К Филиппийцам 1:6 - Новый Завет на эскимосском языке

⁶ Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

К Филиппийцам 1:6 Iomraidhean Croise

От Иоанна 6:29

Иисусым кӣмсиқӣ: «Лъпысинун қыпҳақақ Кияӷныӷым писқысюка̄ ысҳа уна: ухпықысқылъюку та̄на ата̄сиқ Кияӷныӷым каяхтыка̄».

Деяния 11:18

Таўатын Петырым пийистың қалъыгнаниӷлютың, йыӷлыги усюқыхка̄т Кияӷнық. Пикат: «Та̄ўа лӣгикаҳпут Кияӷныӷым талўа язычнигыт пилъыҳқалисимакаңи авутыҳқысқылъюки сыӷлыҳқылъҳитның, уңувалъыңысқылъюкилъю кынлыңилңуӷмың уңувалъыӷмың!»

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

1е Коринфянам 1:8

Кияӷныӷым ухпылъыси икнақуҳся̄маңинаӷна̄ӷӣ кынляңа киңулиҳпигаӷмун аӷныӷмун. Инқун анахутылъҳитысқылъюси Атаныҳпут Иисус Христос нанқихтикан югның.

2е Коринфянам 1:15

Қаюҳлъяк ипапиҳқуткыхкақақа қамахлъюку тама̄на, сивуклъюңа лъпысинун ля̄лиҳналюңа пика̄яҳтуңа, қуястылъыңнаюкафси малӷуҳқыңъа̄н.

2е Коринфянам 2:3

Тама̄кын апалъюқлъюку письмокақамси қаюҳлъяк лъпысинун пиюнӷилңӯңа қуянӷитыснаюкафсиңа, лъпыси қуянӷитыснаюкафсиңа, лъпыси қуястистымни. Ипапиҳқуткыңъўа̄қа уна, хўаңа қуяңанымни та̄ўа лъпысилъю қамахлъюси қуяңа̄қуси.

2е Коринфянам 7:16

Қуяҳлъягӯңа қаюҳлъяк ныӷьюкыҳлъяглюси аюқамси сямун тамаҳа̄нун!

2е Коринфянам 9:4

лю̄рақ Македонияӷмӣт иляңита малихнаюкаңатңа Коринфымун. Ысҳақумиси ята̄ҳқылъҳилъюси тунусяҳқаҳпысиның, та̄ўа хўаңкута кайңуся̄кылъықӣлъю, лъпысилъю кайңуюхлъықуси.

К Галатам 5:10

Лъпысилъю, хўаңалъю пикутаңаның Атанӷым, налъюнықсюкынӷитанка ухпықнанифқӣта апыҳтӯсянка лъпысинун писқылъюки. Лӣсимакақалъю Кияӷныӷым аӷью̄ҳлъықа̄ сыӷлылӣҳқилӷӣ лъпысиның, кинаңуяӷңа̄н.

К Ефесянам 4:12

Та̄кут тунусялиткақӣ апыҳтӣсқылъюки Кияӷныӷым юги лъңитнун қыпҳа̄тысқылъюку лъңа. Кияӷнық таўатын пика̄гуқ лъңитнун ныкыфтысқылъюку Христосым югусӣ.

К Филиппийцам 1:10

Таўатын лъӣқуфси кияҳтылъыҳпысини сяңўа̄ пинилъыҳпигақ накмикумаңинаӷьягулъықаҳси. Та̄хкын Христос тагинқихтыкан пылюңилъықусилъю, анахутылъҳилъықусилъю.

К Филиппийцам 1:29

Лъпысинун қыпҳа̄сяқлъыгуҳтыстыкақа̄ Христос, ухпықңинаҳпына̄н, икфиқылгусиқысилъю.

К Филиппийцам 2:12

Ынка̄ңам пиниқыхкамни, лъпысинилъюңа қа̄ткумаңинақақаҳпысиңа, ма̄тын авӣлъымни қа̄ткатаӷаҳтыңъа. Ӣӷўиҳтысқылъюку югулилъыҳси қыпҳа̄маңинаҳтык алиңылъылиӷлюсилъю, уңылыхтылъылиӷлюсилъю;

К Филиппийцам 2:13

қаюҳлъяк Кияӷнық қӯнпың қыпҳа̄гуқ лъпысини атуқсягутысқылъюку пиюкылъыни, қа̄ткусягутысқылъюсилъю пиюкылъыӷминун.

К Филиппийцам 2:16

уңипақиңулюси лъңитнун Христосымың уңувалъыңыстикаюгмың. Ынка̄м тагинқихтыкан қуяслъықаҳпысиңа ынңа̄талъ, қаюҳлъяк кияҳта̄лъыҳпыси кылгусяҳқақа̄ қыпҳалъқа тымңиңунӷилңуқ.

К Колоссянам 2:12

Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың.

1е Фессалоникийцам 1:3

Юӷанымта Кияӷныӷмун Атамнъун нықамикақаҳпут қыпҳалъыҳси ухпылъыҳпысигун, қыпҳалъыҳси пиниқылъыҳпысигун. Игамсиқаюгвикақаҳпутлъю ухпылъыҳси нагныӷускыси икнақлъюку қаюҳлъяк сиӷимаңулӷӣси Атанымтыхун Иисус Христосыкун.

2е Фессалоникийцам 1:11

Ынка̄м қӯнпың юӷа̄ткақамси хўатын: Кияӷныӷым апыӷлиси кияҳтыңъунилюси лъми кияҳтысқысюлъыӷмитун. Аҳтуӷьяҳқа̄нӷилъыӷмикунлъю на̄михлъигу қамахлъюку пиюкылъыҳси пинилъыӷмун, қыпҳалъҳилъю ухпықилъыҳпыси.

2е Фессалоникийцам 3:4

Атанӷым налъюнықнӣӷума̄ хўаңкунъун қа̄ткутңӯси қылылъымнъун, қа̄ткумаңинаҳлъықаҳсилъю.

К Филимону 1:21

Письмогамкын лӣсимакңўа̄ӷлюку қа̄ткысяҳқақан қылӷуткақа лъпынун, рыпалъ қа̄йӷулъюку пилъықутын.

К Евреям 10:35

Ынка̄ңам ӣлъқаюхпынаси қаюҳлъяк илютумаңинақуфси алъхыӷулъықуси акилыҳтӯсяҳлъягмың.

К Евреям 12:2

ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

1е Петра 5:10

Иўырңа натыңӣҳақ икфиқылъыҳпыси киңуңаның, Кияӷныӷым пиниқиңаҳлъягым тамаңанун, лъңан катам налъҳуся̄лъықӣси сямың тамаҳа̄ның. Ухпықилъыси икнақуҳсяҳлъықӣ, айыпсюгиҳсяҳлъықӣ, аӷулӣҳтыслъықӣ. Кияӷныӷым накмикыхкақӣси Христосыкун илятысқылъюси кынлыңилңуӷмун а̄ңылъыҳлъягминун.

2е Петра 3:10

Иўырңа Аӷныӷа Атанӷым тагилъықуқ тыглыгнӣҳтытун. Таўани Аӷныӷми қиляга авӣӷусяҳқа̄гуқ ыфтуӷӯтыҳлъягмың. Сяңўа̄т қамахлъютың қилягамылңӯт кынӷым уӷухлъықӣ. Қамахлъютыңлъю нунамылңӯт паныҳлъықут.