К Филиппийцам 2:10 - Новый Завет на эскимосском языке

^10-11 Ынка̄ңам қамахтыңъўа̄ӷлюни қилягмылңӯм, нунамылңӯм, нунам асиңанилңӯм қӯлваҳлъықа̄т Иисус қуңуҳқӯтылъыӷмыхтыхунлъю, апылъыӷмыхтыхунлъю: «Иисус Христос Атанӷӯқ». Таўатын пилъыӷмыхтыхун қӯлваҳлъықа̄т Кияӷнық Ата.

К Филиппийцам 2:10 Iomraidhean Croise

От Матфея 12:40

Иона иқалъюгрухлъягым ақсяқҳўанитка̄гуқ пиңают аӷныӷыт, пиңают унугыт. Таўатыҳпигақ Иӷныӷа Югым сямансяҳқа̄гуқ нунами пиңают аӷныӷыт, пиңают унугыт.

От Матфея 27:29

Та̄хкын сикуҳлъюхтуқамың аваямың қаҳпаңлъяӷлюку на̄сқўакун а̄тыстыка̄т. Аӷынқигныӷанлъю ӣхакун тугуслъюку унаҳсӣӷўақ, сыгысқуҳқӯлъютың сивуңакун лыгасӣӷўа̄ткыхка̄т. Пика̄т: «Қӯлваӷамкын Умӣлгат Иудеит!»

От Матфея 28:18

Иисусым такулюки пикӣ: «Қамахлъюни аҳтуӷьяҳқа̄нӷилъық қилягмилъю, нунамилъю хўаңамнун тагивақа̄гуқ.

К Римлянам 11:4

Иўырңа Кияӷныӷым пикақа̄: «Паниның 7,000мың юлгӯңа манигӯсигалңӯт кияӷныңлъяқамун Ваалымун».

К Ефесянам 1:10

Кияӷныӷым успықылъыни апыӷӣҳлъықа̄ пилъыҳқаҳлъюгўа̄ӷми. Қамахтыңъўа̄ӷлюки улима̄ни қилягмылңӯтлъю, нунамылңӯтлъю қырңуҳлъықӣ, Христосымун иглыӷутысқылъюки.

К Ефесянам 3:14

Ынка̄м та̄на апалъюқлъюку сыгысқуҳтуңа сивуңани Атам.

К Ефесянам 4:9

Сямың писӣўа: «Маюқа̄гуқ»? Хўатын писӣгуқ, сивуклъюни укика̄гуқ сямавык асилиӷныӷанун нунам.

К Евреям 1:6

Кияӷныӷым каяхсяҳқа̄ҳсямигу Иӷнықсюхўа̄ни нунамун, хўатынлъю пика̄гуқ: «Йықай қамахлъютың Кияӷныӷым яқулгита манигуӷлитху».

Откровение 20:13

Та̄хкын кылъӣм туқумастӣни пыхтӣ. Туқулъҳымлъю, Адымлъю туқумаститың пыхтӣт. Қамахтыңъўа̄ӷлюки Кияӷныӷым нанқихтӣ кияҳта̄лъҳистун.

Откровение 4:10

югинақ стамат сӣпнықлъюки утфат нӣнӷутақут сивуңакун ақумгалӷӣм умӣлгусим ақумутаҳлъягыхкынун, манигуӷақа̄т кияҳлъыҳӣ қӯнпырухлъяк кынлыңуна̄н. Та̄кут пресвитерыт қаҳпатың матаҳлъюки лъӣқӣт сивуңакун умӣлгусим ақумутаҳлъягыхкынка, ынка̄м илягаӷақут:

Откровение 5:3

Та̄ўа аваңитуқ китумың алңунак қилягми, налиӷмың нунами, налиӷмың нунам асиңани итагналӷӣ қылъпыҳсяҳқа̄люки ӣмгат игат, ысҳаӷьяҳқа̄люкилъю илюңит.