К Филиппийцам 1:8 - Новый Завет на эскимосском языке

⁸ Кияӷнық лӣсимакистыкақа ысҳаӷьюпихтақамси, қаюҳлъяк қамахлъюси пиниқамси Христос Иисусым пиниқылъҳатун лъпыси.

К Филиппийцам 1:8 Iomraidhean Croise

От Луки 1:78

қаюҳлъяк Кияӷныҳпут наңлъыхтаҳлъяхтуқ. Каяхлъықа̄ Югуӷлиӷиста, лъңа сиқинӷым пӣтыкысталъҳатун аюқсяҳқа̄гуқ

К Римлянам 1:9

Пинақылъқа қамахлъюку қыпҳа̄тақақа Кияӷнық, уңипақналюки Пинилӷӣт Уңипат Иӷныӷаның аюқылӷӣт. Кияӷнық лӣсимакистыкақа қӯнпың юӷа̄ткыңъукымси.

К Римлянам 9:1

Апыӷьюкақа лъпысинун ипаңӯқ. Иқлъыңиқңунӷитуңа қаюҳлъяк Христосым пика̄ңа, Аглыӷналӷӣм Таӷныӷамлъю иглыӷутңўа̄к умьюгахка.

2е Коринфянам 13:9

Қуя̄қукут кая̄нъымта, икнақңуныҳпысини. Ынка̄м юӷа̄ткақамси выӷунъықихтысқылъюси кияҳтысқысюлъҳанун Кияӷныӷым.

2е Коринфянам 6:12

Нуқныӷусимаңитамси пиниқылъымнъың, иўырңа лъпысиңӯт нуқныӷутикат пиниқилъыҳпысиның хўаңкунъун.

2е Коринфянам 7:15

Ынка̄м Титым ўанлыги пиниқа̄ҳтӣси сюмыҳтаӷа̄ткынъыӷминигу қа̄ткутңалъыҳси лъңанун. Упуӷаткақыхкысилъю алиңылъылиӷлюси, уңылъыхтылъылиӷлюси.

К Галатам 1:20

А̄пқанка укут ипаңӯт, Кияӷныӷым лӣсимака̄ңа иқлъыңиқңунӷитуңа.

К Галатам 3:26

Ухпықилъыҳпысигун Христос Иисусыкун, қамахлъюси Кияӷныӷым авақутақӣси.

К Галатам 4:19

Таӷнуҳаҳамни, катам аӷнам ақниҳқылъҳатун иӷниюлъыӷмини хўаңалъю таўатын ақниҳқуткынъықихтыңъўа̄мси кынляңа Христосытун лъӣлъыҳқаҳпысинун.

К Филиппийцам 2:1

Кияҳта̄лъыҳпыси Христосыкун икнақуҳтисӣ? Пиниқылъҳан илютуҳтисӣ? Қуя̄стык ата̄систун лъӣлӷӣси ухпықа̄лгуткулъҳӣни Аглыӷналӷӣгныкун Таӷныӷагныкун? Пинитун пӣқыстыкӣ, наңлъыкақыстыкӣ иляси?

К Филиппийцам 2:26

Агляҳтыснақақа лъпысинун қаюҳлъяк аӷьюқңӯқ. Пыңгақӣси қаюҳлъяк нагақуқақыхкыси қинуюлъҳаның.

К Филиппийцам 4:1

Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун.

К Колоссянам 2:1

Уңипа̄таҳлъямси та̄куңинаҳа̄гның қыпҳа̄тилъымның лъпысинун, ухпықанунлъю Лаодикиямылңуӷнун, тамаҳа̄нунлъю ысҳа̄сигалңуӷның хўаңамның.

К Колоссянам 3:12

Кияӷныӷым юкӣси аглыӷналӷӣт, пиниқыпихтӣсилъю. Накмикыхкақӣси. Ынка̄м наңлъыхтаӷлюси, наңлъыкилюси, қусывыхлъюси, якуқлъюси, нуқынъыҳтулюсилъю.

1е Фессалоникийцам 2:5

Лӣсимакаҳси усюқӯҳсяҳтӯнӷитамси налиӷмың сякыңвиксяҳтӯнӷитамси. Кияӷнық лӣсимакистыкаҳпут.

1е Фессалоникийцам 2:8

Пиниқыпихтамси, ынка̄м қуякусиқинаӷлюку лъпысинун лӣсимакысюгапут Кияӷныӷым Пинилӷӣт Уңипӣ. Пинилӷӣңина̄т Уңипат пихпынаки, қуякусиқинаӷлюку сямың тамаҳа̄ның каюсиӷьюглюси аюқамси, қаюҳлъяк пиниқсялӣткақамси.

2е Тимофею 1:4

Ысҳаӷьюпихтақамкын алъямың, қаюҳлъяк нықамикақа пылъҳутутақңамтуң қияка̄лӷӣтын. Ынка̄м қуяҳлъяхлъықуңа қырңуӷунъықихтыкумтуң.

К Филимону 1:12

Онисим лъпынун агляҳтыснақақа, лыганқун илюка малигунъақуқ лъңакун.

К Филимону 1:20

А̄а, ухпықа̄лгутымни, а̄пфикамкын Атаныҳқун тугуклъӣсқылъюку Онисим. Таўатын пикувык қуяслъықаҳпыңа Христосыкун!

1е Иоанна 3:17

Китум алңунак на̄маӷми кияҳта̄ӷым ысҳаӷлюку ухпықа̄лгутни аклъюмалӷӣ наңлъыкынӷилъкумигу, натынңам Кияӷныӷым пиниқылъҳа илюңанилъықа?