыхкаңа. Ухпықынӷитыӷңа̄ҳпысиңа хўаңа, ухпықитыки қыпҳақанка ынка̄м лӣлъықаҳси, лӣгикылъықаҳси Ата хўаңамнитутаңа, хўаңа лъңани».

От Иоанна 14:28

Нагаткақаҳпысиңа хўатын пилӷӣңа: “Аӷуляқнақуңа иўырңа тагинқихлъықуңа лъпысинун”. Пиниқыхкақсяқуфсиңа қуянаяҳтуси уңипа̄тақңамси Атамун агляӷнақнилюңа, қаюҳлъяк а̄ңыҳлъяхтуқ хўаңамның.

От Иоанна 14:9

Иисусым пика̄: «Филипп, лъпысинитуңа қавңарухлъяха̄ның, та̄ўа налъюкақсиңа̄? Китум ысҳа̄макумиңа, ысҳақақа̄лъю Ата. Ынка̄м сяңавык пизин: “Кылгутигу Ата хўаңкунъун”?

От Иоанна 17:5

Ынка̄ңам Ата̄й, манухпынисималюңа қӯлваӷңа қӯлвалъыӷмың хўаңа пиксяқымның лъпынилъюңа, сивуңани нунам улималъҳан.

От Иоанна 20:28

Фомам пика̄: «Атанымни, Кияӷнымни!»

От Иоанна 5:18

Ынка̄м Иудеит иглыӷутистыңита ўатақа̄ӷақ туқусюка̄т. Пикат: «Иисусым Субботам Лӣлиҳтӯся̄ на̄фқинаҳпына̄н пика̄гуқлъю Кияӷнық Атакнилюку. Таўатын акузилъыӷмикун Кияӷныҳтуңўа̄қ аюқнилюни пӣқуқ».

От Иоанна 5:23

Кияӷныӷым таўатын пикақа̄ Иӷныни тамаҳа̄нун қӯлвӣсқылъюку катам таўатын қӯлвалъҳистун Ата. Китум та̄м қӯлвӣгалъкумигу Иӷнық қӯлвӣгата̄ Ата каяхтикақ Иӷныӷмың.

К Римлянам 9:5

Киңунқӣт сивунықсюхўа̄мта, та̄кутхун киңуныҳтыхун Христос алъхықа̄гуқ югулюни. Лъңа Кияӷныӷӯқ иглыӷутилӷӣ сямың тамаҳа̄ның. Усюқылъыңи қӯнпырухлъяк кынлыңуна̄н! Аминь.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

2е Коринфянам 8:9

Лӣсимакаҳси пиниқиңалъыҳлъяга Атанымта Иисус Христосым. Аклъюңиҳлъягмини таўалъӣма лъңаның катам аклъюма̄ҳтыка̄гуқ лъпыси апалъюқлъюси. Таўатын пика̄гуқ аклъюңиӷисқықаҳлъюси аклъюмалъыӷмикун.

1е Тимофею 1:17

Умӣлыгмун кынлыңилңуӷмун, туқупагниңилңуӷмун, алӣнъыӷилңуӷмун, лъңина̄ Кияӷныӷӯқ; лъңа қӯлвалъыңлилъю, усюқылъыңлилъю қӯнпырухлъяк кынлыңуна̄н! Аминь.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Евреям 1:3

Иӷныӷым кӯкхутақа̄ Кияӷныӷым ниӷуҳқылъҳа, Кияӷныҳтуңўа̄қлъю аюқуқ. Сяңўа̄т қамахлъюки нагныӷастыңъўӣ таўатылъюки аҳтуӷьяҳқа̄нӷилңӯтхун акузитмикун. Иӷныӷым тӯныхкақа̄ лъми катам уңувалъыни укмаңиӷналюта тамаҳа̄ның сыӷлыҳқылъымнъың. Апыӷӣӷьямигу таўатын пилъыни, қилягми ақумыхка̄гуқ аӷынқигныӷакун Кияӷныӷым, аҳтуӷьяҳқа̄нӷитылъыҳпига̄м.

К Евреям 1:6

Кияӷныӷым каяхсяҳқа̄ҳсямигу Иӷнықсюхўа̄ни нунамун, хўатынлъю пика̄гуқ: «Йықай қамахлъютың Кияӷныӷым яқулгита манигуӷлитху».

К Евреям 1:8

Иўырңа Кияӷнық Иӷныӷминың хўатын пика̄гуқ: «Ка̄й Кияӷнық, ақумутахкын кынлыңисяҳқа̄гук қӯнпырухлъяк! Иглыӷулъықан атаныҳпагулъҳын ылъқуӷутңалъылиӷлюку.

К Евреям 13:8

Иисус Христос алмысиқақа̄ иӷивгақ, аӷныӷми, қӯнпырухлъяклъю.

Откровение 21:6

Пӣңалъю: «Апыӷӣҳтуқ! Хўаңа Альфаңӯңа, Омегаңӯңа, хўаңа пӣнлыӷӯңа, кынлыңӯңа. Кина алңунак мықсюлӷӣ, акиңуна̄н мыҳсилъықақа сыңъулӷӣмың уңувалъыңыстикаюгмың мыӷмың.