К Филиппийцам 1:4 - Новый Завет на эскимосском языке

⁴ Юӷа̄ткынъымси қуяпихтақуңа,

К Филиппийцам 1:4 Iomraidhean Croise

От Марка 5:5

Унухтӯма̄н, аӷныҳтӯма̄н иглыҳтақылӷӣ лъӣвӷыт қуңаңитнилъю, қыминилъю, қӯнпың араӷа̄та̄маӷми, уйӷахтыхун кӣтиқумаӷми лъңаның.

От Луки 15:10

Уңипа̄тамси, таўатыҳпигақ Кияӷныӷым яқулги қуя̄қут ата̄сиқ сыӷлыҳқыста авутыҳқылъюни сыӷлыҳқынъанилӷӣ».

От Луки 15:7

Уңипа̄тамси, таўатыҳпигақ қилягми қуякатаӷаҳлъықа̄т ата̄сиқ сыӷлыҳқыста авутыҳқылъюни сыӷлыҳқынъанилӷӣ, пакихулъюку та̄куның ю̄к стамат стаманың иңлюлыӷьягның пинилӷӣның югның авутыҳқысяҳқа̄нӷилңуӷның».

К Римлянам 1:9

Пинақылъқа қамахлъюку қыпҳа̄тақақа Кияӷнық, уңипақналюки Пинилӷӣт Уңипат Иӷныӷаның аюқылӷӣт. Кияӷнық лӣсимакистыкақа қӯнпың юӷа̄ткыңъукымси.

К Филиппийцам 2:2

Таўатытңукуфси, қуямастыҳлъяхтыңъа пиниқутылъыҳпысигун, ата̄систун сюмыҳтаӷаткаҳтыкилъю, ата̄систун пилъыҳпысигун.

К Филиппийцам 3:18

Сивунӷани угляӷңа̄н уңипа̄та̄тақақамси, ма̄тын уңипа̄нъақлъя̄таӷамси қунитӯмаӷма. Угля̄пихтут кияҳлъыҳӣт аңуягулютың Христосым туқулъҳаның қақӯракун.

К Филиппийцам 4:1

Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун.

К Колоссянам 2:5

Қайўа уявансяӷңа̄ӷма лъпысиның, умьюгамкун лъпысинитақуңа. Қуя̄ңа қаюҳлъяк кияҳлъыҳӣси Кияӷныӷым писқылъҳатун, ухпықилъыҳсилъю Христосыкун аӷулӣлңуқ.

1е Фессалоникийцам 1:2

Қӯнпың игамсиқаюгвикақаҳпут Кияӷнық тамаҳаҳпысинун, ӣўлыңлъю юӷа̄ткақамси.

К Филимону 1:7

Ухпықа̄лгутымни, пиниқилъыҳпык Кияӷныӷым юганун қуястыҳлъяга̄ңалъю, кайыма̄ңалъю! Пиниқылъыҳпык қуястӣ Кияӷныӷым юги.

2е Иоанна 1:4

Қуяпихтыка̄гуңа нагақуӷлюки иляңи авақутаҳтын кияҳтыңъунилюки ипапиҳқылъыҳқун таўатыҳпигақ Атам қылылъҳатун хўаңкута.