К Филиппийцам 2:12 - Новый Завет на эскимосском языке

¹² Ынка̄ңам пиниқыхкамни, лъпысинилъюңа қа̄ткумаңинақақаҳпысиңа, ма̄тын авӣлъымни қа̄ткатаӷаҳтыңъа. Ӣӷўиҳтысқылъюку югулилъыҳси қыпҳа̄маңинаҳтык алиңылъылиӷлюсилъю, уңылыхтылъылиӷлюсилъю;

К Филиппийцам 2:12 Iomraidhean Croise

От Матфея 11:12

Иоанн Крестителым уңипақиюха̄лъҳаның хўавымун кынляңа, сю̄хлъюгыт ўаяӷнақуткақа̄т Атаныҳпагулъҳа Қилягым.

От Матфея 11:29

Ӣсқаӷмӣтахка а̄лъюкык лӣтивикитыңъа, қаюҳлъяк якумаңинъыӷитуңа, илюка қусывыгңа̄қ. Ынка̄м мыӷна̄лилъықуси уңувасиҳпысинун.

Деяния 16:29

Анусимиңлъяӷвигым умӣлга кыныӷмың туңсиӷлюни ӣтқаҳтыкақ. Алиңрӯӷым уңылыхсимаӷми Павелымлъю, Силамлъю манухкынкун сыгысқуҳтыкақ.

Деяния 9:6

Макылъютын агля̄ Дамаскымун, таўани китум уңипа̄лъықа̄тын натын пилъыҳқаҳпының».

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

1е Коринфянам 15:58

Ынка̄ңам, пиниқыхкамни ухпықа̄лгутымни, кая̄лъқӣлъыҳқаҳпут ипапыстаӷутаңаның, ухпылъыси аӷулӣтыслъюки, нӯхаҳтафқа̄фси, қӯнпың қыпҳаҳтыху Атанӷым қыпҳақа̄. Лӣсимакаҳси Атаныҳқун қыпҳалъыҳси аваңинъыӷитуқ.

1е Коринфянам 2:3

Лъпысинитақңама тытуга̄тақа̄гуңа, алиңрӯқа̄гуңа, уңылыхтыка̄гуңалъю.

1е Коринфянам 4:14

Письмонӷитуңа кайңуюхналюси. Иўырңа пиниқыпихлъюси хўаңа катам таӷнуҳақылӷистун лӣлиҳтуӷьюгақамси кияҳта̄лъыҳқаҳпысиның.

2е Коринфянам 7:15

Ынка̄м Титым ўанлыги пиниқа̄ҳтӣси сюмыҳтаӷа̄ткынъыӷминигу қа̄ткутңалъыҳси лъңанун. Упуӷаткақыхкысилъю алиңылъылиӷлюси, уңылъыхтылъылиӷлюси.

К Ефесянам 6:5

Қыпҳаҳтыля̄ӷни, алиңылъылиӷлюсилъю, уңылыхлъылиӷлюсилъю қа̄ткитыки пилӣтистыси нунами хўани. Ипапиҳқылъюси қыпҳа̄тақитыки, катам Христос қыпҳа̄тылъыҳпысистун.

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Филиппийцам 1:29

Лъпысинун қыпҳа̄сяқлъыгуҳтыстыкақа̄ Христос, ухпықңинаҳпына̄н, икфиқылгусиқысилъю.

К Филиппийцам 1:5

қаюҳлъяк нықамикақа уңипақилгусиқақаҳпысиңа Пинилӷӣның Уңипаның. Каюсиқақаҳпысиңа ухпықиюха̄лъыҳпысиның Пинилӷӣның Уңипаның хўавымун кынляңа.

К Филиппийцам 1:6

Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

К Филиппийцам 2:19

Атанӷым пиюкылъқыхкагу, Тимофей каяхсяҳтуңыстаӷақа лъпысинун. Ынка̄м қуялъықуңа уңипаңыхкума лъпысиның.

К Филиппийцам 4:1

Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун.

К Филиппийцам 4:15

Лъпыси Филиппыйыӷмӣни, лӣсимакңўа̄ӷаҳси аӷуляқақңама Македониямың, уңипақиюхўа̄ӷақңама Пинилӷӣның Уңипаның, лъңина̄гуси ухпықани каюсиӷикат хўаңамның. Лъңина̄гуси илятңалӷӣт алъхыӷутылъымнунлъю, ифлъӣлъымнунлъю.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.

К Евреям 12:1

Қамахлъютың тама̄кут югыт лӣгикыстӣлъю ухпықилъыӷмыхның натын кияҳтылъыӷмыхтыхун. Ма̄тын увитаңиӷлюта ысҳапагақӣлъю. Ынка̄м килга̄қустыстун иқитылътыки қамахлъюки уқихкутат, сыӷлыҳқылъҳытлъю иглягулъҳӣт хўаңкунъун. Сягиқлъютаңам килга̄қулъта сивумнъилңуӷмун,

К Евреям 4:1

Кияӷныӷым акықуся̄ югнун аӷулӣтуқ ӣтҳысқылъюки мыӷна̄ливигминун. Иўырңа алиңылъта лю̄рақ налиҳси нӯҳунъаюкан итыҳпынани мыӷна̄ливиганун.

К Евреям 4:11

Тама̄кын апалъюқлъюку итыӷнақыҳлъягылъта Кияӷныӷым мыӷна̄ливиганун. Қа̄ткынӷитыфқа̄н пилътыху Кияӷнық сивунымта пилъҳистун.

К Евреям 5:9

Апыӷӣӷьягу қамахлъюку Кияӷныӷым писқылъҳа, Иисусыңуҳтуқ кынлыңилңуӷмың югулилъыңыстияҳқақ тамаҳа̄нун қа̄ткулъҳӣнун лъңанун.

1е Петра 2:11

Илякумта̄мни, нуната̄гусилъю, алъяныҳта̄гусилъю нунами хўани. Ынка̄м кайымамси иляпхатыхпынаси югусиҳпыси пиюкылъҳанун, қаюҳлъяк югусим пиюкылъҳан пилъюўа̄ңўа̄ уңувасиҳси.

2е Петра 3:18

Иўырңа нагныҳтык ўатақа̄ӷақ лӣсимаклъюку Иисус Христос, Атаныҳпут, Югулиӷистывут, нагныҳтыклъю ўатақа̄ӷақ пиниқылъҳакун. Ынка̄м Христос усюқылътыху, қӯлва̄лътыху ма̄тын, қӯнпырухлъяклъю! Аминь.