К Филиппийцам 2:1 - Новый Завет на эскимосском языке

¹ Кияҳта̄лъыҳпыси Христосыкун икнақуҳтисӣ? Пиниқылъҳан илютуҳтисӣ? Қуя̄стык ата̄систун лъӣлӷӣси ухпықа̄лгуткулъҳӣни Аглыӷналӷӣгныкун Таӷныӷагныкун? Пинитун пӣқыстыкӣ, наңлъыкақыстыкӣ иляси?

К Филиппийцам 2:1 Iomraidhean Croise

От Луки 2:25

Иерусалимымытыфтуқ ю̄к, а̄тҳа Симеон. Қа̄ткутңалӷӣлъю, манигӯткаюклъю Кияӷныӷмун. Утақӣңулӷӣ Кияӷныӷмун югулисқылъюки Израилыӷмӣт. Аглыӷналӷӣк Таӷныӷак лъңанилңӯк.

От Иоанна 14:18

Унинъа̄нӷитамси лъңинаҳаҳпыси яйўа̄листун. Тагинқихлъықуңа лъпысинун.

От Иоанна 14:27

Унивикамси ныкыхмылъыӷмың. Ныкыхмылъқа тӯнақа лъпысинун. Нунам тӯнылъҳатун тӯныӷитамси. Ынка̄м илюси сыӷлылӣҳтыстыхпынаки талўа алиңыхпынаси.

От Иоанна 17:13

Хўа̄ ма̄тын лъпынун агляӷнақуңа. Иўырңа таўатын юӷаҳтуңа паниның нунамылъюңа, қуялъқа илюңитнитысқылъюку хўаңа пима.

Деяния 2:46

Аҳутаңа тамаҳа̄н қырңуӷутақылӷӣт Храмыми. Ныӷылгутыңлъяӷақлъюки илятың, қуякусиқинаӷлюки нықытың упуӷатусиқақыхкаңит.

Деяния 4:32

Апостолыт аҳтуӷьяҳқа̄нӷилъылиҳлъяглютың уңипақыхка̄т Атанық Иисус уңувақа̄нилюку туқулъыӷмың. Кияӷныӷым қуястыҳлъягукаңилъю қамахлъюки ухпықат. Ухпықат ата̄систун лъӣқат илюмыхтыхунлъю, уңувасимыхтыхунлъю. Ынка̄м кина алңунак пиңигалңуқ сяӷьятың лъңинаӷмыхнун пикнилюки, атуным атуқақыхкаңит.

К Римлянам 5:5

Та̄м сиӷималъҳым ӣлъқамиқна̄нӷитӣлъю қаюҳлъяк Кияӷныӷым кӯвыхкақа̄ пиниқылъыни қамавык илюмнъун Аглыӷналӷӣгныкун Таӷныӷагныкун, Кияӷныӷым тӯныхкамикун хўаңкунъун.

К Римлянам 8:26

Таўатыҳпигақ Таӷныӷам каюсиӷақӣлъю кая̄тылъымнъи, қаюҳлъяк налъюкылӷӣкут натын юӷалъыҳқақсяқымтыстун. Иўырңа Таӷныӷам лъңаның катам юӷа̄тақӣлъю Кияӷныӷмун ңилъыхтылъыҳлъяхкун акузитңуна̄н.

1е Коринфянам 12:13

Қамахлъюки ухпықат налиӷнықуӷӣ Христосым югусӣн. Иляпут Иудеяңӯт, иляңи язычнигыт, иляңи қыпҳаҳтыля̄ӷыт, иляңи қыпҳаҳтыля̄ӷунӷитут. Иўырңа қамахлъюта крестиӷыка̄гукут та̄хун ата̄сикун Аглыӷналӷӣгныкун Таӷныӷагныкун, Христосымун югусилӣтысқылъюта. Қамахлъюта тугуклъиқақахпут ата̄сик Таӷныӷак.

1е Коринфянам 15:31

Ипаңӯқ туқусяқлъыхӣнақ аюқа̄тңа аҳутаңа тамаҳа̄н. Катам лӣсимакылъыҳпысистун қуякылъқа ухпылъыҳси аңлилӷӣ Христос Иисусыкун Атанымтыхун. Таўатыҳпигақ ипапиҳқуткысяҳқақаҳси туқусяқлъыхӣнақ аюқыхкаңатңа аҳутаңа тамаҳа̄н.

1е Коринфянам 3:16

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

2е Коринфянам 13:14

Наңлъыхталъҳа Атанӷым Иисус Христосым, пиниқылъҳалъю Кияӷныӷым, қырңаӷмытылъҳалъю Аглыӷналӷӣм Таӷныӷам лъпысинилъи.

2е Коринфянам 2:14

Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун.

К Галатам 4:6

Лъпыси авақутақутминың Кияӷныӷым, Иӷныӷми Таӷныӷакык каяхтыкақа̄к илюмнъун, қывулъютык пикак: «Авва, Ата!»

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Ефесянам 4:4

Ата̄сӣгуқ югусиқ, ата̄сӣгуклъю Таӷныӷак, катам таўатын ата̄симун сиӷималъыӷмун Кияӷныӷым тахсиӷӣси.

К Филиппийцам 1:8

Кияӷнық лӣсимакистыкақа ысҳаӷьюпихтақамси, қаюҳлъяк қамахлъюси пиниқамси Христос Иисусым пиниқылъҳатун лъпыси.

К Филиппийцам 3:3

Хўаңкутаңӯкут ухпықани обрезанияпӣўа̄қани қаюҳлъяк манигуӷақаҳпут Кияӷнық Таӷныӷахкынкун, усюқақаҳпутлъю Христос Иисус. Ныӷьюңигатукутлъю Кияӷныӷмун пилӣтысқылъюта хўаңкута катам сялъымтыхун.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

К Колоссянам 3:12

Кияӷныӷым юкӣси аглыӷналӷӣт, пиниқыпихтӣсилъю. Накмикыхкақӣси. Ынка̄м наңлъыхтаӷлюси, наңлъыкилюси, қусывыхлъюси, якуқлъюси, нуқынъыҳтулюсилъю.

К Евреям 6:18

Кияӷныӷым таўатын кайымилъю. Кияӷнық иқлъыңиқигатуқ акықиныӷмини, иқлъыңиқна̄нӷитуқлъю акықикуми атуқлъюку атыни ипапиҳқынъалюку пияҳқақутни. Та̄кук алъяңуҳтықаҳна̄нӷитук. Хўаңкута анагнӣқани Кияӷныӷмун пақнӣнъалюта, кайымылъыңыҳлъяхтукут сиӷимакналюку Кияӷныӷым акықуся̄.

1е Петра 1:2

Ныӷиӷлюку Кияӷныӷым Атам накмикыхкақӣси лъңанун югулюси, Аглыӷналӷӣмлъю Таӷныӷам пылюңиҳсяқақӣси. Таўатын пика̄гуқ қа̄ткутысқылъюси Иисус Христосымун, укмаңӣҳтысқылъюсилъю а̄ўакун. Кияӷныӷым каюсилъҳалъю, ныкыхмылъҳалъю ўата нулялик лъпысинун.

1е Иоанна 3:24

Китум алңунак қа̄ткыхкумики Кияӷныӷым қылӷӯсӣ кияҳтыңъӯқ Кияӷныӷми, Кияӷнық лъңани. Хўатын ысҳа лӣсимакыхкыфут Кияӷныӷым хўаңкунъитылъҳа: Таӷныӷагныкун тӯныхкамикун хўаңкунъун.

1е Иоанна 4:12

Китум алңунак ысҳӣгатңўа̄ӷа̄ Кияӷнық; пиниқускумта Кияӷнық кияҳтыңъӯқ илюмнъи, пиниқылъҳалъю ӣӷўиӷьяҳқа̄гуқ илюмнъи.

1е Иоанна 4:16

Ынка̄м хўаңкута лӣсимакаҳпутлъю, ухпықаҳпутлъю Кияӷныӷым пиниқылъҳа хўаңкунъун. Кияӷнық пиниқылъҳӯқ, ынка̄м кина алңунак кияҳлъыҳӣ пиниқылъыӷми кияҳтыңъӯқ Кияӷныӷми, Кияӷнық лъңани.