К Филиппийцам 1:7 - Новый Завет на эскимосском языке

⁷ Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Филиппийцам 1:7 Iomraidhean Croise

Деяния 20:23

Иўырңақун тамаҳӣтни нунани такукамни Аглыӷналӷӣм Таӷныӷам уңипа̄тақа̄ңа Иерусалимыми сыӷлылӣҳлъықнилюңалъю, анусимиңлъяҳлъықнилюңалъю югнун.

Деяния 21:33

Та̄хкын пилъюўаҳтыт умӣлгита тугулюку Павел асиҳқыстыка̄ малӷугныӷның қӣпшаӷутның. Пилъюўаҳтыт умӣлгита а̄птыкӣ: «Кинаңа̄ўа уна ю̄к? Сяма̄?»

1е Коринфянам 13:7

Пиниқылъық ата̄сӣӷмытуқ сяңўа̄ сяяӷңа̄н. Ӣўлың ухпықиңа̄қ, ӣўлың ныӷьюкиңа̄қ, ӣўлың нуқынъыҳтӯқ.

1е Коринфянам 9:23

Таўатын пӣқуңа нагақӣсқықыҳлъюки Пинилӷӣның Уңипаның, қаюҳлъяк қуястылъыңақылӷӣңалъю ухпықынӷатху Христос.

2е Коринфянам 3:2

Лъпыси, лъпыси катам хўаңкута письмокамси, игақңа̄си илюмтыхун тамаңанун лӣсимакысқылъюсилъю атиҳтӣсқылъюси.

2е Коринфянам 7:3

Уңипа̄тңунӷитамси тама̄куның авуткынъалюси. Сивунӷани уңипа̄ткақамси пиниқыпихнилюси, ынка̄м кияҳтылгусиҳлъықамси налиӷмың туқулгусиҳлъықамси.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Ефесянам 3:1

Тама̄кын апалъюқлъюку, хўаңа, Павел, анусимиңлъяӷвигмытуңа қаюҳлъяк қыпҳа̄скыхка Христос Иисус лъпыси апалъюқлъюси язычнигни.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Ефесянам 6:20

Кияӷныӷым накмикыхкақа̄ңа акузистыңулюңа лъңанун. Ынка̄м тама̄кын апалъюқлъюку анусимиңлъяӷа̄гуңа қӣпшаӷусиӷлюңа. Юӷаҳтык уңипақиналюңа тытухпынаңа катам Кияӷныӷым пиюкылъҳатун.

К Филиппийцам 1:12

Ухпықа̄лгутымни, лъпысинун лӣсимакысюгақа анусимиңлъяӷвигмытылъыӷма ипапыста̄қ углялӷӣ ю̄к нагатыста̄ Пинилӷӣның Уңипаның.

К Филиппийцам 1:13

Тама̄кын апалъюқлъюку қамахлъютың умӣлгым мыңтыӷа̄н кылыңакистыңита лӣта̄т анусимиңлъяӷа̄гуңа қаюҳлъяк қыпҳаҳтыкыхкаңаңа Христосым.

К Филиппийцам 1:14

Анусимиңлъяӷвигмытылъыӷма алъюлъютың ухпықалӷутыт ухпықӣӷатаӷаҳтыстӣ Атаныҳқун. Ынка̄м ўата тытугнаниӷатаӷаҳтут уңипақныӷмыхтыху Христос.

К Филиппийцам 1:5

қаюҳлъяк нықамикақа уңипақилгусиқақаҳпысиңа Пинилӷӣның Уңипаның. Каюсиқақаҳпысиңа ухпықиюха̄лъыҳпысиның Пинилӷӣның Уңипаның хўавымун кынляңа.

К Филиппийцам 2:22

Иўырңа Тимофей лӣсимакңўа̄ӷаҳси натытуляңа. Иӷныӷыстун каю̄сӣткақа̄ңа уңипақиңулюңа Пинилӷӣның Уңипаның.

К Филиппийцам 4:14

Паниның лъпыси пинитуңўа̄қ каюсӣтақаҳпысиңа сыӷлылӣнымни.

К Филиппийцам 4:15

Лъпыси Филиппыйыӷмӣни, лӣсимакңўа̄ӷаҳси аӷуляқақңама Македониямың, уңипақиюхўа̄ӷақңама Пинилӷӣның Уңипаның, лъңина̄гуси ухпықани каюсиӷикат хўаңамның. Лъңина̄гуси илятңалӷӣт алъхыӷутылъымнунлъю, ифлъӣлъымнунлъю.

К Филиппийцам 4:3

Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.

К Колоссянам 4:18

Хўаңа, Павел, хўаңа катам ӣхымның уна игақақа. Нықамиклъюңа анусимиңлъяӷа̄гуңа, қӣпшаӷусиӷлюңа аюқуңа. Қамахлъюси сю̄мқақамси. Кияӷнық наңлъыхтаӷли лъпысини.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

1е Фессалоникийцам 5:5

Қамахлъюси авақутақӣси ниӷугым, авақутақӣсилъю аӷныӷым. Унугым пикынӷитӣлъю налиӷмың мамлыхлъягым.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

2е Тимофею 2:9

Икфиқңӯңа қаюҳлъяк уңипақыхкынка Пинилӷӣт Уңипат. Талўа қӣпшаӷусиӷлюңа аюқуңа лӣлиҳтӯсямың на̄фқӣстытун. Иўырңа акузитаңи Кияӷныӷым қӣпшаӷутңитут.

К Филимону 1:13

Хўаңамнитысюгуяӷақа каюсӣтысқылъюңа анусимиңлъяӷвигми, катам лъпык каюсӣнъаяқывңа ма̄нсяқувык. Лӣсимакыхкынқун анусимиңлъяӷа̄лӷӣңа Пинилӷӣт Уңипат апалъюқлъюки.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

1е Петра 4:13

Итупилъ қуятык илялъҳӣси Христосым икфиқылъҳанун қуяңаҳлъягысқылъюси ниӷуҳқылъҳа алӣҳтыкан.

1е Петра 5:1

Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.

2е Петра 1:13

Сюмымни итагнаҳтуқ нықамикыхкумси тама̄куның уңуваңулюңа.

1е Иоанна 3:14

Лӣсимакаҳпут туқумың алъпака̄гукут уңувалъыӷмун қаюҳлъяк пиниқыхкыпут ухпықа̄лгутыпут. Кина алңунак пиниқиңигалңуқ паниның туқумытуқ.