К Филиппийцам 2:14 - Новый Завет на эскимосском языке

¹⁴ Сяңўа̄ тамаҳа̄н пӣқитыху акузилгафқа̄фси, налиӷмың а̄ҳтӣра̄ӷутыфқа̄фси.

К Филиппийцам 2:14 Iomraidhean Croise

От Матфея 20:11

Акилыҳтӯсяңьямың қивра̄ӷутка̄т пӣтысиӷаӷвигым юга.

От Марка 14:5

Акиклъюкык алъхыӷуткынъаяҳтук 300 сӣпңалӷӣмун динарийемун ынка̄м акиңа тунқуӷнаяҳтуқ аклъюмалӷӣнун!» Та̄хкын аӷью̄қа̄т аӷнақ.

От Марка 9:14

Такуяқмыхтыки иляңи малихся̄ҳтыт, юлӷутыҳлъяк таўантутыфтуқ. Иляңита апыҳтуӷикаюгыт Лӣлиҳтӯсяның а̄ҳтӣра̄ӷақыфтӣт малихся̄ҳтыт.

От Луки 5:30

Фарисеитлъю, апыҳтуӷистыңитлъю Лӣлиҳтӯсят қикыҳқукат малихся̄ҳтыңанун: «Сяңан ныӷылгусиӷақыстыкилъю, мыӷылгусиӷақыстыкилъю налогмың қырңуҳтистытлъю, сыӷлыҳқыстытлъю?»

Деяния 15:2

Иўырңа Павелымлъю, Варнавамлъю ынңа̄талъ а̄ҳтӣра̄қӣт та̄кут югыт апыҳтӯсӣтның. Ынка̄м ухпықат накмикыхкӣт Павелылъю, Варнавалъю иляңилъю югыт Антиохиямың пикат, Иерусалимытысқылъюки а̄псяҳтӣсқылъюки апостолынилъю, Пресвитерытлъю қырңаӷмылңӯт налиқ апыҳтӯсяқ ылъқуӷутңатаңа.

Деяния 15:39

Павелымлъю, Варнавамлъю а̄ҳтӣра̄ӷуткыҳлъяглюку пылъыӷмун аӷуляқӯткак. Варнавам кылъқылъюку Марка аңьяҳпахкун Кипрымун пикақ.

Деяния 15:7

Акузиткынъыҳпахлъяка̄т. Та̄хкын Петырым ныкывлюни пикӣ: «Ухпықа̄лгутымни, лӣсимакаҳси қавңақ Кияӷныӷым накмикыхкақа̄ңа язычнигнун уңипақисқылъюңа Пинилӷӣның Уңипаның ухпыӷысқылъюки.

Деяния 6:1

Тама̄ни аӷныӷни ухпықат нуляңулюки Грегыстун акузикаюгыт Иудеит сыӷлыӷьюкат, Еврейистун акузикаюгның Иудеяның, қаюҳлъяк угиңиӷаҳтӣтың аклъюкыхкӣтның тӯнля̄ӷигалъкаңит. Ынка̄м йӣлъхикӣт: «Аҳутаңа тамаҳа̄н уйыхтистыт палясқуҳа̄н тӯнақӣт хўаңкута угиңиӷапут».

К Римлянам 12:18

Пияҳқа̄кан, пӣқитыху сяңўа̄ пияҳқаҳси кияҳтысқылъюси ныкыхмылъюси тамаҳа̄нун.

К Римлянам 14:1

Упуӷатыху ю̄к ухпықилъыҳқыста̄ҳақ акулыхпысинилңуқ. А̄ҳтӣра̄ӷусиқыхпына̄н сяңўа̄ ухпықыхка̄ ылъқуӷутңатаңа налиӷмың анахутңатаңа.

К Римлянам 16:17

Ухпықа̄лгутымни, қылӷамси кылыңасқылъюси тама̄куның а̄фқӯтыстикаюгның, тунутыстилӷӣның югыт ухпықилъҳитның, кипулъхина̄лӷӣның апыҳтӯсяның лӣткаҳпысиның. Иқитңатык тама̄куның.

1е Коринфянам 10:10

Акузилгаҳпынаси иляңистун. Яқулгым туқустикаюгым туқуқуқақӣ иляңи сивуныпут қаюҳлъяк акузилга̄ткақыхкаңат Кияӷнық.

2е Коринфянам 12:20

Сюмыӷьялиткақамси лъпысинун ка̄скума ысҳақумси алъякнаюкамси хўаңа сиӷимакылъымның. Лъпысилъю хўаңа ысҳақуфсиңа алъякнаюкафсиңа сиӷимакылъыҳпысиның. Сюмыӷьялиткақамси аӷиватңунаюкафси, ақинакутңунаюкафси, сякша̄тутңунаюкафси, лъңина̄югутңунаюкафси, сыӷлықӯӷутңунаюкафси, йӣлъхитңунаюкафси, қука̄югутңунаюкафси, сю̄хлъиқутңунаюкафси.

К Галатам 5:15

Иўырңа лъпысиның қаниқунъақңукуфсилъю пилъюгунъақңукуфсилъю угиҳсялӷӣстун тыӷикусястун, кылыңатык, қаюҳлъяк на̄фқутунъақуси.

К Галатам 5:26

Қука̄югныӷуфқа̄мта, қинуюхтифқа̄мта, ақинакутыфқа̄мта.

К Филиппийцам 2:3

Лъңина̄югныӷухпынаси, а̄ңа̄югныӷухпынаси. Йыӷлыги қусывгутулъюси, иляхпысиның пиниӷатаӷаӷнилюси сюмыҳтаӷаҳпынаси.

1е Фессалоникийцам 5:13

Сӣвакыҳлъягақитыкилъю, пиниқақитыкилъю апалъюқлъюки қыпҳалъҳит. Ныкыхмытулъюси пӣқитык.

1е Фессалоникийцам 5:15

Ўатаҳлъяк акисяқунаки сыӷлытун пистыси иўырңа пинитун пӣқитыки иляси, қамахлъюкилъю югыт.

К Евреям 12:14

Кияҳнақитык ныкыхмытулъюси тамаҳа̄нун югнун, кияҳнақитыклъю сыӷлыҳқылъңунаси. Килъю алңунак пылюңинъыӷилңӯт ысҳаӷна̄нӷита̄т Атанық.

От Иакова 1:20

қаюҳлъяк сякша̄м каюсӣсигатӣси пинитун кияҳта̄лъыӷмун Кияӷныӷым пиюкыхка̄нун.

От Иакова 3:14

Иўырңа илюхпысигун ақинаңакуфсилъю, лъңӣна̄югныӷукуфсилъю иқлъыңиқуткыхпына̄н ипапиҳқылъық, қаӷьялъыҳпысигун лӣсиманилюси.

От Иакова 5:9

Ухпықа̄лгутымни, сыӷлықӯҳпынаки иляси ынка̄м Атанӷым нанқихныӷилъиси. Лъңаңӯқ Нанқихтиста ка̄сяҳтуңысталӷӣ.

1е Петра 3:11

Сыӷлытун пинаниӷлюни, пинитун пили. Ныкыхмынъақлъюнилъю кияҳлъи,

1е Петра 4:9

Упуӷанӷулюси қикыҳқуфқа̄фси.

От Иуды 1:16

Тама̄кут югыт қӯнпың тымңи акузилгаҳлъягыт, ыфқуӷуткигалъкаңит сяңўа̄т алңунак. Сяңўа̄т алңунак сыӷлыҳқусит атуқсюныӷмыхтыки атуқақӣт, пинӣюгныҳлъягыт, усюқңӯҳтақӣтлъю килъю сямың қилӣӷвикныӷмыхтыки.