К Филиппийцам 2:16 - Новый Завет на эскимосском языке

¹⁶ уңипақиңулюси лъңитнун Христосымың уңувалъыңыстикаюгмың. Ынка̄м тагинқихтыкан қуяслъықаҳпысиңа ынңа̄талъ, қаюҳлъяк кияҳта̄лъыҳпыси кылгусяҳқақа̄ қыпҳалъқа тымңиңунӷилңуқ.

К Филиппийцам 2:16 Iomraidhean Croise

От Матфея 10:27

Лъпысинун сяңўа̄т а̄пқанка апыӷьяҳқақаси тамаңанун. Сигутқӯткыхканка лъпысинун, уңипақсяҳқақаси мыңтыӷат қа̄йңитның.

От Луки 12:8

«Ынка̄м уңипа̄тамси, китум алңунак уңипа̄скаки сивуңитни югыт хўаңамнун пикнилютың, Иӷныӷанлъю Югым пикнилъықӣ сивуңитни Кияӷныӷым яқулылӷутаңан.

От Иоанна 6:63

Таӷныӷак уңувалъылитикаюгӯк, иўырңа ю̄к уңувалъылитина̄нӷитуқ. Акузитынка лъпысинун таӷныӷа̄гутлъю уңувалъҳӯтлъю.

От Иоанна 6:68

Симон Петырым кӣмсиқа̄: «Атанық, китумунңам пилъықыста? Лъпык акузитыхпык а̄пҳақа̄ натын алъхыӷутылъыҳқақ кынлыңилңуӷмың уңувалъыӷмың.

Деяния 13:26

Ухпықа̄лгутымни, Авраамым киңунӷитни, язычнигнилъю манигӯткаюгни Кияӷныӷмун, та̄на уңипа̄ югулилъҳым хўаңкунъун пиңӯқ!

1е Коринфянам 1:8

Кияӷныӷым ухпылъыси икнақуҳся̄маңинаӷна̄ӷӣ кынляңа киңулиҳпигаӷмун аӷныӷмун. Инқун анахутылъҳитысқылъюси Атаныҳпут Иисус Христос нанқихтикан югның.

1е Коринфянам 9:26

Кытанқустыстун таклъяӷрукытун кытанқўа̄қуңа ка̄нъалюңа кынлымун. Налиӷмың тыңлюхтыстун, тыңлюхпага̄таӷақуңа кая̄лъқӣналюңа.

2е Коринфянам 1:14

сяңўа̄ ма̄тын лӣгикыхкаҳпыси налиӷныҳӣна̄, ынка̄м Аӷныӷани Атанӷым Иисусым лъпыси қука̄югуткылъықаҳпысикут катам хўаңкута қука̄югуткылъымтыстун лъпыси.

К Галатам 2:2

Кияӷныӷым лӣгикыста̄ңа Иерусалимытысқылъюңа. Ка̄сямта ухпықат иглыӷутистыңинӣт қырңуӷутаҳтысқанка. Таўани уңипамсюгутанка натын язычнигнун уңипақилъымның Пинилӷӣның Уңипаның. Таўатын пика̄гуңа лю̄рақ та̄кут иглыӷутистыт апыҳтуӷилъҳынка тымңиңунинаюкатки сивунӷанилъю, ма̄тынлъю.

К Галатам 4:11

Алиңуткақамси, қамахлъюни қыпҳа̄тилъқа лъпысинун сясӣнӷинъаюкан.

К Филиппийцам 1:10

Таўатын лъӣқуфси кияҳтылъыҳпысини сяңўа̄ пинилъыҳпигақ накмикумаңинаӷьягулъықаҳси. Та̄хкын Христос тагинқихтыкан пылюңилъықусилъю, анахутылъҳилъықусилъю.

К Филиппийцам 1:6

Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

1е Фессалоникийцам 2:19

Лъпыси сиӷималъқамси, қуясиқамси, қаҳпакамсилъю. Та̄на қаҳпа хўаңкута қука̄югусиқылъықаҳпут мануңани Атанымта Иисусым тагикан.

1е Фессалоникийцам 3:5

Тама̄кын апалъюқлъюку аҳтуӷьягусяма нуқынъыӷмың, каяхтыкақақа Тимофей лъпысинун лӣгикналюку ухпықилъыҳси натытақутаңа. Пыңкақамси қаюҳлъяк Туӷныӷа̄м нанӷӣқуманаюкаңиси ухпықинанӣсқылъюси, ынка̄м қыпҳалъыҳпут тымңисюгниҳсиманаюкан.

К Евреям 4:12

Акузитаңи Кияӷныӷым уңува̄т қыпҳа̄гут. Ӣпхатаӷаҳтут алңунак иңлюхтун ипыхсяқаның сявихпагның. Ка̄путкаюгӯт қамавырухлъяк уңувасимлъю, таӷныӷамлъю ка̄тутңалъҳыхкынун, нафлъютлъю па̄тҳытлъю ка̄тутңалъҳитнун. Кияӷныӷым акузитаңи нанқихтикаюгӯт югым сюмыҳтаӷалъҳаныңлъю, сянақылъҳаныңлъю.

1е Петра 1:23

Алъхынқихтыка̄гуси. Уңувалъыӷраӷаҳси туқукаюгмың пиңунӷитуқ, иўырңа туқуңигалңуӷмың пиңӯқ. Алъхынқихтыка̄гуси Кияӷныӷым акузитаңитхун, уңувалӷӣт, кынлыңилңӯт.

1е Иоанна 1:1

Та̄на пӣнлиӷьюхўа̄лъыӷмың аюқылӷӣ: нагақуқаҳпут, ысҳақаҳпут хўаңкута катам ийымнъың, ысҳапакаҳпут, ся̄фтыкаҳпут ӣхымнъың, та̄наңӯқ Акузин уңувалъық.

Откровение 22:17

Таӷныӷаклъю, Угӣӷнақылӷӣлъю пӣк: «Таги!» Тамаҳаӷмилъю нагалъҳӣ пили: «Таги!» Кина алңунак мықсюлӷӣ тагили; тугуклъиӷлигу акиңилңуқ мық уңувалъылитикаюк.