К Филиппийцам 2:22 - Новый Завет на эскимосском языке

²² Иўырңа Тимофей лӣсимакңўа̄ӷаҳси натытуляңа. Иӷныӷыстун каю̄сӣткақа̄ңа уңипақиңулюңа Пинилӷӣның Уңипаның.

К Филиппийцам 2:22 Iomraidhean Croise

Деяния 16:2

Ухпықат қамахлъютың Листрамылңӯтлъю, Икониямылңӯтлъю акузиткақыхкаңат Тимофей пинӣпихнилюку.

К Римлянам 5:4

Нуқынъыҳтулъымтыхун Кияӷныӷым итагнақақӣлъю. Итагнақилъҳан сиӷималъыңыстақӣлъю.

1е Коринфянам 16:10

Тимофей лъпысинун пикан, ынңа̄талъ упуӷанъакыси, қаюҳлъяк қыпҳа̄гуқ Атаныӷмун хўаңамтун.

1е Коринфянам 4:17

Тама̄кын апалъюқлъюку Тимофей каяхтыңъўа̄қа лъпысинун. Иӷнықылӷӣстун аюқақа Атаныҳқун. Ата̄сӣӷмылңуқ ухпықақ пиниқыпихтақа. Нықаңуҳна̄ӷӣси натын хўаңа кияҳтақылъымның Христосымун. Таўатылңуқ кияҳта̄лъық апыҳтӯсяқақақа ухпықанун тамаңанилңуӷнун.

2е Коринфянам 2:9

Та̄на апалъюқлъюку письмокақамси: лӣсимакналюку қа̄ткутңўа̄ӷыстык сямун тамаҳа̄нун.

2е Коринфянам 8:22

Титмунлъю малигутыснақаҳпут иляңа ухпықа̄лгутфут. Аўын ысҳаӷналюку натытуляңа пӣқаҳпут, пиялӷӣкут ӣўлың каюсиӷиюкыстаӷлюни аюқыфтуқ. Ўанлыги ма̄тын каюсиӷиюхлъягуҳтуқ қаюҳлъяк ныӷьюкыҳлъякаңиси.

2е Коринфянам 8:24

Ынка̄м Коринфыӷмӣни, ысҳаҳтыстыху пиниқилъыҳси та̄кугнун югыгнун. Та̄хкын пиниқилъыҳпыси ипапиҳқыслъықӣт ухпықат юӷаӷвигнилңӯт сяңан қанаткылъымнъың лъпыси.

2е Коринфянам 8:8

Қылӷунӷитамси тӯнисқылъюси, иўырңа уңипа̄тңўа̄мси натын иляңит тӯниматаңи. Ынка̄м тӯнилъыҳпыси ипапиҳқылъықа̄ пиниқилъыҳси ипаңутаңа.

К Филиппийцам 1:12

Ухпықа̄лгутымни, лъпысинун лӣсимакысюгақа анусимиңлъяӷвигмытылъыӷма ипапыста̄қ углялӷӣ ю̄к нагатыста̄ Пинилӷӣның Уңипаның.

К Филиппийцам 1:16

Уңипақиңӯт қаюҳлъяк пиниқыхкаңатңа. Лӣсимакыхкаңат Кияӷныӷым тагистыкақа̄ңа хўавык ныкывӷатысқылъюки Пинилӷӣт Уңипат аңуямнъың.

К Филиппийцам 1:5

қаюҳлъяк нықамикақа уңипақилгусиқақаҳпысиңа Пинилӷӣның Уңипаның. Каюсиқақаҳпысиңа ухпықиюха̄лъыҳпысиның Пинилӷӣның Уңипаның хўавымун кынляңа.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Филиппийцам 2:20

Тимофейеңинаҳа̄м сюмыҳтаӷа̄ткақӣси сюмыҳтаӷа̄ткылъымтун.

1е Тимофею 1:18

Тимофейеми иӷнымни, қавңақ иляңита ӯкналиқистыт акузиткыхкақа̄тын. Ынка̄м ма̄тын қылӷамкын акузитаңит гӯтуткики пилъюўамун. Таўатын пинитун пилъюўаҳлъықутын Христосымун.

1е Тимофею 1:2

Тимофейемун; иӷныпикамкын ухпықилъымтыгныгун. Кияӷныӷым Атам, Христос Иисусымлъю Атанымта қуяслъитын, наңлъыклъитын, ныкыхмылъылгуслъитынлъю.

1е Тимофею 4:6

Тама̄кут апыҳтӯсят лӣгикыстыңъўа̄қуфки ухпықа̄лгутыхпынун, пинилӷӣңулъықутын қыпҳаҳтыңа Христос Иисусым. Ухпықилъҳын икнақуҳлъықа̄ лӣсимаңинақуфки ипапилъҳыт ухпықат ухпықақыхкаңит, пинилӷӣтлъю апыҳтӯсят қа̄ткыхкаҳтын.

2е Тимофею 1:2

Тимофейемун пиниқыпихтыкамнун иӷнымнун. Кияӷныӷым Атам, Христос Иисусымлъю Атанымта қуяслъитын, наңлъыклъитын, ныкыхмылъылгуслъитынлъю.

2е Тимофею 3:10

Иўырңа лъпык лӣсимакңўа̄ӷатын апыҳтуӷилъҳынка, кияҳта̄лъқа, апалъя̄лъю кияҳтылъыӷма. Лӣсимаканлъю ухпықилъқа, ӣлъқаюнӷитылъқа, пиниқилъқа, аӷулӣлъка̄малъқа.

К Титу 1:4

Укут посланият Титымун пиңӯт, иӷныпикамкын ухпықилъымтыгныгун. Кияӷныӷым Атам, Христос Иисусымлъю Югулиӷистымта қуяслъитынлъю, ныкыхмылъылгуслъитынлъю.