К Филиппийцам 1:23 - Новый Завет на эскимосском языке

²³ Кукшиқңӯңа налихкының накмӣлъыҳқамның. Аӷуляқсюпихтақсяҳтуңа Христосымынъалюңа, қаюҳлъяк пиниӷатаӷаӷьяҳқа̄гуқ та̄на.

К Филиппийцам 1:23 Iomraidhean Croise

От Луки 12:50

Иўырңа та̄м сивуңани крестиӷьяҳқа̄гуңа икфиқылъыҳқунлъю, туқулъыҳқунлъю. Ынка̄м сыӷлылӣҳлъягӯңа кынляңа крестилъыӷма апыӷӣлъҳанун.

От Луки 23:43

Иисусым пика̄: «Ипа уңипа̄тамкын, аӷныӷми хўани хўаңамнилъықутын Райеми».

От Луки 8:38

Ю̄к туӷныӷаҳтуҳлъягьялӷӣ а̄пуқӯтка̄ялӷӣ Иисусымун малигунъалюни, иўырңа Иисусым аӷуляқысқыхка̄. Пика̄:

От Иоанна 12:26

Китум алңунак қыпҳа̄сюкумиңа малихсяҳқақа̄ңа. Ынка̄м қыпҳаҳтыка хўаңамнисяҳқа̄гуқ на̄нсяӷңа̄ӷма. Атама қӯлваӷьяҳқақа̄ кина алңунак қыпҳа̄тилӷӣ хўаңамның.

От Иоанна 13:1

Ата̄сӣҳтыкақ аӷнық Пасхам Нықынӷаҳқылъыҳқа̄нун. Иисусым лӣсимакыхкаңа қантаӷақун Атамун аглялъыҳқани унилъюку уна нуна. Қӯнпың пиниқыхкақӣ тама̄кут лъми пини нунамылңӯт, пиниқыхкақӣ кынлымун.

От Иоанна 14:3

Ята̄ҳқунъыӷмың апыӷӣқумси тагинқихлъюңа тугуклъиҳлъықамси, хўаңамнитысқылъюси кияҳфимни.

От Иоанна 17:24

Ата̄й, укут югыт тагивақаҳтын хўаңамнитысюўақанка, лъңитнун ысҳӣсқылъюку ниӷуҳқылъқа. Пиниқутыхпының та̄на ниӷуҳқылъық тагивақақан сивуңани нунаңлъялъҳым.

Деяния 7:59

Хўа̄ уйӷагым тыкиқаӷвикңатни Стефан юӷақақ: «Атанық Иисус, таӷныӷахка тугуклъиҳқык».

2е Коринфянам 5:8

Ынка̄м илюта̄қукут. Унисюгақапут югусипут нымынъалюта Атаныӷми.

2е Коринфянам 6:12

Нуқныӷусимаңитамси пиниқылъымнъың, иўырңа лъпысиңӯт нуқныӷутикат пиниқилъыҳпысиның хўаңкунъун.

К Филиппийцам 1:24

Иўырңа мыгнунаӷатаӷаҳтуқ лъпыси апалъюқлъюси уңуваңӯңа.

1е Фессалоникийцам 2:1

Ухпықа̄лгутымнъи, лӣсимакаҳси лъпысинун пилъыҳпут тымңиңунӷитка̄гуқ.

1е Фессалоникийцам 2:13

Игамсиқаюгвикумаңина̄ңўа̄ҳпутлъю Кияӷнық уна апалъюқлъюку: хўаңкунъың нагақуӷлюку тугуклъиӷаҳси Кияӷныӷым уңипа̄. Лъпыси тугуклъиӷаҳси Кияӷныӷмың уңипа̄, нака̄н югның уңипа̄люку. Та̄наңӯқ Кияӷныӷым уңипаҳпига̄ қыпҳалӷӣ лъпысини ухпықилӷӣни.

1е Фессалоникийцам 4:17

Та̄хкын хўаңкута уңувалӷӣни уныхтыкани, Кияӷныӷым қырңуӷутыслъюта, лъңитнун, ҳатаӷаҳта̄тыслъықӣнкутлъю қилягўа̄ӷнун па̄йӷысқылъюку Атанық ыслъями. Ынка̄м Атаныӷмылъықукут қӯнпырухлъяк.

2е Тимофею 4:6

Хўаңа аҳқуткысяҳқа̄ҳсима̄ңа Кияӷныӷмун, туқулъыҳқақа ка̄сяҳтӯма̄қ.

Откровение 14:13

Та̄хкын нагақуӷақа қилягмың ма пилӷӣ: «Игақигу уна: Хўакын кынлыклъюку қуясяҳқа̄гут туқуяҳқат қыпҳа̄сималюку Атанық!» Таӷныӷак пӣк: «Қуянапыста̄ҳтут! Мыӷна̄лилъықут уӷлыӷӣлъыӷмыхның, югыт нықамикылъықӣт аныӷныҳқилъҳит».